"Tələsməyin, kəmhövsələlik etməyin" — Günün qoroskopu

01:30
25.04.2019
6235
Maraqlı
A
"Ölkə.Az" Milli.Az istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - hisslər və hissiyat günüdür. İntuisiyanızı işə salın, yaşamınızdakı qəfil dəyişiklikləri anlamağa çalışın.

Bu yeniliklərin perspektivdə işlərə təsir miqyasını dəyərləndirməyə cəhd göstərin. Gərgin təmaslar, emosiyalı ünsiyyət, xoşagəlməz hadisələr anlaşılmazlıq yarada bilər. Amma bütün bunlarla yanaşı, fikirlərinizi dürüst istiqamətə yönəldin və problemləri tədricən həll edin.

Yeni simalar görmək üçün müxtəlif yerlərdə olun. İnformasiya arayırsınız, amma sırf praktik məqamlarla maraqlanın.

Axşam saatlarında yaxşıca dincəlin, sabahkı günə hazırlaşın. Çünki sabah gün asan olmayacaq.

Buğa - nəticənin bütünlüklə sizdən asılı olduğu gündür. Cari işlərlə məşğul olun, böyük planlar qurmayın. Rutin proseslər sizi usandırsa belə, kəmhövsələlik etməyin. Tənbəlliyə və ətalətə, süstlüyə və apatiyaya qapılmayın. Aktiv olun.

Hisslərlə yaşam arealınızı qaydaya salın, məkanı və emosiyaları pozitiv yeniliklər üçün təmizləyin.

Axşam saatlarında xoş ünsiyyət günün yorğunluğunu unutdurar.

Əkizlər - seçim və konkret qərar günüdür. Perspektivləri müəyyənləşdirin, addımlarınızı tərəfdaş və ya şəriklə razılaşdırın. İmkanlar genişlənir. Lakin indi gördüyünüz və ya sizə təklif olunan işi bəyənməsəniz də, daha çox xaosun yaranmasının səbəbkarı olmayın.

Əksinə, işləri sistemləşdirin, gərəksiz nəsnə və ünsürlərdən qurtulun, əməllərinizi və istəklərinizi yerbəyer edin. Belədə hisslərdə də aydınlıq yaşanacaq.

Baş verənlərə dərhal, tələsik qiymət verməyin. Tənqidə qapılmayın, indiyədək demədiyiniz sözləri yaxın insana söyləməyin. Yaşananları məntiqlə dəyərləndirməyə emosiyalar mane ola bilər. Münaqişə yaranmamalıdır.

Axşam saatları ev işləri, ailə ünsiyyəti üçündür.

Xərçəng - rəvan gündür. Günün ilk yarısında təcili işləri müəyyənləşdirin, ilk növbədə onlarla məşğul olun. Mühüm nüansların diqqətdən yayınmasına imkan verməyin.

Təmkinli, soyuqqanlı olun, emosiyalara qapılmayın. Sonrakı peşmançılıq hissinin yaranmaması üçün düşünülmüş addımlar atın.

Səhhətinizə fikir verin. Sizə uyğun və əlverişli olan profilaktika variantlarından birini gerçəkləşdirə bilərsiniz.

Gün bol təəssüratlar vəd edir. Mühüm mövzulardan birini inkişaf etdirmək üçün təməl hazırlayın.

Şir - yaxşı gündür. Əla formadasınız və hadisələrin ritmindən, intensivlik və sayından bəhrələnə bilərsiniz. Hər şey sürətlə dəyişir, yaxın ətrafınızdakı insanlar təmaslara hazırdır. Emosiya və dəyərləndirmələrinizdə sayıq olun.

Narazı qaldığınız məsələlərdən qurtulmaq və yeni planlarınızın təməlini qoymaq üçün əlverişli vaxtdır. Şansdan yararlanın, ətalətli olmayın, hadisələri öz məcrasına buraxaraq laqeyd müşahidəçi olmayın.

Günün ikinci yarısında baş verəcək hadisələr sizi təbdən çıxararaq qıcıqlandıra bilər. Ənənəvi dəyərlərə yenidən baxış və ya konkret nəticənin əldə olunması - sonuc sizdən asılıdır.

Aktiv olun. Qüvvənizi dəyərləndirin, istənilən söz və ya hərəkətinizin sonrakı əks-sədasını təxminləməyə çalışın.

Qız - gələcək günlərin bünövrəsinin qoyulduğu vaxtdır. Yeni işlərə mənəvi və fiziki baxımdan hazırlaşın. Sizdə razılıq hissi yaradan işlərdə çalışın, amma tapşırıq və göstərişləri də unutmayın. Yaxın insanlarla ünsiyyətdə diqqətli olun.

Dayanıqlı münasibətləri emosiyalar və qıcıqla imtahana çəkməyin.

Səhhətinizi unutmayın. Açıq havada gəzinti məsləhətdir.

İzafi çəki probleminiz varsa, bu gün tamahınızın öhdəsindən gəlin. Fiziki yükü artırın.

Tərəzi - çətin gündür. Gözləntiləriniz miqyaslı olmasın. Təşəbbüs və ideyanız tərəfdaş, iş yoldaşı və ya şərikiniz tərəfindən qəbul olunmur. İstənilən işdə yalnız öz qüvvənizə və imkanlarınıza bel bağlayın.

Ciddi, qəti addım atmaq üçün münasib gün deyil. Əlavə gərginlik olmadan çalışın, qayğıların sayını azaltmağa çalışın.

Axşam saatlarında istirahət edin, ev işləri ilə məşğul olun. Qonaq getmək olar.

Heç nəyi mürəkkəbləşdirməyin. Amma sizin üçün önəmli olan insanlarla ünsiyyətdə yaranan mühüm anlardan da yan keçməyin.

Çoxdan bəri diqqət izharınızı gözləyən insanı yada salın.

Əqrəb - aydın gündür. Başqalarının səhvlərini yaxşı görürsünüz, amma öz yanlışlıqlarınızı da sezməyə, anlamağa çalışın. Sizinlə yeni ritmdə çalışmaq istəməyən insana qarşı iddialarla çıxış etməyin.

Günün ilk yarısında ifrat intensivliklə çalışmayın. Pozitiv ola biləcək xəbərlər istisna deyil. Lakin stresslər, əlavə yük, tapşırıq və iş də istisna deyil. İndi olmasa da, yaxın perspektivdə genişmiqyaslı iş vəd edən olaylar yaşanır.

Yaranan problemləri həll etmək üçün həll yollarını arayın, fikir və ideyalarınızı qaydaya salın. Ehtiyac varsa, yarımçıq qalmış işi bərpa edərək başa çatdırın.

Görüşlərdən birində səslər yüksələ bilər. Çalışın, boş söhbətlərə və mənasız mübahisələrə vaxt ayırmayın. Yanınızdakı insanların da vaxtlarını işə sərf etməsinə can atın.

Oxatan - hadisələrin ildırım sürətilə yaşanacağı gündür. Baş verənləri anlayırsınız, amma bir sıra məqamlar sizi gərginlikdə saxlayır.

Yeni ideyaları reallaşdırmağa tələsməyin. Hətta yeni mərhələyə hesablanmış planlar belə, çətinliklərlə qarşılaşa bilər. Malik olduğunuz ünsürlərlə məqamları dəyərləndirin.

Aktiv olun, tənbəllik etməyin.

Fəal iş və gərgin çalışmaq günün sonunda uğurlu nəticə ilə başa çata bilər. Ötən həftədən bəri yığılıb qalan stresslərdən qurtulmağa çalışın.

Yardıma ehtiyacı olan insana kömək edin. Şəxsi işlərinizdən birini sürəkli təxirəsalmalardan qurtarın.

Oğlaq - yaxın bildiyiniz insanlar üçün gördüyünüz işlər uğurla başa çatacaq. Xüsusi diqqət və məsuliyyət tələb edən sahələrdə sayıq olun, səhvlərə yol verməməyə çalışın.

Tələsməyin, kəmhövsələlik etməyin, işlərinizdə və sizi əhatə edən məkanda qayda yaradın.

Sözləriniz və işləriniz estetik komponentli olsun.

Təmasları və ünsiyyəti elə seçin ki, onlar sizə yük olmasın. Yaşamınızda baş verən və ilk baxışdan sırf təsadüf təsiri bağışlayan hadisələri təhlil edin.

Mümkün problemləri əvvəlcədən təxminləməyə, onları ilkin mərhələdə həll etməyə çalışın.

Dolça - asan, kommunikasiyalar yaratmağın əlverişli olduğu bir gündür. Yaxın ətrafınızdakı insanlarla ünsiyyət qurmaq çətin olmayacaq.

Lakin həmsöhbətinizin emosional durumunun incəliklərinə və təfərrüatlarına fikir verin. Əks təqdirdə iddialarla, tələbkarlıqla qarşılaşacaqsınız. Çoxsaylı tapşırıqlar və ən başlıcası mənasız məsləhətlərdən qurtulmaq üçün bütün vaxtınızı işə sərf edin.

Yaradıcılıq, ünsiyyət, həmfikirlərlə söhbət üçün yaxşı gündür. Hərəkətdə olun, məlumat arayın.

Alış-veriş üçün düşərli vaxtdır. Hobbi və maraqlarınız üçün gərəkli əşyaları ala bilərsiniz.

Balıqlar - maliyyə məsələlərindəki anlaşılmazlıq və qeyri-müəyyənlik indi sizi ciddi narahat edir. Hansısa məsələ ilə bağlı qayığlar çoxdursa, bu mövzunu inkişaf etdirməkdə əmin deyilsinizsə - məsələdən, ümumiyyətlə, imtina edin.

Bu imtinadan sonra hansısa başqa məsələdə inkişaf istisna deyil.

Planlarınız və gözləntilərinizdən asılı olmayan kənar siqnallar diqqət yetirməli olduğunuz məqamı göstərəcək. Ən müxtəlif hadisələr, ən fərqli sürətdə yaşanacaq olaylar mümkündür.

Şəxsi məsələlərdə soyuq məntiqi bu gün unudun, ürəyinizin hökmünə qulaq asın.

Ölkə.Az

ŞƏRH YAZ
0

Ehtiyac hiss etsəniz, telefon zəngindən yararlanın, SMS yollayın — Günün qoroskopu

Ehtiyac hiss etsəniz, telefon zəngindən yararlanın, SMS yollayın
01:03
Bu gün
799
Maraqlı
A
"Ölkə.Az" günün ulduz falını təqdim edir:

Qoç - Tefeya və Kallistonun münasibətləri çalışdığınız işdə yeniliklər vəd edir. Müəyyən qrupun daxilindəki münasibətlər də yenilənə bilər.

Dostlar dəyişikliklərin mənbəyi olacaq.
İşdəki təmas və əlaqələrdə fərqli istiqamətlər yarana bilər.

Hadisələri tələsdirməyin, aktual məsələlərin həllini sabaha saxlayın.
Axşam saatlarında evdən çıxaraq əylənin, yaxşı emosional rəvanlığa nail olun.

Buğa - Titan və Avropanın münasibətləri bu günün asan olmayacağından xəbər verir. Baş verməsini istəmədiyiniz hadisələr yaşanacaq.

Həyatınızda önəmli olan insanlardan biri ilə münasibətlər gərginləşə bilər. Bəzi mühüm məsələlərə baxışlarınızı dəyişə biləcək olaylar baş verir.

Yeniliklərin sizi qəfil yaxalamaması üçün borcları ödəyin, vədləri yerinə yetirin. Ehtiyac hiss etsəniz, telefon zəngindən yararlanın, SMS yollayın. Günah hissi, peşmançılıq və zərərli vərdişi keçmişdə qoyun.

Əkizlər - Ay və Marsın münasibətləri sizdən baş verənləri qavramaq, təhlil etmək, nəticə çıxarmaq və yeni işlərə hazırlaşmağı tələb edir.

Yaxın ətrafınızdakı insanlarla əlaqələri gücləndirin. Qarşılıqlı dəstək, ümumi problemlər üzərində işlə məşğul olun. Münasibətlərin aydınlaşdırılmasına aludə olub maraqların toqquşmasına rəvac verməyin. Əks təqdirdə mövqelərinizi zəiflədə bilərsiniz.

Bəzi adətlərinizi saf-çürük edərək həyat qrafiki və iş rejiminə yeniliklər edin. Ünsiyyət və söhbətlər gün ərzində fərqli emosiyalar yaradacaq. Kimlərin yanında olmağı hiss edərək müəyyənləşdirin.

Xərçəng - Kallisto və Lisiteyanın münasibətləri sizdən ötkəm, amma həm də fəndgir və ağıllı davranmağı istəyir. Ətrafdakı insanların təhriklərinə və təxribatlarına aqressiv reaksiya verməyin.

Həyatınızda artıq əvvəlki vəziyyətdə qalması mümkünsüz olan insanlara və nəsnələrə layiq olduğu yeri verin. Kim və nə ilə vidalaşmağın gərəkdiyini təhtəlşüur olaraq müəyyən edin ki, başqa, daha vacib işlə məşğul ola biləsiniz.

Çətindir, amma vacibdir. Sizi narahat edən dəyişiyliklərə praktiki münasibət bəsləyin.
Son vaxtlara qədər fikirlərinizi məşğul edən münasibətlərdən romantika haləsi yoxa çıxa bilər. Yeni istiqamət seçmək üçün anı dəqiqləşdirin.

Axşam saatları dincəlin, kompüter qarşısında saatlarla vaxt keçirməyin.

Şir - Ay və Saturnun münasibətləri hələlik başa vurmadığınız işləri yeni mərhələyə keçirir. Gələn xəbərlərə, yaranan ideyalara həssas olun. İş təklifləri bol ola bilər. İzafi ünsiyyətlə özünüzü yormayın.

Fəqət, gələcəyiniz üçün hansı təmasların və görüşlərin önəmli olacağını dəqiqləşdirin. Tərəfdaş, dost, rəfiqə və ya şəriklə münasibətlərdə yeni, həssas ünsürlər müşahidə olunur.

Nəyi dəyişməli olduğunuzu, tərəfdaş və şəriklə işin keyfiyyətini artırmağın yollarını müzakirə edin.
Şəxsi münasibətlərdə də yenilənməyə ehtiyac var.

Qız - Tefeya və Oberonun münasibətləri sizdən yaranan təmayüllərə diqqətlə baxmağı tələb edir. İşdəki qaydaya riayət etmək çox mühümdür.

Yerdəyişmə, prioritet yenilənməsi mümkündür. Bütün bunlar yaxın gələcəkdə maraqlarınızı və işlərinizin istiqamətinizi müəyyənləşdirəcək. Diqqətli olun, hadisələrin arzuolunmaz məcrada inkişafına rəvac verməyin.

Münaqişəli situasiyalara qatılmayın, işdə həmkarlarınıza, evdə yaxınlarınıza təzyiq göstərməyin. Haqlı olsanız belə, səsinizi ucaltmayın.

Əhvalınız dəyişə bilər. Səhhətdə müəyyən problemlər, ağrılar istisna deyil.
Axşam saatı taym-aut, istirahət zamanıdır. Nəyisə köklü şəkildə dəyişməyə, yönləndirməyə və ya təcilləndirməyə çalışmayın.

Tərəzi - Günəş və Titan bu gün sizə yeni rol hazırlayıblar. Ola bilər ki, həmin işi görmək istəmirsiniz, amma nə etməli, iş sizi gözləyir.

Kiminsə təsiri və ya nüfuzu sizə planlarınızı reallaşdırmağa mane ola bilər. Narazılığınızı bərkdən izhar etməyin, amma baş verənləri də əsla unutmayın.

Tələsmədən hərəkət edin və mühüm sandığınız işi başa vurub maraqlarınızın tapdanmasına, nüfuzunuza zərbə dəyməsinə, gəlirin əldən çıxmasına imkan verməyin.
Sərfəli olmayan işə, dəyərsiz adama və uğursuz layihəyə sədaqətli olmayın.

Bu ballastları unudun, irəliyə doğru hərəkətdə özünüzə könüllü maneələr yaratmayın.
Qeyri-müəyyənlik vəziyyəti sizi sıxa bilər.

Batininizdə təkamülə nail olun, lazımsız ünsürlərdən qurtulun.

Əqrəb - Mars və Saturnun münasibətləri münasibətlərdəki yarımçıq mövzunu tamamlaşdırmaq, deyilməmiş sözləri demək məcburiyyəti yaradır.

Verdiyiniz vədləri xatırlayın. Çoxdan bəri başlamağa cürət etmədiyiniz və ya vaxt tapmadığınız işi görmək zamanıdır. Təmir və ya inşaat işi ola bilər.

Hansısa layihəni təkmilləşdirmək istəyirsinizsə, alınan informasiyaya bir daha nəzər salın.

Şəxsi münasibətlər ümumi məqsədlə bağlı müzakirələr, təfərrüatlı söhbət istəyir. Təzyiq etmədən təşəbbüs göstərin. Ətrafınızdakı insanların maraqlarını nəzərə alın.

b - Umbriel və Enseladın münasibətləri bu gün energetikanızı artıracaq. Müəyyən xəbər, görüş, mühüm danışıqla bağlı nigaranlıq var.

Yaxın iki günlə bağlı fəaliyyətinizi müəyyənləşdirin. Əsas orientirləri seçin, amma danışıqlar və sövdələşmələr aparmayın. Belə danışıqlar heç bir məna verən deyil.

Gün ərzində mövqeyinizdə dəyişikliklər olacaq. Yeni yaranan təfərrüatlar və agah olan həqiqətlər işlərinizə dəyişikliklər etmək zərurəti yaradacaq.

Aktiv olun, amma izafi riskə getməyin, əsəblərinizi gərməyin.

Oğlaq - Venera və Plutin bu gün batininizdəki təbəddülatdan qurtulmağı, yaxın gələcəkdəki fəaliyyətinizi nisbətən də olsa, planlaşdırmağınızı istəyir.

Nəyinsə yaşanacağını hiss etdiyiniz situasiyalarda sayıq və ehtiyatlı olun. Soyuqqanlı olun, emosiyalarınızı nəzarətdə saxlayın, yalnız işlə məşğul olun. Daxili gərginliklə tələbləri bir qədər azaldın.

Yaxın günlərin hadisələri sınaqdır. Bu sınaqlar yaxın ətrafınızdakı insanların əsl dəyərini üzə çıxaracaq.
Səhhətinizə fikir verin.

Axşam saatlarında gəzintiyə çıxsanız, pis olmaz.

Dolça - Andromeda və Ay bu gün sizə ilin ən mühüm hadisələrindən birini vəd edir. Bu olay yaşamınız üçün əhəmiyyətlidir. Köhnələn və gərəksiz roldan qurtulmaq istəsəniz, hissələrinizdə yenilənmə baş verəcək.

Münasibətlərə yeni məzmun vermək, sizi narahat edən məqamı dərhal çözmək gərəkdir.
Kəmhövsələlik nə işlərə, nə də münasibətlərə yaramayacaq.

Nədənsə imtina etmək, nə iləsə vidalaşmaq, hansısa situasiyada güzəştə getmək gərəkdir. Münasibətlərlə hissləri təmizləyin.

Balıqlar - Deymos və Fobosun münasibətləri sizə yeni hadisələr məcrası vəd edir. Tələsməyin, bu gün əsas məsələ yaşananlara hazır olmaq, prioritetləri müəyyənləşdirmək, ötənlərdə özünü doğrultmayan planlar və istəkləri unutmaqdır.

Kimsəyə heç nə borclu deyilsiniz. Yaxın ətrafınızdakı insanların istəklərini və gözləntilərini duyun. Münaqişə situasiyalarında eqoizminizə nəzarət edin, qarşı tərəfin fikrini nəzərə alın.

Qüvvənizin təbii həddindən kənara çıxmayın. Daha çox vitamin, təzə meyvə və tərəfəz yeməyə çalışın. Bu gün səhhətinizin möhkəmləndirilməsinə yönəlmiş tədbirlərə əl atın.

Ölkə.Az

ŞƏRH YAZ
0

Kanadada iş imkanları — VƏZİYYƏT, ÜSULLAR

Kanadada iş imkanları
00:53
Bu gün
470
Maraqlı
A
"Toronto nəhəng bir fabrikdir. Burada ancaq işləməli və pul qazanmaq haqqında düşünməlisən". Bu sözlərin müəllifi olan dostumun fikriylə razılaşmamaq mümkün deyil. Torontonun miqrantlar üçün cazibədar tərəfi burada işsiz qalmaq qorxusunun sıfıra bərabər olmasıdır. Əgər sağlamlığın imkan verirsə və işləməyi sevirsənsə istədiyin qədər pul qazana bilərsən. Amma... Amması odur ki, sutkada 8 saat yox, 14-16 saat işləməyə dözümün olmalıdır. Söhbət həkim, vəkil, İT sahəsi üzrə mütəxəssis işləməkdən getmir...

"Ölkə.Az" fed.az-a istinadən bildirir ki, iş çox olduğu halda insan resurslarının azlığı Kanada hökumətini xaricdən immiqrant dəvət etməyə vadar edir. Xüsusilə fiziki güc tələb olunan peşə işlərində böyük boşluq var.

Əməkhaqqı aylıq deyil, saathesabı verilir
 
Əvvəlcə onu qeyd edim ki, Kanadada maaşlar iş saatına görə hesablanır və bir, yaxud iki həftədən bir ödənilir. Saathesabı verilən minimum əməkhaqqı əyalətdən-əyalətə fərqlənir. Məsələn, Ontario əyalətinin bir hissəsi olan Torontoda minimum əməkhaqqı  saatına 14 Kanada dollarıdır .
Toronto həm də Kanadanın ikinci ən bahalı şəhəri olduğu üçün ailəli adamların istədiyi kimi yaşaması üçün valideynlərin hər ikisi işləməli olur. Amma ailədə valideynlərdən biri hansısa peşənin peşəkarıdırsa o zamanonun qazandığı pul kifayətdir. Bu səbəbdən də "Kanadada iş çoxdur" deyib buraya ailəsi ilə üz tutan miqrantlar bunları nəzərə almalı, hansısa peşəyə yiyələnib hazır gəlməlidirlər.
 
İşçinin "nəfəs almağa" imkanı yoxdur

 
Əməkhaqqı saathesabı verildiyindən, işçilərin kobud desək, "nəfəs almağa" belə zamanları yoxdur. Həm "ağ", həm də "qara" işlərdə dayanmadan çalışmalısan. Yəni istədiyin vaxt özünə çay süzüb kompyuter arxasında işini görmək, yaxud divar hörə-hörə arada çevrilib çaydan bir qurtum almaq, ya da bir qullab siqaret çəkmək söhbəti yoxdur. Çünki hər saatına görə pul alırsan. Gündəlik 8 saatlıq işdə 30 və 15  dəqiqə olmaqla iki dəfə fasilə verilir.    
 
İngilis dilini bilmirsinizsə...
 
Torontoda iş imkanlarından yararlanmaq istəyənlərin orta ingilis dili səviyyəsinin olması arzuediləndir. Amma rus, fars, çin, ispan dillərindən hər hansı birini bilənlər də işsiz qalmır. Belə ki, sözügedən millətin nümayəndələrinin açdığı biznes sahələrində işləmək imkanı qazanırlar.   
Qeyd edim ki, Sovetlər birliyi dağılandan sonra xaricə, eləcə də Kanadaya üz  tutan bir çox zəngin adamlar burada böyük fabriklər açıblar. Rus dili normal olanlar həmin fabriklərdə rahat şəkildə fiziki işdə çalışmaq imkanı əldə edirlər.  
Heç bir sənəti olmayan, amma saatlarla maşın idarə edə bilənlərin də yaxşı pul qazanmaq şansı var. Belə ki, taksi xidməti göstərməklə işlədiyin saatlara uyğun olaraq aya təxminən 4-8 min dollar qazanmaq mümkündür.  
 
Torontoda iş tapmağın "min bir" yolu
 
Torontoda iş tapmağın yollarına gəlincə, bir neçəsinə nəzər salaq:
1. Dövlət Karyera Mərkəzlərində qeydiyyatdan keçəndə vaxtaşırı elektron poçt vasitəsilə iş elanları alırsan. Hətta bu mərkəzlər pulsuz-parasız işləmək istədiyin sahəyə uyğun CV hazırlayır, səni iş müsahibəsinə hazırlaşdırırlar.
2. Birbaşa iş elanları saytlarına girib istədiyin işə CV göndərmək, yaxud kiçik biznes sahibləri ilə telefonla birbaşa danışıb anlaşmaq;
3. Kanada höküməti tərəfindən qurulan "Service Ontario" (Ontario xidməti) adı altındakı xidmətlərdən yararlanmaq;
4. Sosial Müdafiə Nazirliyinə gedib, oradakı kompyuterlər vasitəsilə iş elanlarına çıxış əldə etmək;
5. İşədüzəltmə agentlikləri vasitəsilə; (6 ay ərzində agentliyin işçisi sayılırsan və bu müddətə agentlik işlədiyin hər saatdan 1-3 dollar arasında pul tutur. Amma maaşını qayda-qanunla alırsan)
6. Qapı-qapı  düşüb şirkətlərə, restoranlara, hotellərə, mağazalara CV vermək;
7. Şirkətlərin saytlarına girib CV göndərmək;
 
Hansı diplomlar sıfırlanır?

 
Burada iş seçərkən əksər sahələrdə yaşın və cinsin, demək olar, önəmi yoxdur. Məsələn, sərnişin, məktəb avtobuslarının, kamaz, taksi  sürücülərinin arasında xanımlara tez-tez rast gələ biərsiniz.
Onu da deym ki, başqa ölkədə hüquq və tibbi bitirənlərin diplomu sıfırlanır. Kanada hölkuməti sözügedən sahələri bitirənlərin burada külli miqdarda təhsil haqqı ödəyib yenidən təhsil almasını tələb edir. Digər sahələrdə isə ali təhsili olanların dövlət rüsumunu ödəyib diplomlarını tanıtmaq imkanları var. Diplomu tanıtdıqdan sonra ingilis dili biliyi yüksək olanlar qanunla öz diplomları ilə əmək bazarına uyğun iş tapmaq imkanı əldə edirlər. Amma şirkətlərdə "Kanada təcrübəsi" tələb edildiyindən əksər vaxtlarda diplomunu tanıtmaq sevincin "gözündə qalır".
 
Kanadada ən çox tələb olunan diplomlu işlər
 
Tibb bacısı: Bu işçilər orta hesabla saatına 37 dollar qazanırlar. Kanadanın bütün bölgələrində bu peşə sahiblərinə böyük ehtiyac var.
Konkret sahələr üzrə uzman həkimlər; Onu da deyim ki, ayrı-ayrı sahələr üzrə peşəkar həkim çatışmazlığı səbəbindən bəzən hansısa cərrahi əməliyyat üçün insanlar aylarla, hətta bir ildən çox növbə gözləyirlər.
Proqramlaşdırma mühəndisi;
Ümumi can həkimləri;
Əczaçılar;
 
Bu ustalara ehtiyac böyükdür
 
Hansısa sənət üzrə peşəkar ustaların da tez və daha yüksək maaşlı iş tapmaq imkanı var. Məsələn, qaynaqçı, santexnik, elektrik, rəngsaz, ev təmir edən, mebel, kafel-metlak döşəyən usta və s. kimi vakansiyalarda saatına rahatlıqla 25-40 dollardan iş tapmaq mümkündür. Bu peşələr üzrə işləmək üçün əksər vaxt heç bir sertifikata ehtiyac olmur. Hətta bəzən işini çox gözəl bacardığına görə işəgötürən dil biliyini nəzərə almaya bilər.  
Xüsusi bacarıq tələb etməyən işlərə gəlincə, satıcı, ofisiant, aşpaz, çörəkçi, taksi sürücüsü, yemək çatdırma, fabriklərdə paketçi, yaşlılara qulluq və s. tələb olunan vakansiyalar arasındadır.  
 
 4 nəfərlik ailəyə nə qədər pul lazımdır?
 
Qeyd edim ki, əgər Torontoda yaşayırsınızsa, ikiuşaqlı ailənin (0-10 yaş arası) orta səviyyədə dolanması üçün aylıq qazanc təxminən 4 min Kanada dolları olmalıdır. Büdcənizin böyük hissəsi ev kirayəsinə gedir. Çoxmərtəbəli binalarda 2 otaqlı mənzillər 1300 dollardan başlayır. 4 nəfərlik ailənin orta səviyyədə bazarlığına ayda təxminən 700-1000 dollar çıxır. Buraya kommunal xərcləri, şəxsi avtomobilin xərcini (sığorta çox bahadır), maşın yoxdursa sərnişin nəqliyyatı üçün xərci,  istirahətə, palpaltara ayırdığın pulu əlavə edəndə 4 min dollar ayı sona çatdırmağa ancaq çatır.
Bir daha xatırladaq ki, Torontoda həyat bahalı olduğundan xüsusilə yeni gələnlər üçün burada həm qadının, həm də kişinin işləməsi üstünlükdür. Belə olan halda azərbaycanlıların dili ilə desək, "qara gün üçün", kanadalıların dili ilə desək, "ağ gün üçün" arxaya rahat şəkildə pul atmaq mümkündür.

Ölkə.Az

ŞƏRH YAZ
0
BAĞLA