Təşkilatçılar səhvlərini aradan qaldırdı
Gürcüstanın Batumi şəhərində keçirilmiş şahmat milli komandaları arasında Avropa çempionatındakı səhv aradan qaldırılıb.
"Ölkə.Az" oxu.az-a istinadən xəbər verir ki, şəxsi lövhələrdə yer tutmuş üç şahmatçımızın medalları təşkilatçıların səhvi ucbatından verilməmişdi. Mükafatlandırma mərasimində təşkilatçılara tutulan iradlar gec də olsa, bəhrəsini verib.
Belə ki, gürcülər Monteneqronun Ultsin şəhərində yarışan şahmatçılarımıza medallarını göndərib. Beləliklə, Gülnar Məmmədovaya dördüncü lövhədəki çıxışına görə gümüş medal verilib. Günay Məmmədzadə birinci lövhəyə, Qədir Hüseynov üçüncü lövhəyə görə bürünc medal qazanıb.
Ölkə.Az
