Tətil cənnətində panika
Tətilin vazkeçilməz ünvanı sayılan Bali adasında panika baş verib.
"Ölkə.Az" xəbər verir ki, səhər saatlarında adada seysmik titrəyişlər meydana gəlib. Aktiv vulkanın hərəkətə keçməsi isə bölgənin təxliyyə edilməsinə səbəb olub. Minlərlə insan ərazidən uzaqlaşdırılıb.
Hadisə Balinin şərqindəki Aqunq dağında baş verib. Seysmik fəaliyyət nəticəsində vulkan da aktivləşib. Rəsmilər vulkan püskürəcəyindən ehtiyat edirlər.
Rəsmilər bildiriblər ki, kraterin 6 km yaxınlığına yaxınlaşmaq olmaz. 6 min insan təxliyyə edilib.
Qeyd edək ki, İndoneziyada 130 vulkan var. Aqunq dağı vulkanı 1963-1964-cü illərdə 1000 nəfərin ölümünə, yüzlərlə insanın yaralanmasına səbəb olmuşdu.
Hikmət Həsənov
Ölkə.Az
