Təkrar mənzil və torpaq bazarında qiymətlər dəyişdi

Təkrar mənzil və torpaq bazarında qiymətlər dəyişdi
20:15
10.10.2018
1111
İqtisadiyyat
A
Bakıda avqust ayında təkrar mənzillərin qiyməti bir kvadrat metr üçün 943 dollar təşkil edib ki, bu da iyul ayı ilə müqayisədə 1,57 faiz çoxdur.

"Ölkə.Az" xəbər verir ki, bunu Trend-ə daşınmaz əmlak üzrə ekspert Nüsrət İbrahimov deyib.

Ekspertin sözlərinə görə, ilin əvvəlindən təkrar mənzil bazarında qiymətlər 3,87 faiz azalıb, 2017-ci ilin avqustu ilə müqayisədə isə 2,17 faiz artıb:

“Bazarda təklif olunan mənzillərin orta qiyməti 124,23 min dollara çatıb. Mənzillərin kirayə dəyəri orta hesabla 526 dollar təşkil edib”.

Daşınmaz əmlak bazarının digər seqmentlərindən danışan ekspert qeyd edib ki, torpaq bazarında qiymətlər artıb, kommersiya obyektləri bazarında isə azalıb:

“Avqust ayında torpaq bazarında qiymətlər 0,24 faiz, ilin əvvəlindən 7,41 faiz, ötən ilin eyni dövrü ilə müqayisədə isə 12,04 faiz artıb. Kommersiya obyektləri bazarında qiymətlər bir ay ərzində 0,72 faiz, ilin əvvəlindən 0,95 faiz, ötən ilin avqustu ilə müqayisədə isə 5,89 faiz azalıb”.

Ekspert əlavə edib ki, payızın yaxınlaşması ilə əlaqədar şəhərkənarı və bağ evlərinin qiyməti cüzi azalıb:

“Avqust ayında orta qiymət 114,96 min dollar təşkil edib ki, bu da iyul ayı ilə müqayisədə 0,49 faiz azalıb, ilin əvvəlindən isə 28,92 faiz artıb”.

Ölkə.Az

ŞƏRH YAZ
0

Azərbaycan nefti ucuzlaşır

Azərbaycan nefti ucuzlaşır
00:41
Bu gün
65
İqtisadiyyat
A
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti mayın 20-də 75,53 dollar/barel təşkil edib ki, bu da əvvəlki göstəricidən 0,44 dollar/barel azdır.

"Ölkə.Az" bildirir ki, FOB bazisi üzrə Türkiyənin Ceyhan limanında Azərbaycanın yüngül neftinin qiyməti 74,7 dollar/barel təşkil edib ki, bu da əvvəlki göstəricidən 0,44 dollar/barel azdır.

Novorossiysk limanından yüklənən URALS neftinin qiyməti isə 72,05 dollar/barel təşkil edib ki, bu, əvvəlki göstəricidən 0,31 dollar/barel azdır.

Şimal dənizindən hasil edilən "Brent Dated" etalon növlü neftin qiyməti 73,2 dollar/barel olub, bu da əvvəlki göstəricidən 0,62 dollar/barel azdır.

Ölkə.Az

ŞƏRH YAZ
0

Qətər və Çin Xəzərdə külək elektrik stansiyasının tikintisi ilə bağlı layihədə maraqlıdırlar

Qətər və Çin Xəzərdə külək elektrik stansiyasının tikintisi ilə bağlı layihədə maraqlıdırlar
22:56
21.05.2019
177
İqtisadiyyat
A
Qətər və Çin şirkətləri Xəzərin Azərbaycan sektorunda külək elektrik stansiyasının tikintisi ilə bağlı layihədə iştirak etməkdə maraqlıdırlar.

"Ölkə.Az" bildirir ki, bunu trend-ə Alternativ və Bərpa Olunan Enerji Mənbələri üzrə Dövlət Agentliyi nəzdində “Azəralternativenerji” MMC-nin sədri Aqşin Bəkirzadə deyib.

A.Bəkirzadənin sözlərinə görə, layihənin maliyyələşdirilməsi ilə bağlı xarici investorlarla danışıqlar davam edir, hansı şirkətlə saziş bağlanacağı hələlik məlum deyil.

Qeyd edək ki, sənaye tipli stansiya dənizdə Pirallahı qəsəbəsindən Çilov adasınadək uzanacaq. Layihə ilə əlaqədar müvafiq texniki-iqtisadi sənədləşdirmə aparılıb. Stansiyanın gücünün 200 meqavatt təşkil edəcəyi bildirilir.

MMC-nin sədri həmçinin deyib ki, hazırda “Azəralternativenerji” mövcud stansiyaların gücünü artırmaq niyyətindədir:

“Azərbaycanda alternativ enerji sahəsində potensial çox böyükdür. Hesab edirəm ki, həm günəş, həm də külək stansiyalarının qurulması böyük əhəmiyyət kəsb edir. Gələcəkdə bu sahədə görülən işlər öz müsbət nəticələrini göstərəcək".

Qeyd edək ki, hazırda mövcud stansiyaların ümumi layihə gücü 18 min 770 kilovatt/saatdır. Onları 10 min kilovatt/saatdan çoxu qoşulub.

Ölkə.Az

ŞƏRH YAZ
0
BAĞLA