Təhsil nazirinin müavini yeni qəbul qaydaları haqqında

Təhsil nazirinin müavini yeni qəbul qaydaları haqqında
21:06
13.09.2017
27
Ölkə
A
Azərbaycanda test sisteminin ləğvindən söhbət getmir. Qiymətləndirmənin formatında yeniliklərin tətbiqi nəzərdə tutulur, amma formatda müəyyən yeniliklər olsa da belə, sistemdə ciddi dəyişikliklər baş verməyəcək.

Ölkə.Az-ın Trend-ə istinadən məlumatına görə, bunu təhsil nazirinin müavini Ceyhun Bayramov kurrikulumla təhsil alanlar üçün 2 ildən sonra qəbul imtahanlarında dəyişikliklərin ediləcəyi, test imtahanının ləğv ediləcəyi barədə yayılan məlumatlara münasibət bildirərkən deyib.

Onun sözlərinə görə, qiymətləndirmədə dəyişikliklərə artıq start verilib.

C.Bayramov deyib ki, bu il 9-cu sinifdə təhsil alan şagirdlər artıq yeni format üzrə imtahan veriblər: 

“Bir məqamı qeyd edim ki, test sisteminin ləğvindən söhbət getmir. Söhbət ondan gedir ki, kurrikulum proqramı ilə təhsil alan şagirdlərin biliklərinin yalnız bizim qəbul etdiyimiz ənənəvi qaydada, bir neçə seçim əsasında olan test vasitəsilə həyata keçirilməsi mümkün deyil. Ona görə də orada daha geniş qiymətləndirmənin aparılmasından söhbət gedir. Bu, artıq 9-cu sinif səviyyəsində baş verdi. Yenə də qeyd edirəm ki, qiymətləndirmənin formatında yeniliklərin tətbiqi nəzərdə tutulur. Bu istiqamətdə də Təhsil Nazirliyi ilə Dövlət İmtahan Mərkəzi arasında işlər davam etdirilir. Yaxın vaxtlarda bununla bağlı geniş məlumat veriləcək. Biz bir məqamı əminliklə qeyd edə bilərik ki, formatda müəyyən dəyişikliklər olsa da belə, sistemdə ciddi dəyişikliklər baş verməyəcək. Yəni burada obyektiv qiymətləndirmə olduğu kimi həyata keçiriləcək, hərtərəfli qiymətləndirmə əsasında şagirdlərin biliyinin üzə çıxarılması həyata keçiriləcək”.

ŞƏRH YAZ
0

Yalçın İmanov Vəkillər Kollegiyası üzvlüyündən çıxarıldı

Yalçın İmanov Vəkillər Kollegiyası üzvlüyündən çıxarıldı
17:55
Bu gün
1
Ölkə
A
Bu gün Vəkillər Kollegiyası Rəyasət Heyətinin iclasında vəkil Yalçın İmanovun kollegiya üzvlüyündən xaric edilməsi ilə bağlı qərar qəbul edilib.

"Ölkə.Az"ın APA-ya istinadən xəbərinə görə, Rəyasət Heyətinin bununla bağlı məhkəməyə müraciət etməsi qərara alınıb.
 
Vəkil məhkəməyədək heç bir işə çıxa bilməz.
 
Qeyd edək ki, Penitensiar Xidmətin rəis müavini Oqtay Məmmədov bu il avqustun 10-da vəkil Yalçın İmanov haqqında Vəkillər Kollegiyasına şikayət edib.
Şikayətə əsas kimi Yalçın İmanovun Qobustan həbsxanasında Nardaran hadisələri ilə bağlı məhkum olunmuş Abbas Hüseynovun təzyiqlərə məruz qalması barədə açıqlamaları göstərilib.Penitensiar Xidmət bu məlumatları təkzib edib.

ŞƏRH YAZ
0

Bakıda DYP əməkdaşı ilə türkiyəli yazar arasınsa maraqlı dialoq — ”Qardaş, pulun yoxdursa...”

Bakıda DYP əməkdaşı ilə türkiyəli yazar arasınsa maraqlı dialoq
17:31
Bu gün
637
Ölkə
A
Bu yaxınlarda Bakıya üç günlük səfərə gələn Türkiyənin Adana şəhərində çap olunan ”Göy Türk” qəzetinin baş redaktoru, yazar Mehmet Turaçcı Bakı ilə bağlı təəssüratlarını bölüşüb.

"Ölkə.Az" xəbər verir ki, yazar məqaləsinə “Yavru Vətən Kıbrısdırsa, qardaş vətən Azərbaycandır" cümləsi ilə başlayır. 

Azərbaycan insanı və ölkə haqqında xoş sözlərlə davam edən məqalədə diqqət çəkən məqamlardan biri də, yazarla Azərbaycan Dövlət Yol Polisinin əməkdaşı ilə olan söhbətdir.

“İlk dəfə Bakıda idim. İnsanlar mənə yad yox, doğma kimi idilər. Mənə ən çox təsir edən məqam bizi yolda saxlayan yol polisi ilə söhbətimiz oldu. Məndən haralı olduğumu soruşdu. Adanalı olduğumu deyincə "Adanaspor"u eşitdiyini, "Adana Dəmirspor"un keçmiş oyunçusu Potinin çox sevdiyini söylədi. Klubun formasını məndən istədi və ən qısa zamanda formanı ona göndərəcəyimi söylədim. Ondan ayrılarkən mənə dedi ki, "qardaş, pulun yoxdursa, sənə pul verim. Biz qardaşıq, çəkinmə", - deyə M.Turaçcı yazır.

Elnur Eltürk
Ölkə.Az

ŞƏRH YAZ
0
BAĞLA