Təranə Qumral ilə Nazənin arasında növbəti məhkəmə

Təranə Qumral ilə Nazənin arasında növbəti məhkəmə
09:48
17.04.2018
2561
Ölkə
A
Təranə Qumral ölkədən getmək hüququnun müvəqqəti məhdudlaşdırılması qərarının ləğv olunması ilə bağlı Bakı Apellyasiya Məhkəməsinə müraciət edib.

 “Ölkə.Az”ın xəbərinə görə, bu gün hakim Vüqar Həsənovun sədrliyi ilə məhkəmə baxışı olacaq. Belə ki, Salayeva Nazənin Rəhim qızı, Həsənov Məhəbbət Rəhim qızı və Abbasov Pərviz Sakit oğlu məhkəmədə tələbkar qismində çıxış edəcəklər. Nərimanov rayon icra və probasiya şöbəsi isə İbrahimova Təranə Xeyrulla qızının ölkədən çıxmasının məhdudlaşdırılması ilə təqdimat verən orqandır. 

Xatırladaq ki, müğənni Nazəninin vəkili Heyrat Qarayev  bu qalmaqal barədə ətraflı məlumat verib:
“Bakı Apelyasiya Məhkəməsinin 2 qətnaməsi mövcuddur. Hər iki qətnamədə qeyd olunur ki, İbrahimova Təranə Xeyrulla qızı Salayeva Nazəninə 500 manat pul ödəməlidir. Bundan başqa Nazənin xanımdan üzr istəməli, barəsində dediklərinə təkzib verməlidir. Digər qətnamədə də göstərilir ki, cavabdeh şəxs, İbrahimova Təranə Nazənin xanımın həyat yoldaşı Məhəbbət bəyə 3 min manat təzminat ödəməli və onun barəsində dediyi fikirləri də təkzib etməlidir. İcra şöbəsində bu məhkəmə qətnaməsi icradadır. İcra məmuru ilə əlaqə saxladıq, həmçinin, Ədliyyə Nazirliyinin rəhbərliyinə rəsmi müraciət olundu. Məhkəmə qətnaməsindən İbrahimova Təranə yayınır. Ədliyyə Nazirliyi tərəfindən bu məsələ nəzarətə götürüldü. Qısa müddət ərzində 3500 manat pul Nazənin xanım və onun həyat yoldaşı Məhəbbət bəyə ödənilməsi təmin edildi. Əlavə olaraq, Təranə İbrahimova barəsində qanuna müvafiq ölçü götürüldü. O, açıq-aşkar icra şöbəsində izahat yazaraq məhkəmə qətnamələrini icraatından yayındığını bildirib. Yəni icra etməyəcəyini deyib. O, əvvəl icra məmurunun qanun tələbini yerinə yetirmədiyi üçün İnzibatı Xətalar Məcəlləsinin 528-ci maddəsinə əsasən 1000 manat cərimə edilib. Cərimə olunandan sonra icra məmuru tərəfindən rəsmi xəbərdarlıq edilməsinə baxmayaraq, Təranə İbrahimova bu istiqamətdə heç bir addım atmayıb. Artıq bir neçə gün öncə icra şöbəsindən Təranə İbrahimovaya rəsmi qaydada müraciət olunub. Qısa müddətdə məhkəmə qətnaməsi üzrə tələbləri tam təmin etmədiyi halda o, Cinayət Məcəlləsinin 306-cı maddəsi ilə məsuliyyətə cəlb olunacaq. Bu maddədə göstərilir ki, həmin şəxs 3 il müddətində azadlıqdan məhrum edilə bilər ”.

Vəkil onu da əlavə edib ki, məhkəmə qərarına əsasən Təranə Qumral ölkədən kənara çıxa bilməz:
  “Onun ölkədən getmək hüququnun müvəqqəti olaraq məhdudlaşdırılması barədə Nərimanov Rayon Məhkəməsində qərardad qəbul edilib. Bu qərar da zəruri idi".

Qeyd edək ki, T.Qumralla Nazənin arasında qalmaqal “ANS”-in “Bazar səhəri” verilişində başlayıb. Belə ki, Nazənin canlı efirə zəng edərək, Təranə Qumrala “Səni ərimlə tutdum” deyib. T.Qumral isə öz növbəsində Nazənin barəsində bir xoş olmayan ifadələr işlədib. Buna görə də Nazənin məhkəməyə müraciət etmişdi. Nazənin məhkəmədə həyat yoldaşının müğənni Təranə Qumralla intim münasibəti olduğunu sübut edib.

ŞƏRH YAZ
0

Sərnişinlər hansı dayanacaqda dayansın? — Dayanacaq çaşqınlığı

Sərnişinlər hansı dayanacaqda dayansın?
23:18
Bu gün
490
Ölkə
A
Paytaxtın Yasamal rayonunda aralarında cəmi 30 metr məsafə olan iki avtobus dayanacağı qoyulub. Bu hal isə sərnişinlərin və sürücülərin çaşqınlığına səbəb olur. Onlar hansı dayancaqda dayanmalı olduqlarını bilmirlər. Aidiyatı qurum isə əslində orada bir dayanacağın olduğunu yalnız iki pavilyonun qoyulduğunu bildirir.

"Ölkə.Az" xezerxeber.az-a istinadən bildirir ki, eyni yolda, eyni istiqamətdə olan avtobus dayancaqlarının arasında cəmi 30 metr məsafə var. Sərnişinlər və avtobus sürücüləri isə harda dayanacaqlarını bilmirlər.

Görüntülər paytaxtın Yasamal rayonu Şərifzadə küçəsinindən , metronun ''İnşaatçılar'' stansiyasının çıxışının ətrafındandır. Beləki yaxın günlərdə yolun üzü ''20 yanvar'' dairəsi istiqamətinə olan hissəsində, əvvəlcədən olan dayacaqdan 30 metr kənarda, yeni bir dayancaq qoyulub. Bu hal isə sərnişinlər arasında çaşğınlığa səbəb olur.

Bu hal avtobus sürücülərinin də çaşqınlığına səbəb olur. Onlar harda dayancaqlarını bilmirlər.

Məsələ ilə bağlı Bakı Nəqliyyat Agentliyinin sözçüsü Mais Ağayev 'bildirib ki, ərazidən keçən marşurut xətləri çox olduğundan avtobusların yola çıxmadan dayanması üçün iki pavilyon qoyulub.Əslində hər iki pavilyonun arasındakı məsafə də dayancaq ərazisidir. Yəni ərazidə bir dayancaq və iki pavilyon var. Sürücülər də boş olan pavilyondan birinin qarşısında avtobusu saxlayıb sərnişinləri düşürə və mindirə bilərlər.

Ölkə.Az

ŞƏRH YAZ
0

DİN bu gün Şəhidlər xiyabanında baş vermiş insidentə münasibət bildirib

DİN bu gün Şəhidlər xiyabanında baş vermiş insidentə münasibət bildirib
21:12
Bu gün
5462
Ölkə
A
Daxili İşlər Nazirliyi bu gün Şəhidlər xiyabanında bir qrup müxalifət təmsilçisinin saxlanılması barədə yayılan məlumatlara aydınlıq gətirib.

"Ölkə.Az" bildirir ki, nazirliyin mətbuat xidmətinin rəisi Ehsan Zahidov "Report"un sorğusuna cavabında bildirib ki, ötən gün özünü Demokratik Qüvvələrin Milli Şurası adlandıran quruma daxil olan partiya və birliklərin Yasamal rayonundakı idman-sağlamlıq kompleksinin stadionunda keçirdikləri mitinq başa çatdıqdan sonra iştirakçılar dağılışarkən bir qrup şəxs qəsdən qarşıdurma yaratmağa cəhd göstərərək ictimai asayişi pozmağa çalışıb.

Lakin həmin vaxt orada təhlükəsizliyi təmin edən polis əməkdaşları cəhdin qarşısını alıb və onlara xəbərdarlıq edib:

"Bu gün də bir qrup şəxs Şəhidlər Xiyabanında qarşıdurma yaradaraq ictimai asayişi kobud şəkildə pozublar. Bu da şəhidlərimizi ziyarətə gələn insanların haqlı narazılığına səbəb olub. Polisin həyata keçirdiyi qətiyyətli tədbirlər nəticəsində qarşıdırma yaradan bir qrup şəxs saxlanılıb. Araşdırmalar zamanı məlum olub ki, Şəhidlər Xiyabanında qarşıdırma yaradan şəxslər ötən gün asayişi pozmağa cəhd edən şəxslər olub. Hazırda həmin şəxslərlə bağlı araşdırma aparılır və araşdırmaların nəticəsindən asılı olaraq onların əməllərinə hüququ qiymət veriləcək".

E. Zahidov saxlanılan şəxslərin sayını və adlarını açıqlamasa da, araşdırmaların sonunda bununla bağlı ictimaiyyətə əlavə məlumat veriləcəyini bildirib.

Ölkə.Az

ŞƏRH YAZ
1
BAĞLA