Technol peşəkarları bir araya topladı

200-ə yaxın mühərrik və yağdəyişmə ustasının iştirak etdiyi tədbirdə Technol mühərrik yağlarının texnoloqu Ayşegül Çelikkesen çıxış edərək, istehsal olunan mühərrik yağının fərqli və üstün tərəflərindən danışıb. A.Çelikkesen bildirib ki, 10 000 km zəmanət verilən Technol mühərrik yağları yerli şəariti və avtomobilsürmə şərtləri nəzərə alınaraq istehsal olunur və bu yerli markanı digər markalardan fərqləndirən əsas cəhətdir. O qeyd edib ki, 60-a yaxın çeşiddə mühərrik, avtomat ötürücü qutu yağları, sükan sistemləri yağları istehsal edən müəssisədə yüksək standartlara cavab verən labaratoriya var ki, bu da Azərbaycanın bu sahədə ilk yüksək texnologiyalı labarotiryasıdır. 

Tədbirdə çıxış edən tanınmış ekspert, Performance Center-in servis direktoru Elçin Abbasov məhz Technol mühərrik yağları istehsalçısının sifarişi hazırlanan, elektriklər çalışan mühərrikdən danışıb. Elçin Abbasov bildirib ki, normal avtomobil mühərriki əsasında hazırlanan bu mühərrik elektriklə çalışır və mühərrikdə xüsusi detalların açıq nümayiş olunması, gələcəkdə zavod tərəfindən ustalar üçün təşkil olunacaq təlimlərdə istifadə üçün nəzərdə tutulub. 

9192 avtomobil verilişinin aparıcısı Raqif Raufoğlu isə çıxışdında qeyd edib ki, Technol kimi öz işinə peşəkar yanaşan mühərrik yağları istehsalçıları çox olarsa, ölkədə mühərrik yağının düzgün istifadə olunması, ustaların daha da peşəkarlaşması işi sürətlənəcək. O qeyd edib ki, ölkədə yerli istehsalın olması bu prosesin daha da sürətlənməsi ilə bərabər, ustaların işini rahatlaşdırır və yarana biləcək hər hansı suala dərhal aydınlıq gətirmə imkanı olur. 

Azərbaycan Texniki Universitetinin professoru Məsud Rüstəmbəyov isə çıxışında qeyd edib ki, artıq neçənci dəfədir Technol mühərrik yağlarının təşkil etdiyi tədbirlərdə iştirak edir və ölkədə yüksək keyfiyyətlə mühərrik yağları istehsal olunması onun üçün fəxr hissidir. M.Rüstəmbəyov Technol-un yüksək keyfiyyətli mühərrik yağları istehsal etməklə yanaşı, ustaların daha da peşəkarlaşması üçün elektriklə çalışan açıq mühərrik hazırlaması, bu cür tədbirlər keçirməsi Azərbcanda istifadəçilərin və ustaların mühərrik yağına baxışında yeniliklərə səbəb olacaq. 

Tədbirdə iştirakçılar üçün lotoreya keçirilib. Lotoreyanın qalibi olan 6 iştirakçıya müxtəlif hədiyyələr təqdim olunub.