“Ölkə.Az” xəbər verir ki, terror nəticəsində 37 nəfər həlak olub.

Dünya mətbuatının xəbərinə əsasən, Çad gölü yaxınlığındakı Kamerunun Dark adasında terror aktı törədilib. 21 hərbçi, 16 mülki vətəndaş həlak olub. Hücumdan sonra təhlükəsizlik qüvvələri əməliyyat keçiriblər və 15 qruplaşma üzvü ələ keçirilib. Bir çox terrorçu məhv edilib.

Qeyd edək ki, 2000-ci illərdən Nigeriyada fəaliyyətə başlayan Boko Haram terror qruplaşması 2009-cu ildən bu yana 20 mindən çox insanın ölümünə səbəb olub.

Ölkə.Az

“Ölkə.Az” xəbər verir ki, bu barədə Oxu.Az-a Almaniyada yaşayan tanınmış hüquq müdafiəçisi, miqrasiya məsələləri üzrə ekspert Əliövsət Əliyev deyib.

İnsident avqustun 20-si saat 17:00-da miqrantların olduğu düşərgədə baş verib. Burada iki çoxmərtəbəli bina var, birində azərbaycanlılar, digərində isə afrikalılar yaşayır:

"İnternet şəbəkəsi afrikalıların olduğu binadadır və buna görə də həmyerlilərimiz yazışmaq və ünsiyyət saxlamaq üçün onların evinin ətrafında otururlar. Çərşənbə axşamı bir neçə sərxoş nigeriyalı 16 yaşlı azərbaycanlı qıza hücum ediblər. Qız hücum edənlərin əlindən qaça bilib. Azərbaycanlılar bir neçə saatdan sonra afrikalıların olduğu evə gediblər və ədəbsiz nigeriyalıların cavabını veriblər", - Ə.Əliyev bildirib.

Yekunda hər iki tərəfdən xəsarət alanlar olub. Afrikalılar isə, öz növbəsində, bir müddətdən sonra azərbaycanlıların qaldığı evə hücum ediblər. Onlar miqrantlara daş atıb, binadakı bütün pəncərələri sındırıblar. 100 polisdən ibarət xüsusi təyinatlı dəstə hadisə yerinə gəlib. Bir neçə nəfər saxlanılıb, xəsarət alanlar xəstəxanaya yerləşdirilib.

Baş vermiş hadisə barədə Miqrasiya və qaçqınlarla iş üzrə federal idarəyə məlumat verilib. Azərbaycan diasporunun nümayəndələri idarə əməkdaşlarından azərbaycanlılarla afrikalıları ayrı-ayrı ərazilərdə yerləşdirməyi xahiş edib, çünki belə münaqişələrə burada tez-tez rast gəlinir. Əvvəlcədən nigeriyalılar, seneqallılar və azərbaycanlılar arasında pis münasibətlər yaranıb.

Polis düşərgə ərazisini nəzarətdə saxlayır.

Ölkə.Az

 “Ölkə.Az” Daily Mail-ə istinadən xəbər verir ki, ABŞ-ın baş nazirin sevgilisinə viza verməməsinin səbəbi xanın Kerrinin 2018-ci ildə 1991-ci ildə özünün müstəqilliyini elan edən Somalilendə səfər etməsi olub. Xanım Kerri Simonds  Somalilendə səfər çərçivəsində qurumun rəhbəri Musa Bixi Abdi ilə görüşərək, qadın hüquqları və  okeanların çirklənməsini müzakirə edib.

Onu da qeyd edək ki, Kerri Simonds  B.Consonun  qanuni xanımı hesab edilmir.  Baş nazir 25 ildir  Marina Uilerlə rəsmi nikahdadır. Onların bu nikahdan 4 övladı var.

Cütlük 2018-ci ilin sentyabrında  ayrılıblar. Ayrılığa səbəb isə baş nazirin xanımına xəyanəti olub.

Ölkə.Az