Gələn il qəbul imtahanları belə keçiriləcək — DETALLAR

Gələn il qəbul imtahanları belə keçiriləcək
10:06
14.09.2018
5986
Ölkə
A
“Təhsildə keyfiyyət ili”ndə əldə olunan nailiyyətlər ümid etməyə əsas verir ki, qarşıdan gələn növbəti dərs ilində də düzgün seçilmiş strategiya bizə öz hədəflərimizə çatmaqda kömək edəcək”.

"Ölkə.Az" Report-a istinadən xəbər verir ki, bunu təhsil naziri Ceyhun Bayramov deyib.

O bildirib ki, Təhsil Nazirliyi tərəfindən "Təhsildə keyfiyyət ili”ndə əldə olunan müsbət dinamikanın qorunub saxlanılması və mahiyyətcə inkişafyönlü tədbirlərin 2018-2019-cu dərs ilində də davam etdirilməsi məqsədəuyğun hesab olunub.

C.Bayramov əlavə edib ki, hazırda Dövlət İmtahan Mərkəzi ilə sıx əlaqəli şəkildə gələn ilki qəbul imtahanlarının yeni formatı istiqamətində əməkdaşlıq edilir: ”Qısa olaraq yeni modelin mahiyyəti bundan ibarətdir ki, abituriyentin balı buraxılış imtahanı və qəbul imtahanında topladığı balların cəmi olaraq hesablanacaq. Belə ki, I mərhələdə (buraxılış imtahanında) abituriyentlər 3 fəndən (ana dili, riyaziyyat, xarici dil) maksimum 300 bal, II mərhələdə (qəbul imtahanında) isə 3 fəndən (ixtisas qruplarına uyğun) maksimum 400 bal olmaqla cəmi 700 bal toplaya bilərlər. Yeni modelə əsasən ali təhsil müəssisələrinə qəbul olunmaq istəyən məzunlar daha az sayda fəndən imtahan verirlər və verdikləri hər bir imtahanın onların həyatına təsiri olur. Əvvəlki illərdə məzunlar eyni fəndən 2 dəfə imtahan verməli olsalar da, bu imtahanlardan yalnız qəbul imtahanı məzunun gələcək həyatına təsir edirdi. Əvvəlki illərdə olduğu kimi, imtahanlar Dövlət İmtahan Mərkəzi tərəfindən keçiriləcək”.

ŞƏRH YAZ
0

“Ölkəmizi tanıyaq” — Məktəblilər Lənkəranda

“Ölkəmizi tanıyaq”
20:19
18.11.2018
4055
Ölkə
A
“Ölkəmizi tanıyaq” layihəsinin növbəti mərhələsi çərçivəsində təşkil olunmuş tur-aksiyada iştirak edən Bakının Suraxanı, Xəzər, Pirallahı, Qaradağ, həmçinin Xocalı, Qax, Mingəçevir, Zaqatala, Balakən və Kəlbəcər rayonlarının IX-XI sinif şagirdləri və onların müəllimləri noyabrın 18-da axşam saatlarında Lənkərana gəliblər.

“Ölkə.Az” AZƏRTAC-a istinadən xəbər verir ki, tur-aksiya iştirakçılarını Lənkəran Şəhər İcra Hakimiyyətinin məsul işçiləri, müəllimlər və ictimaiyyətin nümayəndələri qarşılayıblar.

Lənkəran şəhərindəki Heydər Əliyev Parkında məktəblilər qarşısında çıxış edən şəhər icra hakimiyyəti başçısının müavini Rəsilə Əliyeva “Ölkəmizi tanıyaq” layihəsi çərçivəsində təşkil olunmuş tur-aksiyaların əhəmiyyətindən danışıb, cənub bölgəsinə səyahət edən məktəblilərə ən xoş arzularını çatdırıb.

Sonra humanitar aksiyanın iştirakçıları Lənkərandakı “Şah”, “Lux” hotellərində, “Palıdlı sahil” və “Palmalife” istirahət mərkəzlərində yerləşdirliblər.

Noyabrın 19-da tur-aksiya iştirakçıları Lənkəranın gəzməli-görməli yerlərinə səyahət edəcəklər.

Ölkə.Az

ŞƏRH YAZ
0

Abşeronda bu kəndin elektrik enerjisi təchizatında fasilələr olacaq

Abşeronda bu kəndin elektrik enerjisi təchizatında fasilələr olacaq
16:06
18.11.2018
4301
Ölkə
A
Məhəmmədi kəndinin elektrik enerjisi təchizatında fasilələr olacaq.

Bu barədə "Ölkə.Az"a “Azərişıq” ASC-nin mətbuat xidmətindən daxil olan məlumatda qeyd olunur.

Məlumata görə, Abşeron rayonu Bağlar ETSİ-nin xidmət ərazisi olan Məhəmmədi kəndinin elektrik enerjisi təchizatının yaxşılaşdırılması məqsədilə Zabrat – Məhəmmədi, yeni Məhəmmədi 35/10 kV-luq yarımstansiyası ilə kəndin digər ərazilərini əlaqələndirmək üçün 19 noyabr 2018-ci il tarixindən 23 noyabr 2018-ci il tarixinə qədər kəndin bəzi ərazilərində qısa müddətli fasilələr yaranacaq.

Ölkə.Az

ŞƏRH YAZ
0
BAĞLA