Təhsil Nazirliyi: 1726 müəllim iş yerini dəyişib

Təhsil Nazirliyi: 1726 müəllim iş yerini dəyişib
18:05
14.06.2018
1461
Ölkə
A
Təhsil Nazirliyi sisteminə daxil olan ümumi təhsil müəssisələrində müddətsiz müqavilə ilə işləyən müəllimlərin iş yerinin dəyişdirilməsi müsabiqəsi başa çatıb.

Nazirlikdən "Ölkə.Az"a verilən xəbərə görə, cari ilin 4-11 iyun tarixlərində keçirilən elektron sənəd qəbulu prosesi bitdikdən sonra müraciətlər araşdırılıb, 5865 namizədin ərizəsi qəbul edilib. Yerləşdirmə zamanı namizədlərin diaqnostik qiymətləndirilmə və müəllimlərin işə qəbulu üzrə imtahan nəticələri əsas tutulmaqla yanaşı, iş yerini dəyişdirmək üçün qeyd etdikləri səbəblər və sosial amillər nəzərə alınıb.

Yerləşdirmənin nəticələrinə əsasən, 1726 nəfər namizədin iş yerini dəyişməsinə razıllıq verilib. Nəticələr hər bi müəllimin şəxsi səhifəsində yerləşdirilib.

Müəllimlərin iş yerinin dəyişdirilməsi müsabiqəsindən uğurla keçən namizədlərdən yerdəyişməni təsdiq etmələri məqsədilə müvafiq sənədləri cari ilin 27-28 iyun tarixlərində Təhsil İşçilərinin Peşəkar İnkişafı İnstitutunun nəzdində İnsan Resursları Mərkəzinə gətirmələri tələb olunur.

ŞƏRH YAZ
0

Bakıdakı özbaşına avtobus sürücüləri ilə nə etməli? — VİDEO

Bakıdakı özbaşına avtobus sürücüləri ilə nə etməli?
00:09
Bu gün
1138
Ölkə
A
Gedişhaqqı 25 qəpik olduğu halda sürücülər, sərnişinlərdən 30 qəpik alır.

"Ölkə.Az" Xəzər TV-yə istinadən xəbər verir ki, söhbət Hövsan qəsəbəsi və şəhər istiqamətində işləyən 132 və 161 saylı marşurutlardan gedir.

Sərnişinlərin sözlərinə görə, sürücülər əksər hallarda gediş haqqı 25 qəpik olduğu halda onlardan 30 qəpik alırlar.

Halbuki, həmin marşurut xəttində qiymət bir neçə il əvvəl tarif şurasının qərarı ilə 25 qəpik olub. Sürücülər isə deyilənlərin əksini deyir. Onlar bir çox sərnişinin 5 qəpiyi almadan düşüb getdiklərini bildirirlər.

Məsələ ilə bağlı Bakı Nəqliyyat Agentliyinin sektor müdiri Mais Ağayev bildirdi ki, əgər hansısa sürücü müəyyən olunmuş gedişhaqqından artıq pul alırsa, bu sərnişindaşıma qaydalarının pozulması deməkdir. Həmin xəttdə baş verənlər agentlik tərəfindən araşdırılacaq. Həqiqətən də təsdiq edilərsə, daşıyıcı şirkət barəsində lazımı tədbirlər görüləcək.

Ölkə.Az

ŞƏRH YAZ
0

"Spirtli içki və tütünə aksizlərin alınması üçün rüsum tətbiq olunması daxili istehsalın müdafiəsinə yönəlib" — Maliyyə naziri

21:37
22.06.2018
2154
Ölkə
A
Azərbaycana idxal olunan spirtli içki və tütün məmulatlarına aksiz markalarının alınması üçün rüsumun tətbiq olunması daxili istehsalın müdafiəsinə yönəlib.

"Ölkə.Az" xəbər verir ki, bunu Milli Məclisin iqtisadi siyasət, sənaye və sahibkarlıq komitəsinin iclasında maliyyə naziri Samir Şərifov deyib.

Onun sözlərinə görə, bu gün Azərbaycanda kifayət qədər tütün məmulatı və spirtli içki istehalçısı var:

“Bu gün dövlət sahibkarlara dəstək göstərir, subsidiyalar, güzəştlər tətbiq olunur. Biz yerli istehsalçıları müdafiə etməliyik. Təklif olunan dəyişikliklər məhz buna yönəlib. Bundan başqa, həmin addım dövlət büdcəsinə daxilolmaları artıracaq”.

Ölkə.Az

ŞƏRH YAZ
0
BAĞLA