Tereza Mey baş nazir postundan uzaqlaşdırıla bilər
Böyük Britaniyanın Mühafizəkarlar partiyası baş nazir Tereza Meyi tutduğu postdan uzaqlaşdıra bilmək üçün kifayət qədər səs toplayıb.
“Ölkə.Az” xəbər verir ki, yaxın vaxtlarda etimadsızlıq votumu üçün səsvermə keçiriləcək.
Partiya nizam-intizamına cavab verən parlamentarilər hökumət binasına çağırılıb. Qeyd edilir ki, Meyin istefası barədə məsələni onun Breksit planına şübhə ilə yanaşan qrupun təşəbbüsü ilə başlayıb.
Əgər parlamentarilərin 15 faizi, yəni 48 nəfər baş nazirə etibarlarını itirdiklərini bəyan etsələr, səsvermə keçiriləcək.
Bir müddət əvvəl baş nazir Tereza Mey bəyan etdi ki, Breksiti sona qədər çatdıracaq və istefadan qaçınacaq. Hökumət başçısı düşünürü ki, Breksitlə bağlı başlayan siyası böhranı həll edə biləcək.
Hikmət Həsənov
Ölkə.Az
