Təşəxxüslü, ifrat qürurlu olmayın — Günün ulduz falı

Təşəxxüslü, ifrat qürurlu olmayın
01:21
05.07.2018
2731
Maraqlı
A
"Ölkə.Az" "Milli.Az"a istinadən günün qoroskopunu təqdim edir:

Qoç - çalışdığınız kollektivdə qəfil xəbərlər istisna deyil. Mövcud vəziyyəti nəzərə alaraq, imkanlarınızı aşmadan fəaliyyət göstərin. Yaşananlardan faydalanmaq üçün maksimum dərəcədə aktiv olun.

Günün ikinci yarısında uğurlarınız əhəmiyyətli dərəcədə təsadüfdən asılı olacaq. Uğurlu və ağıllı insanlarla əlaqələri kəsməyin. Onlarla ideya və planların mübadiləsinə başlamaq olar.

Romantikaya qapılmayın. Sevdiyiniz insanla təmaslarda yeni perspektivlər var.

Buğa - ambisioz, hikkəli, aqressiv olmayın. Əvvəlki incikliklərin heyfini almağa çalışmayın. Münaqişələrə meylli, kinli insanlardan uzaq durun. Daxili azadlığınızı və səbrəstliyinizi qoruyun.

Günün ikinci yarısında atdığınız addımların fərqinə varın. Rasionunuza fikir verin. Təfərrüatlarına bələd olmadığınız məsələlərlə bağlı rəy verməyin.

Problemlərin artması sizdən daha fəal olmağı tələb edir. İstəklərinizin normadan artıq olması prosesləri ləngidə bilər.

Sayıq və diqqətli olun.

Əkizlər - ani qərarlar verməyin. Düşünüb daşının, sonra fikrinizi açıqlayın. Yaşanan proseslərlə bağlı mövqeyinizdə dəyişikliklər ola bilər. Aqressiya və həyəcan yolverilməzdir. Yaxın ətrafınızdakı insanlara dəyər verin, onların qəlbini qırmayın.

Günün ikinci yarısında xoşagəlməz sözlər eşidə bilərsiniz. Əlavə işlər görməli olacaqsınız. Çətin, ağır xasiyyətli insanlarla təmas zərurəti yaranacaq. Hisslərin gərildiyi zamanda müşkül məsələnin həllinə başlamayın.

Axşam saatlarında səhhətinizin qayğısına qalın.

Xərçəng - rutin işlər darıxdırıcı təsir bağışlasa da, onları yarımçıq qoymayın. Aksiyalara və toplantılara qatılmayın. Müstəqil fəaliyyətə üstünlük verin. Saxta etiraflara və yalnız ilk baxışdan cazibədar təsir bağışlayan təkliflərə aldanmayın.

Arzularınızı reallaşdırmaq üçün aktiv olun.

Günün ikinci yarısında proseslərin ritminə nəzarət edin. Büdcənizdə böyük itkilər olmamalıdır. Krediti vaxtında ödəməyi unutmayın.

Axşam saatlarına yaxın yarımçıq işləri başa vurun.

Açıq havada gəzintiyə çıxın.

Şir - təşəxxüslü, ifrat qürurlu olmayın. Hisslərinizə hakim ola bilməsəniz, fəsadları ağır addımlar ata bilərsiniz. Ailə üzvlərinin tələblərini nəzərə alın. Onların istəkləri ön planda olmalıdır.

Günün ikinci yarısında daşınmaz əmlak, vərəsəlik, ipoteka, kreditlər, sığorta ödənişləri, borcların qaytarılması ilə bağlı əməliyyatlarda yaxşı tanımadığınız insanlara etibar etməyin. Yaxınlarınız üçün gördüyünüz işləri onların üzünə vurmayın.

Axşam saatlarında əyləncəyə yollana bilərsiniz.

Mübahisələrdə tərəf tutmayın.

Qız - günün ilk yarısı yaradıcılıq üçün əlverişlidir. Xatirələrin təsiri və hisslərin pressinqi altında olsanız, ən adi, rutin işlər yarımçıq qala bilər. Rasional məntiqinizi unudub ani istəklərlə davranmayın.

Günün ikinci yarısında təmkinli və soyuqqanlı olmasanız, orientirləri itirə bilərsiniz. Sədləri aramla dəf edin. Maneələrin çoxluğu sizi pərişan etməsin. Gərəkli zamanda lazımi addımlar atın. Neqativ emosiyalar yaradan insanlarla ünsiyyəti minimuma endirin.

Tərəzi - maliyyə məsələlərində diqqətli olun. Münasibətlərdə gərginlik yarada biləcək addımlar atmayın, sayıq və diqqətli olun. Bədxərclik etməyin, alış-verişdə məntiqli davranın.

Günün ikinci yarısısında illüziyalara qapılmayın, ambisiyalarınızı təmin etmək üçün ani hisslərin idarə etdiyi fiqura çevrilməyin. Çalışdığınız yerin hesabına şəxsi maraqlarınızı təmin etməyin. Əməllərinizə görə gec-tez cavab verməli olacaqsınız.

Qida rasionunuza fikir verin. İş qrafikində köklü dəyişikliklər etməyin.

Əqrəb - emosiyalarınızı nəzarətdə saxlayın. Hissləriniz sizi yanlış addımlar atmağa vadar edə bilər. Təmkinli olun, bütün diqqəti işə yönəldin. Maddi və ya mənəvi baxımdan təzminatlar əldə etməyə can atmayın.

Günün ikinci yarısında narazılıq hissi, natamamlıq duyğuları yarana bilər. Problemlərin həllinə yaradıcı yanaşın. Axşam saatlarına yaxın yeni tərəfdaş və ya şəriklə işləyə bilərsiniz.

Axşam saatlarında normal istirahət etməyə çalışın.

Oxatan - sınaq zamanıdır. Günün ilk yarısından etibarən maneələr və sədlərin sayı artacaq. Təşəbbüslər zamanı deyil. Cari işləri başa vurun, yarımçıq heç nə saxlamayın.

Kiçik uğursuzluqlar sizi ruhdan salmasın. Problemləri qulaqardına vurmayın, onları çözün.

Günün ikinci yarısında sirlərinizi yaxşı tanımadığınız insanlarla bölüşməyin. Başqalarının sözlərindən asılı olmayın.

Hisslərinizi müvazinətdə saxlayın, təsir altına düşməyin.

Oğlaq - günün ilk yarısı qəfil hadisələr və təəssüratlar, görüşlər və xəbərlər vəd edir. Önəmli saydığınız məsələ ilə bağlı yeni məlumatlar ala bilərsiniz. Gözlədiyiniz hadisə baş verəcək.

Uzun müddətdən bəri güc və vaxt tapmadığınız işi görə bilərsiniz. Cari işlərdə tərəfdaşlarla şəriklər aktiv rol oynayacaqlar. Yeni təkliflər və ideyalar olacaq.

Reallaşmayan arzular və ya puç olan istəklər münasibətlərdə gərginlik yaratmamalıdır. Hisslərin əsiri olsanız, ruh düşkünlüyünə qapıla bilərsiniz. Nikbin olun. Yeni məqsədlər və stimullar var.

Axşam saatlarında normal istirahət edin.

Dolça - rutin, adi işlər üçün neytral zamandır. Qarşınıza böyük məqsədlər qoyubsunuzsa, sizi çətinliklər gözləyir. Mübahisəni, diskussiyanı, kütləvi tədbirdə iştirakı təxirə salın. Mövqelərinizi qorumağa çalışın.

Günün ikinci yarısında nəyin bahasına olursa-olsun, haqlı görünməyə can atmayın. Sözlərin bundan sonrakı hadisələrin formalaşmasında heç bir əhəmiyyəti yoxdur.

Rəqiblər arqumentlərinizə əla bələddir və onlar yeni heç nə deməyəcəklər.

Axşam saatlarında psixoloji hücuma məruz qala bilərsiniz.

Balıqlar - dəyişikliklərə başlamaq zamanıdır. Perspektivlə bağlı məlumatlar alacaqsınız. Yaxın ətrafınızdakı insanlar ideyalarınızı dəstəkləyəcəklər. Kiçik problemlərin həllini bir müddətə təxirə salmaq olar. Yaşam sizə sürprizlər hazırlayıb.

Günün ikinci yarısı uğurlu dönəmdir. Əlverişli situasiyadan yararlanın. Amma bilin ki, uğurlu dönəm çox çəkməyəcək.

Sizdən fərqli maraqları, ideyaları olan insanlarla ünsiyyətdə xeyir var. Söhbətlərdən həzz almaq önəmli deyil: əsas məsələ danışıqlardan real fayda əldə etməkdir.

Ölkə.Az

ŞƏRH YAZ
0

Yağlı yemək… yağsız yeməkdən daha yaxşıdır

Yağlı yemək… yağsız yeməkdən daha yaxşıdır
01:27
Bu gün
582
Maraqlı
A
Yağlı qidalar qəbul edilməsi ömrü uzadır.

“Ölkə.Az”ın AZƏRTAC-a istinadənməlumatına görə, ABŞ-ın Stenford və Harvard universitetlərinin alimləri uzunmüddətli tədqiqatlar nəticəsində belə qənaətə gəliblər.

Onların fikrincə, doymamış yağların zəngin olduğu qidalar orqanizmin fəaliyyətinə müsbət təsir göstərir, ürək-damar xəstəlikləri riskini azaldır. Bitki və balıq mənşəli yağlarla hazırlanan yeməklər isə orqanizmdə daha tez sorulur və piylənməyə səbəb olmur. Bunun əksinə, heyvan mənşəli yağlar piylənmə və artıq çəkiyə, eləcə də müxtəlif xəstəliklərə aparıb çıxarır.

Tamamilə yağsız yeməklər qəbul edilməsi də məsləhət görülmür, çünki onun qəbulu maddələr mübadiləsini pozur.

Ölkə.Az

ŞƏRH YAZ
0

Seçilən yeni məcrada elə bu gün uğur qazana bilərsiniz — Günün qoroskopu

Seçilən yeni məcrada elə bu gün uğur qazana bilərsiniz
01:12
Bu gün
278
Maraqlı
A
“Ölkə.Az” milli.az-a istinadən günün ulduz falını təqdim edir:

Qoç - pis gün deyil. Ən yaxşı nəticələrə nail olmaq üçün diqqəti aktual problemlərə yönəldin. Gələcəklə bağlı fikirlərə bir qədər sonra dalarsınız.

İşdə karyera pilləkəni ilə irəliləmək imkanları var. Həmkarlarla və rəhbərliklə yaxşı münasibətləri qorumaq çox mühümdür.

Yaşam potensialı yüksək olmasa da, yeni təəssüratlar almağa, səyahətlərə və macəralara can atırsınız. Yaxınlarınız sizi dəstəkləyirlər.

Sevdiyiniz insanla münasibətlərdə sürprizlər olmayacaq.

Buğa - şəxsi həyatınızdakı uğursuzluq bu günə kölgə salacaq. Peşəkar sahədə heç bir problem yaranmayacaq. Amma maraqlı işlər də olmayacaq. Vəzifə səlahiyyətlərinizin öhdəsindən gəlirsiniz. Nə etməli ki, bu səlahiyyətlər və görülən iş maraqlı deyil.

Həmkarlarınız və rəhbərliklə ünsiyyətdən gərəkli məlumat əldə etməyə çalışın.

Sevdiyiniz insanla münaqişə heç bir ciddi səbəb olmadan yarana bilər. Əvvəlki günlərdən fərqli olaraq, indi qarşılıqlı anlaşma çətindir.

Dostlar və qohumlarla ünsiyyət üçün yaxşı gündür. Bir şərtlə ki, onlar sizə dəstək versinlər.

Əkizlər - karyera və işdə inkişafı düşünənlər üçün çox yaxşı gündür. Bu gün bilik və bacarıqlarını nümayiş etdirə bilərsiniz. Rəhbərlik, şəriklər və tərəfdaşlar bunu görməlidirlər. Təcrübəniz arta bilər.

Gəlirlər çox olmayacaq.

Alış-verişdə bədxərclik edənlər gözlənilməz çətinliklərlə qarşılaşa bilərlər.

Axşam saatlarında əla istirahət edin. Qonaq gedin, yaxud qonaq qəbul edin.

Xərçəng - sizi uğurlu gün gözləyir. Qarşınızda duran məsələlərdən heç biri mümkünsüz, heç bir sədd keçilməz deyil. Təkbaşına və tənha fəaliyyət göstərməməyə çalışın.

İşdə marağı olan adamları yardıma dəvət edin. İşinizin nəticəsinə görə ödəniş gecikərsə, qərar verməyə tələsməyin.

Layiq olduğunuzu alacaqsınız.

Şəxsi həyatda gözlənilməz heç nə olmayacaq. Sevimli insanlar münasibətlər təxminlənən məcrada inkişaf edir.

O insanla oynamamağa çalışmayın. İstədiyinizi desəniz, daha ciddi nəticə əldə edə bilərsiniz.

Şir - peşəkar baxımdan çox uğurlu gündür. Ezamiyyətə yollanan və ya sifarişi yerinə yetirmək üçün ofisdən çıxanları daha önəmli irəliləyişlər gözləyir.

İşdə vəzifənin və ya maaşın artmasını gözləyənlər bununla bağlı rəhbərliklə danışmalıdır. Bu gün çox nəsnələrə nail ola bilərsiniz.

Aktiv istirahət üçün o qədər də yaxşı gün deyil. Köhnə dostlar üçün darıxıbsınızsa, onlarla görüşün. Amma görüşün gecədən xeyli keçmişədək davam etməsinə imkan verməyin.

Əks təqdirdə sevdiyniz insan və ya ailə üzvləri ilə problemlər yarana bilər.

Qız - qarşınızda yeni imkanlar açılır. Düşünmədən onlardan yararlanın. Həmkarlarınız və rəhbərlik işgüzar keyfiyyətlərinizi yüksək dəyərləndirəcək.

Müstəqil işləmək fikrinə düşənlər xeyli faydalı məlumatlar əldə edilər.

Gəlir istisna deyil. Sevdiyiniz insanla münasibətləri möhkəmlətmək, laqeyd olmadığınız insanın etibarını qazanmaq olar. Lakin münaqişələr də istisna deyil.

Səbəb isə gələcəklə bağlı planlarınızdır. Əgər münasibətlərə önəm verirsinizsə, həmin planlara dəyişikliklər etməyə hazır olun.

Tərəzi - yalnız işdəki uğurlarına önəm verməyərək dostlar və tanışlarla görüşə də vaxt tapan insanlar üçün xoş təəssüratlar vəd edən yaxşı gündür.

İş həyatı və şəxsi yaşam sıx bağlanacaq. Potensial tərəfdaşlar və ya həmkarlarınızı əylənməyə yollandığınız yerdə görsəniz, təəccüblənməyin.

İşdə də sizi peşəkar fəaliyyətlə bağlı olmayan sürprizlər gözləyir.

Yaxşı münasibətlər üçün əlverişli zəmin yaranır.

Ailə üzvləri və sevdiyiniz insanın qayğıları ilə maraqlanın. Həmin adamlara yardım edə bilərsiniz.

Əqrəb - insanlarla dil taparaq uğur əldə etməyə, tanış olmayan situasiyaya dərhal alışmağa çalışın. Darıxdırıcı, rutin, maraqsız işlərlə özünüzü yükləməyin.

Yaradıcı münasibət və çevik davranış sərgiləyən insan olun. Orijinal fikirlər və problemlərin sürətli həlli ilə fərqlənin.

Səmimi olun, önəm verdiyiniz adamı aldatmayın. Yaxın ətrafınızdakı insanlar davranış və sözlərinizdəki nöqsanı tənqid edəndə, sinirlənməyin.

Deyingən olmayın, situasiyaya yumorla yanaşın, tənqidlərə iradlarla cavab verməyin. Əks təqdirdə qarşılıqlı tənqidlər və iradlar ümmanında bata bilərsiniz.

Oxatan - dostların yanında vaxt keçirmək imkanı var. Lakin görülməsi gərəkən işlərin hamısını başa vurmalı və tələsməli olacaqsınız.

İşdə peşə səlahiyyətlərinin icrası xüsusi qüvvə və güc tələb etməyəcək. Sadəcə, həmkarlarınızın və ya rəqiblərin nə işlə məşğul olduğuna diqqətlə fikir verin, yaxşı təcrübəni təkrarlayın.

Yeni tanışlıq və uzun müddətdən bəri görmədiyiniz insanla görüş istisna deyil.

Yüngül tanışlığa ciddi münasibətləri qurban verməyin.

Seçim edin, həyatınızda yeni mərhələnin başlanması üçün addım atmağın vaxtının çatdığını bilin.

Hər şey məhz sizin əlinizdədir.

Oğlaq - rahat, sakit, xoş bir gündür. Bəzi dəyişikliklər ola bilər, amma ciddi təlaşa və ya narahatlığa səbəb yoxdur. Qeyri-rəsmi lider, problemin həlli üçün başçı olmalısınız.

Yola düşmək, davranışı və özü şübhəli adamlarla ünsiyyət məcburiyyəti yarana bilər.

İstənilən halda sayıq, təmkinli və səbrli olsanız istədiyiniz nəticəyə nail ola bilərsiniz.

Şəxsi həyatda da narahatlıq üçün heç bir səbəb yoxdur. Bu sahədə heç bir ciddi yenilik gözlənilmir.

Dolça - qənaətli və soyuqqanlı olun, alış-verişdə pulu səpələyib sovurmayın. Bədxərclik və maliyyə imkanlarının düzgün dəyərləndirilməməsi çoxdan reallaşdırmaq istədiyiniz planı təxirə sala bilər. Ciddi təzyiqlərə, kənar təsirlərə, dedi-qodu və ya şayiələrin əhvalınızı pozmasına imkan verməyin

Günün pozitiv təmayülləri çox güclüdür. Uğura yiyələnmək üçün hissiyatınızı dinləyin.

Sevimli insanla münasibətlər səmimi və ilıq ola bilər.

Lakin elə həmin münasibətlər qəflətən gərginləşə də bilər. Hər şey davranış modelinizdən asılıdır.

Balıqlar - yaxşı gün deyil. Sönük, boz, darıxdırıcı bir dönəm. Yaxın ətrafınızdakı insanlarla çətinliklə dil tapırsınız.

Dəyərlərin yenidən qiymətləndirilməsi başlayır. Əvvəllər çox maraqlandığınız nəsnələrə marağınız itir.

Qüvvə və enerjinizin tətbiqi üçün yeni sahə tapın.

Seçilən yeni məcrada elə bu gün uğur qazana bilərsiniz.

Ailə üzvləri və yaxınlarla münasibətlər səbr, soyuqqanlı davranış, güzəştlərə hazırlıq tələb edir.

Sevdiyiniz insanların da nöqsanları, zəif yönlərinin olduğunu, xasiyyətlərindəki bəzi məqamların isə dözülməz olduğunu anlayın və bağışlayın, güzəştə gedin.

Ölkə.Az

ŞƏRH YAZ
0
BAĞLA