Təşəkkürlər Bədavi, Qara, Almeyda, Maksim, Araz

Milli komandamız 11 İyun tarixində Avropa Çempionatı 2020-nin seçmə mərhələsi çərçivəsində növbəti oyununu keçirtdi. Rəqib isə Slovakiya yığması idi. Oyunun çətin olacağı gözlənilirdi, amma bizim futbolçular oyunu asanlaşdırdılar. Mübarizəsiz və meydanda yalnız gəzməklə. Məğlub olmaq da olardı, amma mübarizə ilə, döyüşməklə. Bədavinin meydanla Bulvarı səhv salması, (yanından keçən slovakiyalı oyunçulara yalnız salam verməsi əskik idi), Arazın oyun boyu göyə baxması və zərbə vurmaqdan imtina edərək qapının yanında boş ötürmələr etməsi, Almeydanın yersiz və zamansız cərimələri (Macarıstanla oyunda qolla nəticələnmişdi), Maksimin ümumiyyətlə, oynamaması yalnız utandırdı. Sanki bu oyunçulara azarkeşlərin qıcıqlanması daha xoş idi. Ramilin müdafiəyə kimi gəlməsi və hücuma keçməsi, meydanda olan 5-6 “Qarabağ” oyunçularının da yerinə oynaması bəlkə bir üsyan idi. (Üstəlik, Ramilin qolundan sonra Maksimin üzündəki ifadəni, üzgünlüyü də anlaşılmaz idi).  Sonda Ramilin göz yaşlarını saxlaya bilməməsi etdiyi üsyanın davamı, demək istədiklərini göz yaşları ilə danışması idi. Ramil də utanırdı, yalnız məğlubiyyətə görə deyil, qeyd olunan oyunçuların məsuliyyətsizliyi, gəzib-dolaşmasına görə idi. Üstündə daşıdığı milli forma, bayraq, təmsil etdiyi ad Azərbaycanın idi, klubun deyildi. Amma onlar bunun ya fərqində olmadılar, ya da olmaq istəmədilər.

Ümumilikdə diqqəti çəkən maraqlı fakt bütün iradların yalnız “Qarabağ” oyunçuları ilə bağlı olması idi. Oyundan sonra sosial şəbəkələrdə əsas mövzu bu məğlubiyyətin səbəbkarlarının axtarılması idi, hər kəs əsəbi halda günahkarları axtarırdı. Və ortaya maraqlı iddia çıxdı. Əsas mövzü isə “Qarabağ” oyunçularının meydanda oynamaması, ruhsuzluğu və məsuliyyətsizliyi idi. Sosial şəbəkə istifadəçilərinin bir çoxu onların qəsdən oynamamasını və azarkeş hirsinin artırılmasına təkan verdiyini bildirdilər.  

Sosial şəbəkə istifadəçilərinin status və rəylərindən sitatlar:

“Kaş Slovakiya qapimiza qollari vuranda bizimkiler de bu terefde Qarabağ Azerbaycana qarshi shuari ile açıq oynayaydilar. Bele sherefsiz kimi gizlin oyun olmazdi Görəsən, Bilərəkdən oynamayan futbolçular (Qara, Bədavi, Almeyda, Maksim, Araz, Mahir) neçə gün narahat yatacaq. Bayrağını vətəninini, azarkeşini heçə saymağın vicdan əzabı neçə gündür?! Amma çətin”.

“Təkcə Ramil gəlmişdi Slovakiya ilə oyuna? Deyəsən Qurban müəllim oyunçularını milliyə buraxmamışdı. Onlar da deyib müəllim, gedirik amma ürəyimiz, ruhumuz sizin yaninizda qalacaq meydanda olmayacaq”.

“Görəsən, Qara Qarayev yenə inciməz ki, tənqid etsək?! ) Hər dəfə xətrinə dəyir. Həmişə deyir biz də istəmərik uduzaq, əlimizdən gələni edirik də. Bu dəfə bu cümləni deyə bilər?”

“ “Qarabağ”ın oyunçuları meydanda təsadüfi gəzirdi, yoxsa ancaq mənim beynimdə qaranlıq suallar dolaşır? Qara ilə Bədavi meydanda gəzib rəqibə buyur keç, vur deyirdiniz sanki. Niyə?”

“Bədavi ayaqlarını “Qarabağ”da qoyub gəlmişdi oyuna?!” 

“Dəyərsiz futbolçular, oynamadığınız məlum. Maraqlı odur ki, bilərəkdən oynamadınız, yoxsa bilməyərəkdən. Oynaya bilmədiniz yox a, oynamadiniz! Çox hiss etdirməyəydiniz heç olmasa. Gələn dəfə klubunuzda məşq edin, özünüzü yandırmayasiniz”

“Maksim, Bedavi, Qara, Almeyda, Araz heç olmasa Ramildən vətənpərvərliyi, bayraq üçün vuruşmağı öyrənin”!

Ölkə.Az