Təranə Qumralın avtomobilinə həbs qoyuldu, Zaur sirlərini açdı — FOTOLAR

Təranə Qumralın avtomobilinə həbs qoyuldu, Zaur sirlərini açdı
15:05
30.09.2017
99
Maqazin
A
"Xəzər" televiziyasında yayımlanan "5-də 5" verilişində maraqlı anlar yaşanıb.

"Ölkə.Az"ın məlumatına görə, verilişin aparıcısı Zaur Kamal aşıq Zülfiyyənin və Təranə Qumralın avtomobilləriylə bağlı cərimələri açıqlayıb:

"İbadova Zülfiyyə Əli qızı "Toyota Corolla" sürür. Quluzadə Babək Sakit oğluna etibarnamə verib. 15.09.2017-ci il tarixdə maşını bir kişi sürüb. Yanında da bir eynəkli qız var imiş. Evə gedəndə qırğın olacaq. On manat cəriməsi var, sürət həddi  90 olan yerdə 103 kilometr saat sürətlə keçib. 15.09.2017-ci ildə yol polisi 40 manat cərimə yazıb. Cərimə hələ ödənilməyib. Radara düşüb, 5 balı var. Sentyabrın 4-də 3 bal yazılıb. Avqustun 30-da isə 2 bal yazılıb. Bunları niyə ödəmirsən, qardaş?"

Z.Kamal Təranə Qumralla bağlı da bəzi faktları açıqlayıb. Bildirib ki, İbrahimova Təranə Xeyrulla qızı avtomobilini qızının həyat yoldaşı Abdullayev Natiq Nazim oğluna etibarnamə ilə verib:

"Altı MMX-sı var, dördü ödənməyib. Axırıncı dəfə avqustun 27-də Bakı-Qazax yolunda sürət həddini aşıb. Sürət həddi 110 olan yerdə, 130-la keçib. İki bal cərimə yazılıb. Cərimə məktub şəklində evə gəlib, ancaq ödənilmədiyi üçün maşına həbs qoyulub. Avotmobil cərimə meydançasına getməlidir".

Aparıcının açıqladığı məlumatlara Təranə Qumralın həyat yoldaşı, müğənni Musa Musayev irad bildirib.

"Mən bilmirəm bu, "5-də 5" verilişidir, yoxsa Baş Dövlət Yol Polisi İdarəsi. Yol polisi həmişə bizə hörmət edib. Onlar olmasa görün nələr olar". 

Maraqlıdır, sürücülərin özləri və avtomobilləri haqda məlumat üçüncü şəxsi ötürülürmü? Qanun buna icazə verirmi? Əməkdaşımız məsələylə bağlı  Baş Dövlət Yol Polisi İdarəsinin mətbuat xidmətinin rəhbəri Kamran Əliyevlə əlaqə saxlayıb. K.Əliyev qeyd edib ki, həmin informasiyalar yol polisi tərəfindən heç vaxt üçüncü şəxsə verilmir:

"Siz o rəqəmlərin haradan alındığını aparıcıdan soruşun. Mən onu hardan bilim? Sürücü haqqında məlumatı əldə edə bilər. İnternet resurslarında imkan yaradılıb ki, hər kəs öz avtomobilinin qeydiyyat şəhadətnaməsinin nömrəsini, dövlət qeydiyyat nişanını daxil etməklə, ödənilmiş, ödənilməmiş, qərarlı, qərarsız protokollar haqqında məlumat əldə edə bilsin. Əgər avtomobilin texniki pasportundakı məlumatları sənətçilər özləri təqdim ediblərsə, bəli, o halda cərimələr haqda məlumat əldə edə bilərlər. Əgər təqdim etməyiblərsə, aparıcının o məlumatı haradan əldə etməyi ilə bağlı onun özündən soruşsanız daha yaxşı olar. Həmin informasiyalar yol polisi tərəfindən heç vaxt üçüncü şəxsə verilmir". 

İntiqam VALEHOĞLU
Ölkə.Az

ŞƏRH YAZ
0

Namiq Qaraçuxurlu ayağını sındırdı

Namiq Qaraçuxurlu ayağını sındırdı
21:13
16.12.2017
5075
Maqazin
A

Ölkə.Az Milli.Az-a istinadən xəbər verir ki, tanınmış meyxanaçı Namiq Qaraçuxurlu yıxılaraq ayağını sındırıb. Meyxanaçının ayağı 3 yerdən sınıb.

Namiq Qaraçuxurlu hal-hazırda xəstəxanalardan birindədir. Meyxanaçını bu vəziyyətində sənət yoldaşları da tək qoymayıb. Belə ki, Sevil-Sevinc bacıları, Əhməd Mustafayev, Manaf Ağayev, Aysun İsmayılova və teleaparıcı Afaq Gəncəli onun ziyarətinə yollanıblar.

Qeyd edək ki, müğənni dünən toydan evə gələrkən maşından düşmək istəyəndə ayağı bardyura dəyib.

ŞƏRH YAZ
0

İraq gözəli bu fotodan sonra ölkədən qaçdı

İraq gözəli bu fotodan sonra ölkədən qaçdı
11:10
16.12.2017
6626
Maqazin
A
Ötən ay Las Veqas şəhərində keçirilən gözəllik müsabiqəsində İraq gözəli Sara İdan ilə İsrail gözəli Adar Qandelsmanın çəkdirdiyi foto qalmaqala səbəb olub.

"Ölkə.Az" xəbər verir ki, iraqlı gözəl sülh naminə çəkdirdiyi fotoya görə ölümlə hədələndiyini bildirib. Bu səbəbdən Sara ailəsi ilə ölkədən qaçmaq məcburiyyətində qalıb.

Noyabr ayında keçirilən tədbirdən sonra iki gözəl dostluq münasibəti qurub. Bu səbəbdən də sülh naminə birlikdə foto çəkdirib. Amma bu foto İraqda qalmaqala səbəb olub. İdan və ailəsi təhdidə məruz qalıb. Bu səbəbdən ölkəni tərk etmək məcburiyyətində qalıb.

İdanın başına gələnləri isə Qandelsman dünyaya çatdırıb. Yəhudi gözəl İsrail mətbuatına açıqlama verib: "Bu fotodan sonra İdanın ailəsi ölüm qorxusu ilə ölkədən qaçmağa məcbur edildi. İnsanlar onları öldürmək istəyirdilər və foto silinməsə, tacını geri alacağını bildirirdilər. Ailə hadisələr sakitləşənə qədər ölkədən qaçıb".

Hikmət Həsənov
Ölkə.Az

ŞƏRH YAZ
1
BAĞLA