Tərtər sakini həmyerlisini meşədə güllələdi

Tərtər sakini həmyerlisini meşədə güllələdi
19:04
17.10.2019
3079
Hadisə
A
Bərdə rayonunda adam güllələməkdə təqsirli bilinən Fazil İsmayılovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib. Cinayət işi hakim Məhəmməd Bağırovun icraatına verilib.

Məhkəmə hazırlıq iclası oktyabrın 29-na təyin edilib.

Qeyd edək ki, hadisə bu ilin avqust ayında rayonun Seyid Yusifli kəndi ərazisində yerləşən meşədə qeydə alınıb.

Tərtər rayon Xoruzlu kənd sakini, 1967-ci il təvəllüdlü Fazil İsmayılov meşədə mübahisə etdiyi və şəxsi ədavəti olduğu həmkəndlisi Elvin Nəcəfovu “Kalaşnikov” avtomatı ilə güllələyib. E.Nəcəfov hər iki bud nahiyəsindən 3 güllə yarası alıb. E.Nəcəfov əməliyyat olunması üçün Gəncə şəhər Mərkəzi Xəstəxanasına göndərilib.

F.İsmayılova Cinayət Məcəlləsinin 126.1 (qəsdən sağlamlığa ağır zərərvurma) və 228-ci (qanunsuz silah saxlama) maddələri ilə ittiham verilib. 

Natiq Allahverdiyev
Ölkə.Az

ŞƏRH YAZ
0

Məsciddə dua etdikdən sonra nəzir qutusundan pul götürüb qaçdılar — VİDEO

Məsciddə dua etdikdən sonra nəzir qutusundan pul götürüb qaçdılar
01:31
Bu gün
14
Hadisə
A
Türkiyənin Bursa şəhərində məsciddən pul oğurlanıb.

18 yaşlı Z.T və 19 yaşlı B.S Osmanqazi rayonunda məscidə gəlib, dua ediblər.

Sonra ətrafa göz gəzdirib, heç kimin görmədiyindən əmin olan gənclər nəzir qutusunu açıb oradakı pulu götürüb qaçıblar.

“Hürriyet”in verdiyi xəbərə görə, hadisədən xəbər tutan məscid işçisi polisə xəbər verib.

Polis nəzarət kamerasına düşən oğruları taparaq həbs edib.

Ölkə.Az

ŞƏRH YAZ
0

Məktəblilər konfetdən zəhərləndi

Məktəblilər konfetdən zəhərləndi
22:42
21.11.2019
583
Hadisə
A
Ukraynanın Rovno vilayətində məktəblərin birində 12 şagird konfetdən zəhərlənib.

"Ölkə.Az" bildirir ki, şagirdlər xəstəxanaya yerləşdirilib.

Onların vəziyyəti orta ağır olaraq dəyərləndirilib. İlkin müayinədən sonra onların həyatlarına təhlükə olmadığı məlum olub.

Qeyd olunub ki, həmin şagirdləri sinif yoldaşları ad günü münasibətilə konfetə qonaq edib.

Hazırda hadisə ilə bağlı araşdırma aparılır.

Ölkə.Az

ŞƏRH YAZ
0
BAĞLA