Tayvanda kişi beyni ölmüş sevgilisi ilə evləndi

Tayvanda kişi beyni ölmüş sevgilisi ilə evləndi
13:49
10.09.2019
4737
Dünya
A
Tayvanda bir oğlan, beyin ölümü keçirmiş sevgilisi ilə evləndi.

"Ölkə.Az" xəbər verir ki, onun sevgilisi Vanq 22 avqustda qəzaya düşüb. O, motosikletlə gedərkən qadağan edilmiş  dönüş edən avtomobil ilə toqquşub. 3 gün sonra həkimlər Vanqda  beyin hüceyrələrinin öldüyünü müəyyən ediblər. Bundan sonra onun həyatı süni şəkildə yaşadılıb. Qadın, uzun müddətdir sevgilisi olan Lin adlı oğlanla evlənməyi planlaşdırıb. Münasibətləri 11 il davam etsə də, Vanqın valideynlərinin etirazları səbəbindən onlar evlənə bilməyib.

 Lin qəzadan bir müddət əvvəl onların razılığını alıb. O,  sevgilisi üçün xəstəxana otağında təmtəraqlı toy təşkil edib. Bəy ağlaya-ağlaya qohumlarının gözü qarşısında fatada yatan gəlinin barmağına üzük taxıb. Bundan sonra qadını həyat təminatı aparatından ayırıblar. Vanqın daxili orqanları  ürək, qaraciyər, gözün buynuz qişası, qan damarları və dərisi daxil olmaqla, 12 orqanı ehtiyacı olanlara hədiyyə edilib.

 "Bu, digər insanları xilas etməyə imkan verib", — deyə qadının anası bildirib. — Beləliklə, o, yer üzündə qalacaq və uşaqların necə böyüdüyünü izləyə biləcək".

Müşfiq Məmmədov

Ölkə.Az

ŞƏRH YAZ
0

Nüfuzlu “qanuni oğru”nu villasında belə həbs etdilər — VİDEO

Nüfuzlu “qanuni oğru”nu villasında belə həbs etdilər
13:53
Bu gün
3642
Dünya
A
Kriminal aləmdə “Kostya Kanskiy” ləqəbi ilə tanınan “qanuni oğru” Konstantin Naybauer Krasnoyarsk vilayətində həbs olunub.

“Ölkə.Az” xəbər verir ki, bu barədə ölkənin Daxili İşlər Nazirliyi məlumat yayıb. 

54 yaşlı kriminal avtoritet  həyətə keçirilən xüsusi əməliyyat nəticəsində həbs edilib. Onun barəsində cinayət işi açılıb.

“Ura.Ru” yazır ki, Kostya Kanskiy” 1965-ci ildə Krosnayarskda anadan olub. O ilk dəfə 1982-ci ildə mühakimə olunub. 200-ci ildə isə kriminal avtoritetlər tərəfindən “qanuni oğru” adı alıb. Kostya sonuncu dəfə 2014-cü ildə saxlanılıb.

“Kommersant” isə yazır ki, Kostya 2011-ci ilin iyulunda sui-qəsdə məruz qalıb. Ona naməlum şəxs evinin qarşısında beş dəfə atəş açıb. Oxşar sui-qəsdə 2005-ci ildə də məruz qalan Konstantin Naybauer sağ qalmağı bacarıb.

Ölkə.Az

ŞƏRH YAZ
0

Nazarbayevin nəvəsi Londonda həbs olundu

Nazarbayevin nəvəsi Londonda həbs olundu
01:46
Bu gün
3108
Dünya
A
Londonun Sautvork bölgəsinin Kral Məhkəməsi Qazaxıstanın eks-prezidenti Nursultan Nazarbayevin nəvəsi Aysultan Nazarbayevə bir illik şərti həbs cəzası verib.

"Ölkə.Az" bildirir ki, buna səbəb onun polisə müqavimət göstərməsi və başqasına məxsus mülkə qanunsuz daxil olmasıdır.  

London polisindən bildiriblər ki, məhkəmə A.Nazarbayevə iyul ayındakı insidentə görə cəza verib. 

İddiaya görə o, Londonun “Covent Garden” bölgəsində bir evin pəncərəsindən tullanmaq istərkən ona mane olmağa çalışan polisin əlindən dişləyibmiş.  

29 yaşlı Nazarbayevə verilən hökmdə 18 aylıq sınaq müddəti və narkomaniya müalicəsi də var. 

Ölkə.Az

ŞƏRH YAZ
0
BAĞLA