Təşəkkür ünvanını dəyişik salan Əli İnsanov və ya 14 illik şizofreniyanın davamı

Təşəkkür ünvanını dəyişik salan Əli İnsanov və ya 14 illik şizofreniyanın davamı
13:29
22.03.2019
51900
Ölkə
A
Novruz bayramı ərəfəsində Azərbaycan prezidenti İlham Əliyev növbəti əfv sərəncamı imzaladı. Bu sərəncam nəticəsində yüzlərlə məhkum cəzasının qalan hissəsindən azad edilərək ailəsinə, övladlarına, doğmalarına qovuşdu.

Bir jurnalist kimi dəfələrlə əfv sərəncamlarında həbsxana qarşısında bu qovuşma anlarını, insanların sevincini, əfvi imzalan Prezidentə təşəkkürünü görmüşəm. Heç yadımdan çıxmaz, üç il əvvəl də belə əfv sərəncamlarının birində azadlığına qovuşan məhkumları lentə alırdıq və məhkum qadınların azadlığa çıxmasını müşahidə edirdik. Övladı azadlığa qovuşan bir ana elə həbsxananın qarşısında diz çöküb əllərini havaya açdı və ölkə başçısına təşəkkür etdi. 

Bu il əfv sərəncamı ilə keçmiş səhiyyə naziri, dövlət çevrilişinə görə məhkum edilən Əli İnsanov da azadlığa buraxıldı. Amma vaxtilə jurnalistlərə “konkret rədd ol” deyən İnsanov bu dəfə həbsxana qapısında özünü jurnalistlərə çox yaxın hiss etdi və onlara hər zaman açıq olduğunu dilə gətirdi. 

14 il məhbəs həyatından sonra sabiq səhiyyə naziri Əli İnsanovun həbsxana qapısındaca  verdiyi sərt siyasi bəyanatlar  heç də həbsdə və ya məhkəmə zalında səsləndirdiyi fikirlərdən fərqlənmirdi.  Düz  14 ildir ki, Əli İnsanovdan bu fikirləri eşidirik və burada hər hansı yenilik yoxdur. Onun belə sərbəst formada elə həbsxana qapısı ağzındaca hakimiyyət əleyhinə səsləndirdiyi sərt ifadələr  bir daha  Azərbaycanın demokratik, hüquq dövləti olduğundan burada  siyasi pülüralizmin, fikir və söz azadlığının olduğunu bariz göstəricisidir. Əli İnsanovun təbrincə desək əgər Azərbaycanda fikir və söz azadlğı olmasaydı nə o belə bir fikri işlədə, nə də həbsdən azad oluna bilərdi. Əslində bu bəyanatları ilə  Əli İnsanov  dediklərini  təkzib etmiş oldu.
 Əli İnsanovun belə sərt siyasi bəyanatlarla çıxış edəcəyini  və buna rəğmən   böyük humanistlik nümayiş etdirib əfv edən ölkə başçısı İlham Əliyev də yaxşı bilirdi. Ölkə başçısı böyüklük nümayiş etdirib bağışladığı  şəxsdən başqa cür hərəkət də gözləmirdi.  Azərbaycan prezidenti İlham Əliyev  bir zamanlar nazir işlədiyi dövrdə korrupsiyaya bulanmış, cəmiyyətdə heç də müsbət imicə malik olmayan şəxsin təşəkkürünə də ehtiyacı yox idi. Çünki böyüklərin, müdriklərin məsələlələrə baxışı digərlərindən tamamilə fərqlidir.  Bu insanlar məhz ona görə böyük və müdrik hesab olunurlar ki, hətta onlara qarşı qərəzli, qısasçılıq naminə səslənən sərt ifadələrə dözümlü yanaşıb, günahkar, cinayət əməli törədən  insanları bağışlamaq qabliyyətinə malikdirlər. Böyüklər  bu yolla  təmsil olunduqları cəmiyyəti islah edib, həmrəyliyə, əmin-amanlığa nail olmaq istəyirlər. Bu yol isə  heç də hər asan yol deyil. Bu yol insandan böyük dözüm, səbr, iradə, şücaət, mübarizlik, müdrilik, uzaqgörənlik və qabliyyət tələb edir. Ancaq bunu başaranlar qələbəyə və qarşıya qoyulan hədəflərə nail olurlar. Azərbaycan prezidenti İlham Əliyev də bu yolda olan maneələri gördüyündən, dözüm və mətanət nümayiş etdirərək ali hədəflərə doğru irəliləıyir.
Azərbaycan prezidenti yaxşı bilirdi ki, Əli İnsanov əfv edilərək azadlığa qovuşduğunda, bu azadlığı ona bəxş edənə təşəkkür etməyəcək. Və onun buna ehtiyacı da yox idi. Yuxarıda söylədiyimiz kimi böyüklər  hansısa addımı təmanna ummaq üçün deyil, cəmiyyətin gələcəyi, insanlıq naminə atırlar. Onlar bu günə deyil, sabha baxırlar. O baxımdan ölkə başçısının Əli İnsanov kimi islah olunmayan, əslində cəmiyyətdə bölücülüyə xidmət  edəcək insanların təşəkkürünə də ehtiyacı yoxdur.
Azərbaycan prezidenti bu addımı ilə Azərbaycanın demokratik inkişaf yolunu seçidiyini və bu yoldan dönməzliyini sübut etdi. Dünyada nə demokratiyanın vahid formulası, nə də onun son həddi yoxdur. Bu bir prosesdir və Azərbaycan  da həmin proses çərçivəsində sistemli şəkildə siyasi, iqtisadi və sosial islahatlar aparır ki, demokratik cəmiyyət qurulucuq prosesimiz növbəti mərhələyə keçsin. Məsələyə belə baxmaq lazımdır.  Azərbaycan prezidenti Əli İnsanov kimi törətdikləri cinayət əməllərini dərk etməyən insanları əfv etməklə ölkədə əqidəsindən və düşüncəsindən asılı olmayaraq, hər bir insanın hüquq və azadlıqların hörmətlə yanaşdığını sübut etdi.

Bütün bu sadalananlara rəğmən cəmiyyətin sabahını düşünən insanlar Əli İnsanovdan dövlətimizin və dövlətçiliyimizin  sabahı naminə tamamilə fərqli düçüncə tərzi sərgiləyəcəyini gözləyirdi. Ancaq cəmiyyətin aydın düşünən insanları xəyal qırıqlığına uğratdı. Onlar  bu müddət ərzində Əli  İnsanovun  etdiyi səhvlərdən nəticə çıxararaq, islah olunmadığının,  bir daha cılız, qisasçılıq, vəzifə hərisçiliyi ilə alışıb yandıqlarının şahidi oldular.

Azərbaycan demokratik və hüquqi dövlət olduğundan hər bir insanın seçib, seçmək hüququna malikdir və  vətəndaşın bu hüquqları konstitusiya  ilə qorunur. Ancaq hər bir istək və ideya cəmiyyəti irəliyə aparmağa, həmrəyliyinin, birliyin, harmoniyanın daha da möhkəmlənməsinə xidmət etməlidir, daha Əli İnsanov kimi  cəmiyyətdə bölücülük, regionçuluq toxumu səpərək parçalamağa yönəlməməlidir. Əli İnsanov fəaliyyəti və verdiyi mesajlar ancaq və ancaq ölkədə  illər boyu formalaşan ictimai-siyasi sabitliyi pozub, Azərbaycan düşmənlərinin marağına xidmət etməklə, inkiaşfda olan dövlətçiliyimizi zəiflətməyə, sarsıtmağa  xidmət edir.

Əli İnsanovun həbsxana qapısından verdiyi mesajları eyni zamanda  xaricdəki anti-Azərbaycan qüvvələrə bir mesaj kimi də qiymətləndirmək lazımdır.O bununla demək istədi ki, sizlərin Azərbaycanla bağlı planlarını həyata keçirməyə və ölkədə ictimai-siyasi sabitliyi pozmağa, dövlətçiylyi zəiflədərək, istədiklərinizin həyata keçirilməsinə hazıram.

Ə.İnsanov ancaq unudur ki, Azərbaycan 14 il bundan öncənin Azərbaycanın deyil. Bu illər ərzində Azərbaycan xeyli dəyişib və inkişaf edib. Nə də bu günkü Azərbaycan cəmiyyəti həmin cəmiyyət deyil. Azərbaycan cəmiyyəti onun kimi insanları çox gördü. Azərbaycan cəmiyyəti  Rəsul Quliyev və digərləri kimi öz liderini satıb yenidən məqam sahibi olmaq üçün cəhd edənləri gördü. Azərbaycan cəmiyyəti əmin oldu ki, onu inkişafıa və uğurlu sabaha ancaq Heydər Əliyev ideyalarının layiqli davamçısı İlham Əliyev apara bilər.

Odur ki, Əli İnsanovun həbsxanadan çıxar-çıxmaz verdiyi bəyanatları həm də onun üzləşdiyi psixoloji durumla izah etmək lazımdır. Əli İnsanob hələlik  eyforik düşüncələrdədir.  Bu düşüncələr qısa zamanda sabun köpüyü kimi yox olub gedəcək. Və səsləndirdikləri isə sözdən o tərəf keçə bilməyəcək. Çünki Azərbaycan cəmiyyətini yalançı vədlərlə aldatmaq zamanı artıq çoxdan keçib. Mövzuya qayadacağıq…

Ölkə.Az

ŞƏRH YAZ
3

Leyla Əliyeva paytaxtın 4 və 3 nömrəli internat məktəblərində olub — FOTO

Leyla Əliyeva paytaxtın 4 və 3 nömrəli internat məktəblərində olub
22:57
Bu gün
2767
Ölkə
A
İyunun 19-da Heydər Əliyev Fondunun vitse-prezidenti Leyla Əliyeva Bakının Şüvəlan qəsəbəsində sağlamlıq imkanları məhdud, valideyn himayəsindən məhrum olmuş uşaqlar üçün 4 nömrəli Respublika xüsusi internat məktəbində və Nizami rayonunda sağlamlıq imkanları məhdud uşaqlar üçün 3 nömrəli Respublika xüsusi internat məktəbində olub.

"Ölkə.Az" azərtac-a istinadən bildirir ki, əvvəlcə Şüvəlan qəsəbəsindəki sağlamlıq imkanları məhdud, valideyn himayəsindən məhrum olmuş uşaqlar üçün 4 nömrəli Respublika xüsusi internat məktəbinə gələn Heydər Əliyev Fondunun vitse-prezidenti Leyla Əliyeva burada uşaqlarla görüşdü, onlar üçün yaradılan şəraitlə tanış oldu.

Məlumat verildi ki, 1976-cı ildən fəaliyyət göstərən bu internat məktəbi 2015-ci ildə Heydər Əliyev Fondunun “Uşaq evləri və internat məktəblərinin inkişafı” Proqramı çərçivəsində yenidən qurulub. Hazırda burada 100-dən çox uşaq müalicə alır. Məktəbin nəzdində məktəbəqədər uşaqlar üçün nəzərdə tutulan Reabilitasiya-İnkişaf Mərkəzi fəaliyyət göstərir.

Leyla Əliyeva müəssisədəki uşaqlarla söhbət etdi, onların əl işlərinə baxdı, fəaliyyət göstərən dərnəklərlə maraqlandı.

İnternat məktəbinin sakinləri Heydər Əliyev Fondunun vitse-prezidentinə öz bacarıqlarını nümayiş etdirdilər.

Müəssisəyə Heydər Əliyev Fondunun hədiyyələri təqdim edildi.

X X X

Daha sonra Heydər Əliyev Fondunun vitse-prezidenti Leyla Əliyeva Nizami rayonunda sağlamlıq imkanları məhdud uşaqlar üçün 3 nömrəli Respublika xüsusi internat məktəbinə gəldi.

Bildirildi ki, 1960-cı illərin əvvəllərindən fəaliyyət göstərən internat məktəbi eşitmə qüsurlu uşaqlar üçün nəzərdə tutulub. Buradakı 649 uşaqdan 226-sı internat məktəbində yaşayır. Azərbaycan və rus bölmələrinin olduğu internat məktəbində 87 sinif var. Artıq 4 ildir ki, internat məktəbində implant siniflər də fəaliyyət göstərir. Həmin siniflərdəki uşaqlara implant əməliyyatından sonra xüsusi proqram üzrə dərs keçirilir. Təhsil müəssisəsində uşaqlar öz istəklərinə uyğun olaraq rəsm, toxuculuq, muncuqla iş, xalçaçılıq, idman dərnəklərində məşğul ola bilərlər. İnternat məktəbinin məzunları arasında idmançılar, rəssamlar var.

Bu məktəbə də Heydər Əliyev Fondunun hədiyyələri təqdim edildi.

Ölkə.Az

ŞƏRH YAZ
0

İsmayıllıda itkin düşən 34 yaşlı qadın 17 gün sonra tapıldı

İsmayıllıda itkin düşən 34 yaşlı qadın 17 gün sonra tapıldı
21:45
Bu gün
3633
Ölkə
A
İsmayıllı rayonunda itkin düşən qadın tapılıb.

"Ölkə.Az"ın məlumatına görə, mayın 27-də İsmayıllı rayonunun Qarakolluq kənd sakini, 1985-ci il təvəllüdlü İsmayılova Elnarə Rəşid qızı evdən çıxıb və geri qayıtmayıb.

Keçirilən əməliyyat axtarış tədbirləri nəticəsində E.İsmayılova iyunun 13-də tapılaraq ailəsinə təhvil verilib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA