Terrorçular Kamerunu qan gölünə çevirdilər — 37 ölü

Terrorçular Kamerunu qan gölünə çevirdilər
18:49
12.06.2019
1654
Dünya
A
Qərbi Afrika ölkəsi Kamerunda Boko Haram terror qruplaşması silahlı hücuma keçib.

“Ölkə.Az” xəbər verir ki, terror nəticəsində 37 nəfər həlak olub.

Dünya mətbuatının xəbərinə əsasən, Çad gölü yaxınlığındakı Kamerunun Dark adasında terror aktı törədilib. 21 hərbçi, 16 mülki vətəndaş həlak olub. Hücumdan sonra təhlükəsizlik qüvvələri əməliyyat keçiriblər və 15 qruplaşma üzvü ələ keçirilib. Bir çox terrorçu məhv edilib.

Qeyd edək ki, 2000-ci illərdən Nigeriyada fəaliyyətə başlayan Boko Haram terror qruplaşması 2009-cu ildən bu yana 20 mindən çox insanın ölümünə səbəb olub.

Ölkə.Az

ŞƏRH YAZ
0

Türkiyədə baş verən zəlzələdə ÖLƏNLƏRİN SAYI ARTIR

Türkiyədə baş verən zəlzələdə ÖLƏNLƏRİN SAYI ARTIR
10:09
Bu gün
174
Dünya
A
Türkiyənin şərqində baş verən zəlzələ nəticəsində ölənlərin sayı 20-yə, yaralıların sayı isə 1015-ə çatıb.

“Ölkə.Az” xəbər verir ki, zəlzələdən sonra 4 baıl gücündə daha 228 təkan qeydə alınıb.

Elazığ şəhərində dörd bina dağılıb. Təbii fəlakət baş verən ərazidə axtarış-xilasetmə işləri davam etdirilir.

Elazığ Hava limanı normal işləyir. Bölgədə elektrik və qaz təchizatı ilə bağlı problem yoxdur.

Türk Qızıl Aypara bölgəyə yüzdən çox yük maşını ilə çadır, yataq dəsti, yorğan, mobil mətbəx, istilik avadanlığı və yemək göndərib.

Fəlakət bölgəsində mütəxəssislər və psixoloqlar da işləyir.

Qeyd edək ki, 24 yanvar tarixində yerli vaxtla saat 20: 55-də Türkiyənin şərqində 6,8 bal gücündə zəlzələ baş verib, nəticədə 20 nəfər ölüb. Zəlzələlərin episentri Elazığ əyalətinin Sivricə mahalında olub. Yeraltı təkanlar Elazığa bitişik olan vilayətlərdə (Adana, Hatay, Osmaniye, Tunceli, Gaziantep, Şanlıurfa, Malatya, Mardin, Samsun, Tokat, Çorum və Kayseri), Suriyanın şimalında da hiss edilib.

Ölkə.Az

 

ŞƏRH YAZ
0

Dünyanı vahiməyə salan koronavirusa yoluxmaq istəmirsinizsə — Bunları mütləq edin

Dünyanı vahiməyə salan koronavirusa yoluxmaq istəmirsinizsə
09:00
Bu gün
648
Dünya
A
Koronaviruslar soyuqdəymədən tutmuş Orta Şərq Respirator Sindromu və Şiddətli Kəskin Respirator Sindromuna (SARS) qədər müxtəlif xəstəliklərə səbəb olan böyük bir virus qrupudur.

"Ölkə.Az" baku.ws-ə istinadən xəbər verir ki, xəstəliyin kliniki simptom və əlamətləri əsasən hərarətdir, bəzi pasiyentlərdə döş qəfəsi rentgenoqrafiyalarının nəticələrində hər iki ağciyərdə infiltrasiya və tənəffüs çatışmazlığı müşahidə olunub.

Xəstəliyin baş qaldırdığı bölgələrə və ya bölgələrdən (hazırda Vuhan şəhəri) səfər edərkən kəskin respirator xəstəlik riskini aşağıdakı vasitələrlə azaltmaq məqsədəuyğun hesab edilir:

Kəskin respirator xəstəliklərdən əziyyət çəkən insanlarla yaxın təmasda olmamaq;
Əlləri mütəmadi yumaq, xüsusilə xəstə insanlar və onların ətraf mühiti ilə birbaşa təmasdan sonra;
Canlı və ya ölü ferma, yaxud da vəhşi heyvanlarla yaxın təmasdan çəkinmək;
Kəskin respirator infeksiyanın simptomlarını daşıyan sərnişinlər öskürərkən məsafə saxlamalı, öskürərkən və asqırarkən ağızlarını birdəfəlik istifadə üçün dəsmalla bağlamalı, əllərini yumalıdırlar.

ŞƏRH YAZ
0
BAĞLA