Teatr kollektivimizi 10 saat Gürcüstan sərhədində saxladılar

 "Ölkə.Az"ın məlumatına görə, bu barədə teatrın keçmiş aktyoru Elçin Hacı sosial şəbəkədə yazıb. Aktyorun sözlərinə görə, yaranan problem üzündən kollektiv on saat sərhəddə gözləməli olub:

"Türkiyədən qastroldan gələndə teatrın direktoru İftixar Piriyev külli miqdarda maşın ehtiyat hissələri alıb vurub avtobusa. Gürcülər də sərhəddə saxlayıblar ki, nazirlik xətti ilə qastrola getməyinizi başa düşdük. Bəs bu avtomobil ehtiyat hissələri nədir? Teatrın kollektivini on saat sərhəddə saxlayıblar, sonra necəsə həll olunub buraxıblar".

Qeyd edək ki, İrəvan Dövlət Azərbaycan Dram Teatrı Türkiyənin bir neçə şəhərində tamaşalarla çıxış edib.  

İntiqam VALEHOĞLU
Ölkə.Az