\"Tərbiyəçiliyə şəxsi problemini həll etməmiş insanlar cəlb olunurlar\"

"Ölkə.Az"-ın məlumatına görə, bu fikirləri "Space" telekanalında Kamran Həsənlinin aparıcılığıyla yayımlanan "Onda başladıq" verilişində psixoloq Elmir Əkbər səsləndirib. Gəncədəki 31 saylı uşaq baxçasında Sara Mustafazadə adlı uşağın üzünə dağ basılmasına münasibət bildirən mütəxəssis hadisəylə bağlı verilən açıqlamanı qeyri-səmimi adlandırıb:

"Bu qədər qeyri-səmimilik cəmiyyəti ələ salmaq deməkdir. Heç olmasa bir az səmimi olmaq lazım idi".

Qeyd edək ki, Gəncədəki 31 saylı uşaq baxçasının müdiri Günay İsmayılova Sara Mustafazadənin üzünü Hüseyn Əliyev adlı başqa bir uşağın dişlədiyini və iki əməkdaşın işdən çıxarıldığını bildirib.

Qeyd edək ki, həftə içi 10-da başlayan "Onda başladıq" verilişinin informasiya dəstəkçisi "Ölkə.Az" saytıdır. 

İntiqam VALEHOĞLU 
Ölkə.Az