Tayvanda kişi beyni ölmüş sevgilisi ilə evləndi

Tayvanda kişi beyni ölmüş sevgilisi ilə evləndi
13:49
10.09.2019
4748
Dünya
A
Tayvanda bir oğlan, beyin ölümü keçirmiş sevgilisi ilə evləndi.

"Ölkə.Az" xəbər verir ki, onun sevgilisi Vanq 22 avqustda qəzaya düşüb. O, motosikletlə gedərkən qadağan edilmiş  dönüş edən avtomobil ilə toqquşub. 3 gün sonra həkimlər Vanqda  beyin hüceyrələrinin öldüyünü müəyyən ediblər. Bundan sonra onun həyatı süni şəkildə yaşadılıb. Qadın, uzun müddətdir sevgilisi olan Lin adlı oğlanla evlənməyi planlaşdırıb. Münasibətləri 11 il davam etsə də, Vanqın valideynlərinin etirazları səbəbindən onlar evlənə bilməyib.

 Lin qəzadan bir müddət əvvəl onların razılığını alıb. O,  sevgilisi üçün xəstəxana otağında təmtəraqlı toy təşkil edib. Bəy ağlaya-ağlaya qohumlarının gözü qarşısında fatada yatan gəlinin barmağına üzük taxıb. Bundan sonra qadını həyat təminatı aparatından ayırıblar. Vanqın daxili orqanları  ürək, qaraciyər, gözün buynuz qişası, qan damarları və dərisi daxil olmaqla, 12 orqanı ehtiyacı olanlara hədiyyə edilib.

 "Bu, digər insanları xilas etməyə imkan verib", — deyə qadının anası bildirib. — Beləliklə, o, yer üzündə qalacaq və uşaqların necə böyüdüyünü izləyə biləcək".

Müşfiq Məmmədov

Ölkə.Az

ŞƏRH YAZ
0

Futbol azarkeşlərinin olduğu qatarda yanğın — Xəsarət alanlar var - VİDEO

Futbol azarkeşlərinin olduğu qatarda yanğın
00:46
Bu gün
336
Dünya
A
Almaniyada “Frayburq” futbol klubunun azarkeşlərinin olduğu qatarda yanğın baş verib.

“Ölkə.Az” avtosfer.az-a istinadən xəbər verir ki, insident oktyabrın 19-da yerli saatla 20.00 radələrində Berlinin Belvyu stansiyasında qeydə alınıb.

Bildirilir ki, yanğın zamanı azarkeşlər üçün xüsusi ayrılmış vaqonlarda 700 nəfər olub. Onlardan 3 nəfəri xəsarət alıb.

Hazırda hüquq-mühafizə orqanlarının əməkdaşları hadisənin baş vermə səbəblərini araşdırır.

Ölkə.Az

ŞƏRH YAZ
0

Bu təklif Zukerberqin xoşuna gəlmədi

Bu təklif Zukerberqin xoşuna gəlmədi
00:31
Bu gün
272
Dünya
A
“Facebook”un təsisçisi milyarder Mark Zukerberq ABŞ prezidentliyinə namizədliyini irəli sürməyə hazırlaşan Berni Sandersin milyarderlərdən yaxa qurtarmaq təklifini tənqid edib.

“Ölkə.Az” oxu.az-a istinadən xəbər verir ki, Zukerberq ABŞ-dakı bərabərsizliyin onu da narahat etdiyini bildirib. Lakin onun zənnincə, milyarderlərin sərvətinin hökumətə ötürülməsi pis nəticələr verə bilər.

“Bəziləri düşünür ki, belə bir sərvətlə mübarizə bu cürdür: “Gəlin hökumətdən bunların hamısını almağı xahiş edək. Sonra isə hökumət özü bütün bu varidatı tibbi tədqiqatlara verə bilər””, - Zukerberq bildirib.

O qeyd edib ki, bu məsələdə yarış prinsipini dəstəkləyir.

“Düşünürəm ki, bu və ya digər tədqiqatların aparılması ilə bağlı rəqabətqabiliyyətli ideyalar irəli sürə biləcək müxtəlif filantroplar və təşkilatlar mövcuddur... Mən bizə müxtəlif ideyalar verə biləcək bu cür yarışa inanıram”, - deyə o fikrini izah edib.

“Senatorun (Sanders – red.) irəli sürdüyü tipdə təkliflər məni bir qədər narahat edir. Bütün bunların dövlət tərəfindən edilməli olması ilə bağı təklif bazarı və dünyanı edilə biləcək müxtəlif səylərdən məhrum edəcək”, - Zukerberq bəyan edib.

Xatırladaq ki, ötən ay Sanders “The New York Times” qəzetinə bildirmişdi ki, ABŞ-a milyarderlər lazım deyil və onların sərvətinin böyük hissəsini təsviyyə etməyi təklif etmişdi. Sanders aktivləri 32 mln dollar olanların sərvətinə 1%, 10 mlrd dolları ötənlərin isə varidatına 8 %-lik vergi tətbiqini təklif etmişdi.

Qeyd edək ki, “Forbes” Zukerberqin sərvətini 69 mlrd dollar məbləğində dəyərləndirməklə, ona planetin ən zəngin adamları siyahısında 8-ci yeri verib.

Ölkə.Az

ŞƏRH YAZ
0
BAĞLA