Tərtərdə top mərmisi tapılıb

Tərtərdə top mərmisi tapılıb
22:23
13.06.2018
3233
Ölkə
A
Tərtərdə top mərmisi tapılıb.

Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) APA-ya verilən məlumata görə, iyunun 13-də Daxili İşlər Nazirliyinin “102” Xidməti-Zəng mərkəzi sistemindən Agentliyə Tərtər rayonu, Hacıqərvənd  ərazisində 1 ədəd mərminin tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Tərtər rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Daxili İşlər Nazirliyinin Tərtər rayon Polis şöbəsinin əməkdaşları tərəfindən birlikdə yuxarıda adı qeyd olunmuş əkin sahəsinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 1 ədəd 100 mm-lik top mərmisi (PS-34) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Top mərmisinin tapıldığı yerin ətrafında 200 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

Bərdənin 2 kəndində yeni içməli su infrastrukturu yaradılır — FOTO

Bərdənin 2 kəndində yeni içməli su infrastrukturu yaradılır
00:34
Bu gün
971
Ölkə
A
Bərdə rayonunun Hacılar və Arabaçılar kəndlərində yeni içməli su infrastrukturu yaradılır.

"Ölkə.Az" xəbər verir ki, “Azərsu” ASC-dən Trend-ə verilən məlumata görə, Bərdə rayonunun kəndlərində içməli su layihələrinin icrasına 2018-ci ilin iyun ayında başlanılıb. Kənd sakinlərini içməli su ilə təmin etmək üçün su mənbəyi subartezian quyuları seçilib. Layihəyə əsasən, bu kəndlərdə 2 subartezian quyusunun qazılması, 11,3 km uzunluğunda su xətlərinin, əhalinin ümumi istifadəsi üçün 54 ədəd su bulağının tikintisi nəzərdə tutulub.

Hazırda kəndlərdə subartezian quyularının qazılmasına başlanılıb. Arabaçılar kəndində layihədə nəzərdə tutulan 5,4 km uzunluğunda su xətlərinin tikintisi, əhalinin ümumi istifadəsi üçün 27 ədəd su bulağının quraşdırılması işləri yekunlaşıb. Hacılar kəndində isə 5,9 km su xətlərinin və 27 ədəd su bulağının quraşdırılması işləri davam etdirilir.

Bərdə rayonunun Arabaçılar və Hacılar kəndlərində icra olunan layihələr ümumilikdə 2500-dək sakinin içməli su təminatının yaxşılaşdırılmasına imkan yaradacaq. İndiyədək Arabaçılar və Hacılar kəndlərinin sakinləri içməli suya olan tələbatlarını daşıma yolu ilə və ya quyu sularından istifadə etməklə ödəyirdi. Bu da içməli su təminatında çətinliklərə səbəb olurdu.

Qeyd edək ki, Prezident İlham Əliyevin “Əhalinin içməli su ilə təminatının yaxşılaşdırılmasına dair əlavə tədbirlər haqqında” 9 aprel 2018-ci il tarixli Sərəncamına əsasən, respublikanın 13 rayonunun 30 yaşayış məntəqəsində içməli su layihələri icra olunacaq. Bu layihələrdən 30 kəndin 45 min nəfər sakini faydalanacaq.

Ümumilikdə 2018-ci ildə dövlət investisiya layihələri də daxil olmaqla “Azərsu” ASC tərəfindən icra olunan layihələr çərçivəsində 21 rayonunun 46 yaşayış məntəqəsində 65 minədək sakinin içməli su təchizatı yaxşılaşdırılacaq.

Ölkə.Az

ŞƏRH YAZ
0

Bakıda kirayə evlər bahalaşdı — VİDEO

Bakıda kirayə evlər bahalaşdı
22:12
17.08.2018
3989
Ölkə
A
Kirayə bazarında qiymətlər 30-40 faiz artıb.

"Ölkə.Az" Xəzər TV-yə istinadən xəbər verir ki, buna səbəb ölkəyə turist axının artması ilə yanaşı ali məktəblərə ixtisas seçiminin nəticələrinin açıqlanmasıdır. Belə ki hansı ali məktəbə düşdüklərini müəyyənləşdirən tələbələr özlərinə uyğun ev axtarır. Bu isə sektorda əlavə canlanma yaradıb.

Bakıda kirayə qiymətləri bu ay daha da artıb. Universitetlərin yerləşdiyi ərazilərdə artıq 2 otaqlı evlər 350 manatdan, 3 otaqlı evlər isə 500 manatdan təklif olunur.

Artım daha çox ali məktəblərin yerləşdiyi ərazilərdə metroya yaxın və şəhərin mərkəzi hissələrində olan evlərdə müşahidə olunur. May və iyın aylarında 250-300 manata təklif edilən evlərin qiyməti indi 400 AZN-dək bahalaşıb.

Onu da qeyd edək ki, evlərin qiymətində bahalaşma ilə yanaşı kirayə ev tapmaqda da ciddi çətinliklər var. Əmlak ekspertləri bildirir ki, bina evlərində kirayə evlər demək olar qalmayıb. Çünki hər il bu vaxt ancaq tələbələrə görə bahalaşan evlərin qiymətinin artmasında çoxsaylı turist axını da önəmli rol oynayır.

Ölkə.Az

ŞƏRH YAZ
0
BAĞLA