Tərtərdə toydakı mübahisə əlbəyaxa davaya çevrildi — 6 nəfər xəstəxanalıq oldu

Tərtərdə toydakı mübahisə əlbəyaxa davaya çevrildi
00:54
16.05.2018
1005
Hadisə
A
Tərtərdə toy mərasimində kütləvi dava olub.

"Ölkə.Az" "Report"a istinadən xəbər verir ki, rayonun Heydər Əliyev prospektində yerləşən şadlıq saraylarından birində keçirilən toyda qonaqlar arasında mübahisə yaranıb.

Mübahisə daha sonra əlbəyaxa davaya çevrilib. Kütləvi dava zamanı 6 nəfər xəsarət alıb. Yaralılar xəstəxanaya çatdırılıb.

Tərtər Rayon Polis Şöbəsindən verilən məlumata görə, rayonun Sarıcalı kənd sakinləri: - 37 yaşlı Elmir Səmədov, 43 yaşlı Vidadi Abışov və qardaşı Nizami Abışov, habelə 48 yaşlı Feyzi Abışov, 31 yaşlı Ramin Səmədov, 26 yaşlı Abil Əliyev, 30 yaşlı Rəşad Hüseynov, 49 yaşlı Valeh Səfərov və 18 yaşlı Səfərli Kamal Valeh oğlu İmanlı Nurlan Rafel oğlunun toy mərasimində bir-birlərinə müxtəlif dərəcəli bədən xəsarətləri yetirməklə xuliqanlıq hərəkətləri ediblər.

Tərtər Rayon Polis Şöbəsinin əməkdaşları hadisə yerində olublar. Faktla bağlı cinayət işi başlanaraq araşdırmalar aparılır.

Ölkə.Az

ŞƏRH YAZ
1

Bərdə sakini ov zamanı dostunu güllələdi — VİDEO

Bərdə sakini ov zamanı dostunu güllələdi
23:47
15.10.2018
159
Hadisə
A
Bərdə rayonunda ov zamanı ölümlə nəticələnən bədbəxt hadisə baş verib.

"Ölkə.Az" “Xezerxeber”ə istinadən xəbər verir ki, rayonun Gulgəzli kənd sakini, 24 yaşlı Sadiq Tapdıqbəyli dostu və sinif yoldaşı olan 24 yaşlı Yaşar Kərimovu güllələyib. 

Y. Kərimov aldığı güllə yarasından hadisə yerində ölüb.

Bərdə rayon prokurorluğundan bildirilib ki, hadisəni törədən S. Tapdıqbəyli saxlanılaraq istintaqa cəlb edilib. 

Faktla bağlı araşdırmalar davam etdirilir.

Ölkə.Az

ŞƏRH YAZ
0

Zaqatalada yaşlı kişini maşın vurub

Zaqatalada yaşlı kişini maşın vurub
23:32
15.10.2018
158
Hadisə
A
Axşam saatlarında Zaqatala şəhərində piyadanın vurulması ilə nəticələnən yol-nəqliyyat hadisəsi baş verib.

"Ölkə.Az" report-a istinadən xəbər verir ki, Zaqatala şəhəri, F.Əmirov küçəsi, ev 7 ünvanında yaşayan 1962-ci il təvəllüdlü Nizami Abdultalıb oğlu Həsənov “Bayraq meydan”ı adlanan ərazidə yolu keçmək istəyən zaman “Niva” markalı minik avtomobili tərəfindən vurulub.

Qəzadan sonra N.Həsənov Zaqatala Rayon Mərkəzi Xəstəxanasına (RMX) aparılıb. Müayinə zamanı ona sol ayağın baldır sümüklərinin qəlpəli yerdəyişən sınığı, bədənin çoxsaylı əziyi diaqnozu qoyulub. Yaralının müayinə və müalicəsini davam etdirmək üçün Bakı şəhərindəki xəstəxanalardan birinə göndərilməsi nəzərdə tutulub.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA