Tereza Mey vəzifədən uzaqlaşdırıla bilər
İngiltərədə iki nazirin baş nazir Tereza Meyə ünvanladığı gizli məktub üzə çıxıb.
"Ölkə.Az" xəbər verir ki, "Sunday Times" qəzetində yayımlanan məktub dumanlı Albionda qalmaqala səbəb olub.
Xarici işlər naziri Boris Conson və Ekologiya naziri Maykl Qovun ortaq imzası ilə yazılan məktubda Breksitin ziyanı dilə gətirilib və tənqidi fikirlər səsləndirilib. Qeyd edilir ki, Breksit müzakirələrində Tereza Mey İngiltərəni zəif vəziyyətdə təmsil edir.
Bundan başqa Mühafizəkarlar partiyasının 40 millət vəkili etimadsızlıq məktubu imzalamaq üçün razılığa gəlib. Əgər bu deputat sayı 48-ə çatsa, Tereza Mey vəzifəsi ilə vidalaşmalı olacaq.
Partiya nizamnaməsinə görə 48 imza ilə baş nazirin yerinə lider də seçiləcək.
Hikmət Həsənov
Ölkə.Az
