Təxribata çəkilə bilərsiniz

Təxribata çəkilə bilərsiniz
01:30
10.04.2018
4362
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - Diqqətli, ayıq və sayıq olun. Yeni iş ritminə uyğunlaşmağınıza imkan verən təkanları təmin edən bütün dəyişikliklər və yeniliklərə sürətli reaksiya verin.

Əməkdaşlığı düzgün qurun, işi və yükü bölüşdürün. Dominant mövqe tutmağa can atmayaraq bərabər məsuliyyət və səlahiyyətlərlə kifayətlənməkdə fayda var.

Bəzi hadisələri qabaqlaya bilsəniz, hadisələrin axarına daha ciddi təsir rıçaqlarına yiyələnəcəksiniz. Məqsədə çatmağın yollarını arayın.

Şəxsi münasibətlərdə təşəbbüskar olun. Spontan olaraq yaxşı şanslar yarana bilər.

Təxribata çəkilə biləcəyiniz situasiyalarda çox diqqətli olun. Rəqib və ya bədxah sizdən hirsli qərar, düşünülməmiş addım gözləyir ki, işləri öz xeyrinə çevirsin.

Buğa - Praktiki işlərlə məşğul olun, yaşam arealını qaydaya salın. Uzun müddət rutin, yeknəsək iş görüləsi məkanda səbrli olun.

Yaşamınızda yaranan mövzuları müşahidə edin. Əvvəllər də hazır olmadığınız məsələni sizə yenidən təklif edə bilərlər. Təşəbbüs və təklif sarıdan korluq yoxdur. Di gəl, başqa şəxslərin də diqqət və dəstəyinə nail olmaq gərəkdir.

Yaxın günlər üçün böyük iş planlaşdırıbsınızsa, bütün gərəkli məlumatları dərhal toplayın, xəbər və informasiyaları əldə edin, yazışın, zəngləşin, sövdələşin.
Axşam saatlarında əylənə bilərsiniz.

Əkizlər - Hesablamalar, dəyərləndirmələr və emosional reaksiyalarda yanlışlığa yol verməyin. Səmimiliyiniz gözləntilərinizin əksinə olaraq, fərqli davranışa rəvac verəcək.

Alış-veriş, maliyyə əməliyyatlarını təxirə salın.

Ailədə maddi məsələ ilə bağlı dartışma yarana bilər.

Bu zaman hər kəs öz mövqeyində qalacaq. Pərişanlıq və təəssüfə yol verməmək üçün bu gün önəmli məsələnin müzakirəsinə başlamayın.

Yaşanan hadisələri diqqətlə izləyin. Situasiyanın necə dəyişdiyini, küləyin hansı istiqamətə "əsdiyini" anlamağa çalışın.

Sizi böyük iş gözləyir. Psixoloji və fiziki baxımdan hazır olun.
Axşam saatlarında yaxşı istirahət edin.

Xərçəng - Çoxdan bəri nigranlıqla gözlədiyiniz xəbəri alacaqsınız. Ödəniş, təklif və rəğbət təzahürü istisna deyil. Bu gün ifrat aktivlik nümayiş etdirməyin.

Sabah yeni qüvvə, yeni istəklərlə işə başlamaq üçün bu gün özünüzü həddən ziyadə yormayın.
Bəzi problemlər aktiv müdaxilə olmadan da çözüləcək.

Günün ikinci yarısı uğurlu dönəmdir.
Yaxın ətrafınızdakı insanlarla ünsiyyət zamanı qəlb sındırmayın.

Çətin məsələlərin dərhal həll olunması fikrindən vaz keçərək cari proseslərin yönləndirilməsi ilə məşğul olun.
Ailə üzvü və ya dostla birlikdə alış-verişə yollanmaq olar.

Şir - Yaxşı "dava" və ya müsabiqə, habelə qarşıdurma gözləntisindən qurtulun.

Pozitiv emosiyalar, həyata real baxış, perspektivlərin və yeni imkanların dəyərləndirilməsinə ehtiyac var. İntuisiyanız hadisələri qabaqlamasın.

Maraqlı həmsöhbətlərlə təmaslar yeni ideyalar yarada bilər.

Günün ikinci yarısında danışıqlar aparmaq olar. Nəzərdə tutduğunuz məbləğdən artıq pul xərcləməyin, vədlərə və reklama aldanmayın, tələskən davranmayın, hövsələsizlik etməyin.

Qarşınıza dəqiq məqsədlər qoysanız, hədəfə çata bilərsiniz.

Nəyəsə şübhə edirsinizsə, düşünülməmiş qərar qəbul etməyin.

Qız - Qəfil hadisələr və ya şərtlər bir zamanlar unutmağa çalışdığınız mövzunu sizə xatırladacaq insanla görüşə rəvac verə bilər.

Yaxın günlərdə sizi intensiv, xüsusi zəhmət tələb edən işlər gözləyir. İlkin hazırlıq, danışıqlar qaçılmazdır. Sizə yardım etmək istəyən adamlar az deyil.

Real dəstək almaq istəyirsinizsə, planlarınızdan qismən bəhs edin və niyyətinizi problemin yeganə doğru həll variantı saymayın.

Fəal olun, səylər göstərin, müxtəlif alternativləri dəyərləndirin. Belədə, yaxın günlərdəki işlərinizin özülü möhkəm olar.

Dəvət aldığınız tədbirə və ya məkana axşam saatlarında qatılın.

Hobbi və ya marağınız varsa, alış-verişdə arzuladığınız əşyanı ala bilərsiniz.

Tərəzi - Aldığınız xəbərə vəziyyətin tələb etdiyindən artıq emosional reaksiya göstərməyin. Adekvat davranın. Hisslər və həyəcanlar baş verənləri dəqiq dəyərləndirməyə mane olmamalıdır. İndiki dövrdə fəaliyyətinizi dürüst nizamlamağın xüsusi əhəmiyyəti var. Qərar və yeniliklərdə tələsməyin.

Münasibətlərdə "ayin"lərə riayət edin.

Tərəfdaşın gözləntisini ciddi şəkildə pozmayın, ümumi maraqları arayın. Narahatlığınıza səbəb olan məsələləri qabartmayın.

Sizi anlamaya və ya eşitməyə bilərlər.

Praktiki işlər, fiziki səylər, səfər, ailə tədbirləri üçün uğurlu gündür.

Hadisələrin axınında olun. Kimsəyə təzyiq göstərməyin, kimisə inandırmağa çalışmayın, öz işinizlə məşğul olun.

Əqrəb - Maraqlı, amma qarışıq gündür. Şərtlərin sıralanmasını uğursuz hesab etmək əvəzinə situasiyadan maksimum yararlanmağa çalışın.

Baş verən hadisələr, sadəcə, ötənlərdəki əməllərinizin əks-sədası və indiyə gəlib çatan mesajlardır. Tənbəl və ətalətli olmayın, sayıq davranın. İşləri nəzarətdə saxlayın, münasibətlərdə müdrik olun.

Tərəfdaş və ya şərikə təşəbbüslə çıxış etməyə imkan yaradın. Əlavə iş və tapşırıq həvalə etməyin, səhvləri xatırlatmayın.

Maliyyə məsələlərində tələskənliyə yol verməyin. Bir neçə gün gözləyə biləcək hadisələri tələsdirməyin.

Axşam saatlarında ailə üzvləri ilə səmimi və həssas davranın. Rahatlıq və stabilliyi hər şeydən üstün tutun. Amma problemlərin təcili, təxirəsalınmaz həllinin tələb olunduğu situasiyalarda gecikmələrə və ləngimələrə yol verməyin.

Oxatan - Əvvəllər yol verdiyiniz səhvləri təkrarlamayın. Məram və niyyətlərinizin miqyasını genişləndirin, sevdiyiniz insanları sevindirin. Vədlərinizi yerinə yetirin və görülməmiş işlər silsiləsini bitirin.

Alış-veriş üçün uğurlu gündür.

Ailə üzvləriniz və ya ev üçün nə isə almaq olar.

Maliyyə məsələləri və ya kreditin alınması ilə bağlı danışıqlar, sövdələşmələr aparmaq olar.

Şəxsi münasibətlərdə yaranan emosional problemləri həll etmək olar. Mövqeyinizi sonadək müdafiə edin, kiçik çətinlikdən sonra geri çəkilməyin.

Münaqişələr və qarşıdurmalardakı mənfiliklərdən yararlanmaq, uğursuzluğu uğura döndərmək olar.

Axşam saatlarında sizə maraqlı gələn, nəticəsinə sevinə biləcəyiniz işi seçin.

Oğlaq - Yarımçıq qalmış işləri başa vurun, borcları ödəyin, yaşam arealında nizam yaradın. Şəxsi məsələlərin həllinə vaxt ayırın.

Zahiri görkəminizi unutmayın.

Olayların sürət və intensivliyindən asılı olmayaraq soyuqqanlı davranın.

Yaxın ətrafınızdakı insanlardan biri və ya bir neçəsi ilə münasibətlər gərginləşə bilər. Emosiyaların əsarətinə düşməyin.

Yardım istəyən insana kömək edin. Bunun müqabilində təşəkkür və rəğbət qazana bilərsiniz.

Bilik və bacarığızını artıracaq, habelə fiziki hazırlıq səviyyəsini yüksəldə biləcək işlər görün.

Dolça - Yüz ölçüb-bir biçin və bu prinsipdən günün önəmli situasiyalarında yararlanın.

Yeni seçim variantlarının qəflətən yarandığı vəziyyətlərdə yalnız inanılmış, etibar etdiyiniz tərəfdaşlara güvənin. Ümumi işdə problemi həll etmək, daha yaxşı çözüm variantı tapmaq imkanları var.

Şəxsi münasibətlər sahəsində rəvan zaman deyil. Hədəfi konkretləşdirin və irəliləməyə başlayın. Müxtəlif insanlarla ünsiyyət imkanları var və suallarınızın bir qisminə cavab tapa bilərsiniz.

Gərəkli anlarda yaxşı reaksiya tələb olunur.

Fəqət təmkinli olun, seçimdə səhv etməyin.

Səhhətinizin qeydinə qalın, əsəblərinizi qaydaya salın, sakitləşin.

Balıqlar - Emosiyaları qaydaya salmaq üçün yaxşı gündür. Sevdiyiniz insanların qayğısına qalın, onlara qarşı həssas və səmimi olun.

Yaradıcılıq imkanlarınız yüksək səviyyədədir. Həmişəki kimi davranmaqdan çəkinərək fəaliyyət stilinizi dəyişdiyiniz, daha optimal və effektiv vasitə seçdiyiniz işlərdə uğur sizin olacaq.

Can atdığınız məqsədə çatmaqda sizə yararlı olacaq daha bir xüsusiyyət səxavətdir.

Daimi hərəkət və diqqət tələb edən bacarıq, bilikləri seçin. Axşam saatlarında sakit və rahat istirahəti seçin.

Yetərincə güc toplayandan sonra yaxın günlərdə daha effektiv davrana bilərsiniz.

Ölkə.Az

ŞƏRH YAZ
0

Dövlət qurumlarının bürokratik tələblərinə görə geri çəkilməyin...

Dövlət qurumlarının bürokratik tələblərinə görə geri çəkilməyin...
00:44
Bu gün
615
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - Enerjili, iradəli, qətiyyətli olun. Məqsədyönlü hərəkət və fəaliyyət üçün uğurlu zamandır. İmkanlarınızı və potensialınızı obyektiv dəyərləndirin.

Vədlərə aldanmayın, şirnikləndirici təkliflərə inanmayın.

Günün ikinci yarısında yaranacaq problemlərin optimal həll yollarını arayın. Bütün maneələri və sədləri dəf edə biləcəksiniz.

Əvvəlcədən planlaşdırdığınızdan da artıq işlər görə bilərsiniz. Fiziki işdə xeyir var. İdmanla məşğul olun.

Münasibətlərinizdə spontanlığa ehtiyac duyulur.

Buğa - Hissiyyatınıza inanın. İntuisiyanız əsasında hərəkət edə bilərsiniz.  Kənardan məsləhətlərə çox qulaq asmayın. Onların əksəriyyətinin reallıqla heç bir əlaqəsi yoxdur. Məntiqli və soyuqqanlı olun.

Günün ikinci yarısında ideyalarınızdan birini reallaşdırmağa başlayın. Vaxtınızı fövtə verməyin, mənasız işlərlə məşğul olmayın.

Yeni əməkdaşlığa başlamaq üçün əlverişli zamandır. Tərəfdaşlarla münasibətlərdə müəyyən nüansları konkretləşdirmək zamanıdır.
Axşam saatlarında bütün işləri unudaraq istirahət edin.

Əkizlər - Qarışıq, mürəkkəb gündür. Həllini tələb edən məsələlərin, problemlərin sayı sürətlə artacaq. Uzun müddətdən bəri çözülməmiş qalmış mübahisəli məsələnin nizamlanması ilə məşğul olun. Amma bununla belə, problemlərin miqyasını süni şəkildə böyütməyin.

Günün ikinci yarısında maneələrin aradan qaldırılmasında astagəllik etməyin. Dövlət qurumlarına baş çəkməyi təxirə salmayın. Başladığınız işləri yarımçıq qoymayın.

Dəyər verdiyiniz insanla münasibətləriniz sınağa çəkiləcək.

Axşam saatlarında gəzintiyə çıxın.

Xərçəng - Tərəfdaş və şəriklərlə münasibətləri təftiş etməyin zamanıdır. Yalnız özünü düşünən insanlardan uzaq durun.

Mənafelərinizi başqalarının maraqlarına qurban verməyin.

Zərurət yaranarsa, sərt davranın.

Günün ikinci yarısında yeni əlaqələr yaradın. Mövcud təmaslar arasında qeyri-effektiv olanları dayandırın. Ballastdan, irəliyə doğru hərəkətinizi əngəlləyən yükdən qurtulun.

Ünvanınıza sərt iradların və tənqidlərin səslənəcəyinə hazır olun. 

Axşam saatları romantik anlar vəd etmir. Hisslərin etirafına tələsməyin. 

Şir - Sayıq və ehtiyatlı olun. Yaranan çətinlikləri araşdırmamış həllə başlamayın. Yaşananların aydın mənzərəsinə nail olmaq üçün biliklərinizdən faydalanın. Obyektiv olun, hisslərə qapılmayın.

Günün ikinci yarısında hadisələrin mahiyyətini anlayın. Yeni tərəfdaş və ya dost qazana bilərsiniz. 

Dəyər verdiyiniz insanlarla təmaslarda eqoistlik etməyin.

Səmimiyyət bir çox problemləri aradan qaldıra bilər.

Axşam saatlarında ailəvi istirahəti seçin.

Qız - Qüvvənizə əmin olun, şübhələrə qapılmayın. Ən ağır işin öhdəsindən asanlıqla gələ bilərsiniz. Məqsədlərə çatmaq üçün effektiv fəaliyyətə ehtiyac duyulur. Maraqlı sifariş və ya tapşırıq olarsa, cari işləri unutmayın. Rutinlikdən qaçmaq mümkün deyil.

Günün ikinci yarısında çalışdığınız kollektivdə zəhmətkeş, səmimi insan olun. Mübahisələrə qatılmayın, əlavə münaqişələr yaratmayıvn.

Gündəlik qayğıların həllində qeyri-ordinar həllərdən yararlana bilərsiniz. 

Qarşı tərəfin ideyalarına və istəklərinə daha çox vaxt ayırın.

Tərəzi - Çevik, mütəhərrik olun. Praqmatizmi unutmayın, emosiyalara uymayın. Ciddi irəliləyişə nail olmaq istəyirsinizsə, zəhmət çəkməli, problemləri həll etməlisiniz. Qarşınıza qoyduğunuz məqsədə çatmaq üçün imkanlarınızdan maksimum yararlanın.

Günün ikinci yarısında həmkarlarınız sizdən yardım və ya məsləhət istəyəcəklər. Əla bələd olduğunuz sahədə ekspert kimi çıxış edə bilərsiniz. Nəzəriyyəyə aludə olsanız, sizi dinləməyəcəklər.

Spontan, aqressiv davranmayın.

Eqoist insan təsiri bağışlamayın.

Əqrəb - Cari işlərdə uğur əldə etmək imkanlarınız artır. Yeni layihəni və ya sifarişi uğurla reallaşdıra bilərsiniz. Qətiyyətli, iradəli olun. Mənasız söhbətlərə qatılmayın. Yaramaz insanlardan uzaq durun.

Günün ikinci yarısında rəqibləri üstələyin. Ümumiyyətlə, rəqabətdə bütün vasitələri məqbul sayan insanın dərsini vermək zamanı çatıb.

Mühüm xəbərin alınması, işgüzar məktubun gəlişi istisna deyil
Axşam saatlarında ünsiyyətdə anlaşılmazlıq və mübahisə yaranacaq.

Oxatan - İdarəetmə və iqtisadiyyat sahələrində biliklərinizi artırmalısınız. Yeni təcrübə əxz etməyə çalışın. Fəaliyyət sahəsindəki uğurlarınızı artırmaq istəyirsinizsə, soyuqqanlı olmalısınız. Sirlərinizi bölüşməyə tələsməyin. 

Günün ikinci yarısında situasiyaya uyğun hərəkət edin. Tələsik qərarlar verməyin. Yaxın ətrafınızdakı insanların abstrakt məsləhətlərinə qulaq asmayın. Konkret işlərin həlli ilə məşğul olun.

Sənədləşdirmədə diqqətli olun. Başa vurmadığınız işin bitdiyini sanmayın.

Sevdiyiniz insana axşam saatlarında hədiyyə verin.

Oğlaq - Birmənalı gün deyil. Çətinliklərin sayı artacaq. Bütün diqqəti işə yönəltmək gərəkdir. Dövlət qurumlarının bürokratik tələbləri sizi geri çəkilməyə vadar etməməlidir. İşdə nəzarət güclənəcək.

Günün ikinci yarısında sizdən az qala hər addım üçün hesabat tələb olunacaq. İşgüzar fəaliyyətlə şəxsi həyat arasında balans tapmaq gərəkdir. Axşam saatlarını dəyər verdiyiniz insana ayırın.

Pozitiv olun.

Dolça - İllüziyalara qapılmayın. Real işlərə üstünlük verin, xülyalardan qurtulun. Hadisələrə nəzarət etmək üçün zəruri rıçaqlara yiyələnməsəniz, olaylar əleyhinizə işləyəcək.

Yeni layihəyə başlayıbsınızsa, çətinliklər istisna deyil.

Günün ikinci yarısında kiçik maneələr və sədlər sizi usandırmamalıdır. Bədbinliyə qapılmayın. Nikbin olun.

Resurslarınıza yenidən nəzər salın, potensialınızı dəyərləndirin.

Şəxsi münasibətlərdə aktivliyi azaldın.

Yeni məlumatlar və informasiya əldə etməyə çalışın.

Balıqlar - Səhər saatlarından etibarən peşəkar fəaliyyətinizlə bağlı məsələləri həll etməyə çalışın. Xidməti səlahiyyətlər çərçivəsini aşmayın. Əlavə imkanlar aramayın. 

Günün ikinci yarısı sənədləşdirmə ilə bağlı işlər, hesabatların hazırlanması üçün əlverişlidir. Gərəkli məlumatları vaxtında əldə etmək üçün bütün vasitələrdən yararlanın. Qarşılıqlı əlaqələri gücləndirin. Həmkarlarla təmaslarda aktiv olun.

Dəyər verdiyiniz insanla ünsiyyətdə kreativlik nümayiş etdirin.

Ölkə.Az

ŞƏRH YAZ
0

Həmkarları Əlikramı efirdə İFŞA ETDİLƏR

Həmkarları Əlikramı efirdə İFŞA ETDİLƏR
23:59
20.10.2018
1623
Maraqlı
A
Müğənni-meyxanaçı Samirə Yusifqızı "Praym-şok" verilişində həmkarı Əlikram Bayramovu ifşa edib.

"Ölkə.Az"ın məlumatına görə, Salyandan olan gənc ifaçının oxuduğu və Əlikram Bayramovun müəllifi olduğu iddia edilən "Könül sevən göyçək olar" mahnısının məşhur türk mahnısı "Ayrılamam yar səndən"in plagiatı olduğu üzə çıxıb. Meyxanaçı Oqtay Kamil də gənc ifaçıya "Əlikram səni aldadıb" deyərək təsəlli verib. Tanınmış musiqiçi Rəhman Məmmədli isə Ə.Bayramov haqda bunları deyib:

"Əlikram özü üçün yazdığı mahnılarla toyxanaları partladır, başqaları üçün yazdıqları isə uğur qazana bilmir".
Qeyd edək ki, "Praym-şok" verilişinin aparıcısı əməkdar artist Çingiz Əhmədovdur.

İntiqam VALEHOĞLU
Ölkə.Az

ŞƏRH YAZ
0
BAĞLA