Teatr direktoru Eldəniz Zeynalovun oğlunu İŞDƏN ÇIXARIRMIŞ — SƏBƏB

Teatr direktoru Eldəniz Zeynalovun oğlunu İŞDƏN ÇIXARIRMIŞ
15:33
12.09.2017
1007
Mədəniyyət
A
İrəvan Dövlət Azərbaycan Dram Teatrının direktoru İftixar Piriyev tanınmış aktyor, mərhum xalq artisti Eldəniz Zeynalovun oğlu, aktyor Məmməd Zeynalovu işdən çıxarmaq istəyir.

"Ölkə.Az"-ın əldə etdiyi məlumata görə, Piriyev Zeynalovun işdən çıxmaq haqda ərizəsini almaq üçün baş mühasib Şahnaz Fərəcovaya göstəriş verib.

Qərara etiraz edən M.Zeynalov isə Əmək Müfəttişliyinə müraciət edib. Yalnız müfəttişliyin müdaxiləsindən sonra Piriyev məşhur aktyorun oğlunu işdən çıxartmaq qərarından vaz keçib.

Qeyd edək ki, İ.Piriyev səhhəti ilə əlaqədar müalicə olunduğu üçün M.Zeynalovu işdən çıxartmaq istəyirmiş.

İntiqam VALEHOĞLU
Ölkə.Az

ŞƏRH YAZ
0

Emin Ağalarova yeni fəxri ad verildi — FOTOLAR

Emin Ağalarova yeni fəxri ad verildi
12:18
Bu gün
251
Mədəniyyət
A
Azərbaycanın xalq artisti Emin Ağalarova növbəti fəxri ad verilib.

“Ölkə.Az” xəbər verir ki, Eminə Adıgeya Muxtar Respublikasının əməkdar artisti adı verilib. Respublika rəhbəri Murat Kumpilov Emin Ağalarovu qəbul edib. Görüşdə respublika prezident aparatının rəhbəri, nazir Murat Txakuşinov və digər rəsmi şəxslər iştirak ediblər.

“Biz sizinlə görüşdən şadıq. Sizin istedadınız bütün Rusiyaya və onun sərhədlərindən kənarda məlumdur. Əminəm ki, konsert proqramınız respublikamızın sakinlərinin çox xoşuna gəlib. Adegeyada sizin pərəstişkarlarınızın sayı çoxdur. Burada sizi sevirlər və yeni konsertlərinizi gözləyirlər”, - deyə Murat Kumpilov bildirib.

Emin Ağalarov isə qeyd edib ki, onun üçün aritst etalonu Müslüm Maqomayevdir.
Görüşün sonunda Adıgeya rəhbəri qonağa mükafat təqdim edib. Mədəniyyətin və incəsənətin inkişafına verdiyi töhfələrə görə Emin Ağalarov Adıgeya Respublikasının əməkdar artisti fəxri adına layiq görülüb.

Hikmət Həsənov
Ölkə.Az

ŞƏRH YAZ
0

İranın mədəniyyət naziri Azərbaycana səfər edəcək

İranın mədəniyyət naziri Azərbaycana səfər edəcək
13:47
21.06.2018
317
Mədəniyyət
A
Azərbaycanda İran Mədəniyyət Günləri keçiriləcək.

Mədəniyyət Nazirliyindən "Ölkə.Az" verilən məlumata görə, “Azərbaycan Respublikasının Mədəniyyət və Turizm Nazirliyi ilə İran İslam Respublikasının Mədəniyyət və İslami İrşad Nazirliyi arasında 2018-2021-ci illər üçün Mədəni Mübadilə Proqramı”na əsasən 27 iyun - 1 iyul 2018-ci il tarixində Azərbaycanda İran İslam Respublikasının Mədəniyyət Günlərinin keçirilməsi planlaşdırılıb.

Tədbir çərçivəsində İran İslam incəsənət ustalarının iştirakı ilə konsertlərin, sərgilərin keçirilməsi, film və teatr tamaşalarının nümayişi nəzərdə tutulub. İran Mədəniyyət Günləri iki ölkə arasında qarşılıqlı mədəni əməkdaşlığın inkişafına, incəsənət ustalarının və insanların bir-birini daha yaxından tanımasına, sıx ünsiyyət qurulmasına, İranın mədəni nailiyyətlərinin Azərbaycan sənətsevərlərinə təqdim edilməsinə, təcrübə mübadiləsinin genişlənməsinə xidmət edəcək.

Mədəniyyət Günləri çərçivəsində İranın mədəniyyət və islami irşad naziri Seyid Abbas Salehinin başçılığı altında İranın tanınmış mədəniyyət və incəsənət xadimlərindən ibarət geniş tərkibli nümayəndə heyəti ölkəmizə səfərə gələcək.

ŞƏRH YAZ
0
BAĞLA