“Təhsildəki sovet mirasından xilas olmalıyıq”

Bunu “Ölkə.Az”a açıqlamasında deputat Asim Mollazadə ali məktəblərdə  60-dək ixtisasın ləğv olunması və bu ixtisaslara  qəbulun dayandırılması ilə bağlı qərarı şərh edərkən deyib.

A.Mollzadə bildirib ki, əslində ləşv olunan ixtisasların əksəriyyəti bizə sovet dönəmindən miras qalan ixtisaslar idi. 

“Ona görə də bu ixtisasların ləğv olunması doğru addım idi. Çünki sovet vaxtından qalan bu miras Azərbaycanda bir sıra problemlər yaradırdı. Bu ixtisasları qurtaran tələbələri  işlə təmin etməkdə problemlər olurdu. İş tapılmırdı. O baxımdan bu düzgün addımdır. Hesab edirəm ki, bu istiqamətdə  hələ çox işlər görülməli və mövcud olan sovet mirasından tam xilas olmalıyıq”, - deputat bildirib.

 A.Mollazadə əlavə edib ki, Azərbaycan müasir dövrün və beynəlxalq təcrübəyə əsaslanaraq ali məktəblərə tələbə qəbulunu həyata keçirməlidir. “Əgər  Azərbaycan iqtisadiyyatı bazar münasibətlərini əsas götürübsə, tələbə qəbulunu da bu prinsiplərə  və tələblərlə, beynəlxalq təcrübəyə  uyğun şəkildə həyata keçirməlidir. Bu yolla biz sovet mirasından qurtulmalıyıq”, -A.Mollazadə deyib.

Mürtəza
Ölkə.Az