KORONAVİRUSA YOLUXANLARIN SAYI - CANLI STATİSTİKA

Təhsil naziri müəllimlərin maaşlarının artırılmasından danışdı

Təhsil naziri müəllimlərin maaşlarının artırılmasından danışdı
09:57
12.07.2019
1867
Ölkə
A
“Müəllimlərin maaşlarının artırılması ölkədə təhsilin inkişafına, keyfiyyətin yüksəldilməsinə təkan verərək müəllimləri daha əzmlə fəaliyyət göstərməyə ruhlandıracaq”.

“Ölkə.Az” xəbər verir ki, bunu Təhsil naziri Ceyhun Bayramov deyib.

Nazir bildirib ki, təhsil işçilərinin fəaliyyətinin stimullaşdırılması, sosial müdafiəsinin gücləndirilməsi istiqamətində həyata keçirilən tədbirlər davamlı xarakter alıb, Prezidentin 18 iyun 2019-cu il tarixli sərəncamına əsasən, dövlət ümumi təhsil müəssisələrində çalışan, bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşları cari il sentyabrın 1-dən orta hesabla 20 faiz artırılıb və beləliklə, onların orta aylıq əməkhaqqı 600 manatı ötəcək.

C.Bayramov əlavə edib ki, peşə təhsili də daxil olmaqla bu tədbirlər ümumilikdə 160 minədək müəllimi əhatə edib: “Bu qərarlar cəmiyyət tərəfindən yüksək qiymətləndirilib”.

Nazir vurğulayıb ki, son illərdə peşə təhsili sisteminin yenidən qurulması, bu sahədə çevik idarəetmənin təmin edilməsi məqsədilə 24 ixtisaslaşmış peşə təhsili mərkəzi yaradılıb, mühəndis-pedaqoji heyətin diaqnostik qiymətləndirilməsinə və əməkhaqqının artırılmasına başlanmış, onların həftəlik dərs yükü norması 1,5 dəfə, aylıq vəzifə maaşı orta hesabla 2 dəfə artırılıb: "Məzmunun əmək bazarının tələblərinə uyğunlaşdırılması istiqamətində beynəlxalq təcrübə nəzərə alınmaqla peşə təhsilinin yeni dövlət standartları təsdiq edilib, nəticəyönümlü təhsil proqramları (kurikulumlar), yeni dərsliklər və tədris vəsaitləri hazırlanıb. Beynəlxalq təşkilatlarla birlikdə layihələrin icrasına başlanılıb".

ŞƏRH YAZ
0

Azərbaycanın baş infeksionisti: “Koronavirusa yoluxma halları arta bilər”

Azərbaycanın baş infeksionisti: “Koronavirusa yoluxma halları arta bilər”
12:38
Bu gün
594
Ölkə
A
“Xəstəliyin gedişatından asılı olaraq, koronavirus xəstəsi həyatını bir həftəyə də itirə bilər”.

"Ölkə.Az" oxu.az-a istinadən xəbər verir ki, bu sözləri Respublikanın baş infeksionisti, ATU-nun Yoluxucu xəstəliklər kafedrasının dosenti Cəlal İsayev “Baku TV”nin canlı efirində Azərbaycanda koronavirus infeksiyası ilə bağlı mövcud vəziyyətdən danışarkən deyib.

O bildirib ki, xəstəliyə yoluxanların vəziyyəti ilə bağlı konkret fikir söyləmək çətindir:

“Bəzən həkimlər bu məsələyə doğru yanaşmır. Koronavirusa yoluxan xəstənin fərdi xüsusiyyətlərindən və prosesin gedişatından çox şey asılıdır. Vəziyyət ağır gedərsə, xəstəni bir həftə ərzində də itirə bilərik.

Elə də ola bilər ki, xəstəlik inkişaf edər və sonra bu vəziyyətə gətirib çıxarar. Türkiyəli həkimlər qeyd edirlər ki, ölkə üzrə ölüm halları bir faizdir. Məsələn, bəzi ölkələrdə koronavirusdan ölüm halları altı, Çində iki, İtaliyada isə 12 faizə yaxındır. Xəstəlikdən ölüm faizi regiondan asılı olaraq dəyişir. Azərbaycanda koronavirusdan 5 nəfər ölüb.

Bu xəstəlik 80-85 faiz hallarda yüngül keçir. Ağır xəstələrin təxminən beş faizində kritik vəziyyət yaşanır ki, bu zaman ölüm halları müşahidə edilir. Bütün hallarda biz insan həyatından danışırıq, istər bir nəfər ölsün, istərsə də 10-15. Biz hər kəsin sağlamlığını qorumalıyıq”.

C.İsayev xəstəliyin daha çox yaşlı insanlar arasında ölümə səbəb olduğunu qeyd edib:

“Bunun əsas səbəbi yaşlı insanlarda immum sisteminin zəifliyi və paralel olaraq bəzi xroniki xəstəliklərin olmasıdır. Təkcə yaşlılarda deyil, cavanlar arasında da ölüm faktları qeydə alınıb. Hansı insanda ki, immun sistemi zəifdir və orqanizmdə yanaşı gedən xəstəliklər müşahidə edilir, o şəxslər bu xəstəliyi ağır keçirir. Ölüm riski isə nisbətən yüksək olur.

Mövcud vəziyyətdən asılı olmayaraq, insanlar gigiyenik qaydalara riayət etməsələr, təhlükəli vəziyyət daha da artacaq”.

ŞƏRH YAZ
0

Elnur Allahverdiyev: Dövlət ən çox əhalinin aztəminatlı hissəsinə kömək edəcək

Elnur Allahverdiyev: Dövlət ən çox əhalinin aztəminatlı hissəsinə kömək edəcək
12:37
Bu gün
314
Ölkə
A
"Əhalini koronavirus pandemiyasından qorumaq məqsədilə dövlət sektorunda çalışan vətəndaşlar əməkhaqları ödənilməklə aprelin 29-dək məzuniyyətə çıxarılıb. Özəl sferada çalışanların maddi durumunun necə olacağı sualı hamını düşündürürdü. Əhalinin bir qismi özəl sektorda – restoranlarda, mehmanxanalarda, ticarət, turizm, nəqliyyat sahələrində çalışırlar. Bu sahələr isə virus epidemiyası nəticəsində ən çox zərər görmüş istiqamətlərdir. Bu baxımdan dövlət dəstək proqramlarının əhəmiyyəti həqiqətən də misilsizdir".

"Ölkə.Az" xəbər verir ki, bunu Trend-ə sahibkarlar üçün hökumət tərəfindən təqdim edilən dövlət dəstəyi proqramlarını şərh edən Milli Məclisin deputatı, İqtisadi siyasət, sənaye və sahibkarlıq komitəsinin üzvü Elnur Allahverdiyev deyib.

Deputat bildirib ki, 4 böyük sektoru və 20 fəaliyyət istiqamətini əhatə edən 9 proqramda özəl sferada çalışan 300 mindən çox işçinin gündəlik yaşam təminatının saxlanılmasına hesablanmış tədbirlərə geniş yer ayrılıb:

“Proqram belə demək mümkündürsə, 44 min sahibkarı əhatə edir ki, onların rəhbərlik etdikləri subyektlərdə 304 min vətəndaşımız çalışır. Ümumiyyətlə, ölkədə qanuni əsasla, yəni əmək müqaviləsi əsasında işləyən 1 milyon 555 min nəfər var. Onların 915 min nəfəri dövlət və neft sektorunun işçiləridir. Qalan 640 min nəfər isə özəl və qeyri-neft sferasında işləyirlər”.

E.Allahverdiyevin sözlərinə görə, həmin 304 min nəfər özəl və qeyri-neft sektorunu təmsil edən işçilərin 45% təşkil edir.

E.Allahverdiyev bildirib ki, 20 fəaliyyət istiqamətindən 11-i pandemiya nəticəsində ən çox zərər görmüş sahələrdir. O qeyd edib ki, məhz bu səbəbdən hökumət bu istiqamətlərə ciddi dəstək planı hazırlayıb:

“Götürək turizmi. Bu fəaliyyət sferası bütün dünyada dayanıb. Sərhədlər bağlı, gediş-gəliş yox. Turizm sferasının təmsilçiləri olan hotellər, istirahət mərkəzləri, restoranlar ən çox ziyan görən özəl bizneslərdir. Bura ticarət mərkəzlərini də əlavə etməliyik. Turizmlə ticarət bir-biriləri ilə sıx əlaqəli sahələrdir.

Turizmdən başqa, nəqliyyat və əyləncə sahələri də tam fəaliyyətsiz qalıblar. Bu sahələrdə gündəlik gəlir hesabına işləyən işçilər daha çoxdur. Deməli, əhalinin ən aztəminatlı qismi bu sferada çalışır. Məhz bu səbəbdən hökumət nəzərdə tutub ki, sözügedən istiqamətlərə 100%-lik yardım paketi tətbiq olunsun. Qalan 9 istiqamət isə nisbətən az ziyan görüb və onlara da 70%-lik güzəşt tətbiq ediləcək”.

Millət vəkili hesab edir ki, maddi dəstəyin sərf olunması mexanizminə diqqət yetirmək lazımdır:

“Yanvar ayında orta aylıq əmək haqqı 712 manat olub. Proqramda aylıq əmək haqqı fondunun 50%-nin birbaşa maliyyə vəsaiti şəklində sahibkarlara və müəssisələrə ayrılması təklif edilir. Burada bir məqama xüsusi diqqət yetirmək lazımdır. Orta aylıq əmək haqqı maksimal hədd kimi götürülüb. Sirr deyil ki, hamının əmək haqqı və dolanışıq səviyyəsi eyni deyil. Pandemiya hamıya ziyan vursa da, hər birimiz üçün eyni dərəcədə zərərə səbəb olmayıb.

Yəni orta aylıq əmək haqqından yüksək əmək haqqı alanla, az alan arasında bərabərlik işarəsi qoya bilmərik. Başqa sözlə, virus epidemiyası nəticəsində müvəqqəti olaraq bağlanan iş yerlərinə görə əhalinin aztəminatlı hissəsi, xüsusilə gündəlik gəlirlə dolanan təbəqə daha çox zərər çəkib və məntiqlə, əsas köməyə də onun ehtiyacı var. Bank, maliyyə, sığorta, rabitə sahəsinin işçiləri isə digərlərindən daha az itkiyə məruz qalıblar”.

E.Allahverdiyevin sözlərinə görə, dəstək proqramının mühüm bir özəlliyi ondan ibarətdir ki, yardım tədbirləri konkret olaraq məhz 44 min sahibkarlıq subyektini əhatə edir:

“Bu sahibkarlar fəaliyyətlərini şəffaf təşkil edən, vergidən yayınmayan, qanunla çalışan, işçiləri ilə əmək müqaviləsi bağlayanlardır. Əgər fəaliyyət qanuni zəmində qurulubsa, dövlət belə sahibkarlara niyə yardım etməsin? Karantin rejimi tətbiq edilərkən cənab Prezident İlham Əliyev sahibkarları işçilərini bu çətin zamanda ixtisar etməməyə çağırmışdı.

Dövlət başçısı bildirmişdi ki, belə hallar olarsa, ən azı bizim qlobal problem qarşısında bir xalq olaraq həmrəylik cəhdlərimizi sarsıltmış olar. Hansı sahibkar ki, bu çağırışa əməl edib, təbii ki, dövlətin hər cür dəstəyinə layiqdir”.

ŞƏRH YAZ
0
BAĞLA