Təzyiqi salmağa yardım edən ən yaxşı 5 İÇKİ — Hər gün için!

Təzyiqi salmağa yardım edən ən yaxşı 5 İÇKİ
23:18
13.12.2019
1638
Maraqlı
A
Yüksək təzyiq orqanizmə ciddi ziyan vurur, infarkt, insult, ağır böyrək və göz xəstəliklərinin riskini artırır. Hipertoniya xəstəliyi olan insan arterial təzyiqinə daim nəzarət etməli və onu normada saxlamalıdır. Bu işdə xüsusi dərman preparatları, pəhriz, fizki aktivlik, ziyanlı vərdişlərdən imtina və stress vəziyyətlərindən mümkün qədər uzaq durmaq kömək edir. Bəzi içki və qidalar da təzyiqi normada saxlamağa kömək edə bilər.

"Ölkə.Az" saglamolun.az-a istinadən oxuculara təzyiqi salan faydalı içkiləri təqdim edir:

Məkkəgülü (karkade) çayı. Antosian maddələri ilə zəngin olan bu çay damarların vəziyyətini yaxşılaşdırır və təzyiqi salmağa yardım edir.

Nar şirəsi. Mütəxəssislər sübut edir ki, hər gün 150 ml nar şirəsini içən insanın təzyiqi tədricən aşağı düşür.

Tomat şirəsi (duzsuz).  Likopin maddəsinin sayəsində tomat şirəsi damarları möhkəmləndirir, damarlarda iltihabı və həmçinin trombların əmələ gəlməsinin riskini azaldır.

Yaşıl çay. Edinburq alimləri aşkar ediblər ki, 2 həftə ərzində hər gün 1-2 fincan yaşıl çay içən insanın təzyiqi aşağı düşür.

Çuğundur şirəsi. Çuğundur şirəsi damarların vəziyyətini yaxşılaşdırır və damarları genişləndirir. Mütəxəssislər hipertoniyadan əziyyət çəkənlərə hər gün yarıbayarı su ilə qarışdırılmış 1 stəkan çuğundur şirəsini içməyi tövsiyə edirlər.

ŞƏRH YAZ
0

Zaqatala sakinindən maraqlı ixtira — VİDEO

Zaqatala sakinindən maraqlı ixtira
00:03
Bu gün
851
Maraqlı
A
Zaqatala sakini evinin bütün enerji sistemini idarə etmək üçün xüsusi qurğu hazırlayıb.

"Ölkə.Az" oxu.az-a istinadən xəbər verir ki, 44 yaşlı Sahib Şahmalıyevin ərsəyə gətirdiyi kənardan idarə edilən kombi sistemi öz üstünlükləri ilə ağıllı ev sistemindən fərqlənir. 

Belə ki, bu sistem vasitəsi ilə, yalnız kombi və yaxud hansısa qaz cihazını deyil, evdə istifadə edilən bütün enerji sistemini yalnız internet şəbəkəsinə qoşulmuş smartfon telefonları ilə istənilən məsafədən idarə etmək mümkündür. 

S.Şahmalıyev bu sistemin hətta böyük müəssisə, zavod, fabrik və yaxud çoxmənzilli binaların qazanxanalarında da tətbiq etməyin mümkün olduğunu bildirir. Hələlik tətbiq etdiyi yenilikdə hər hansı bir qazanc məqsədi güdməyən mühəndis bu sistemin ona 300-400 manat civarında xərcə başa gəldiyini vurğulayır.

Elmin və texnikanın inkişaf etdiyi dövrdə bu cür sistemlərin geniş şəkildə tətbiqi insanların rahatlığı üçün məqsədə uyğundur.

ŞƏRH YAZ
0

Ötən il 200 milyarddan çox mobil tətbiq yüklənilib — REKORD

Ötən il 200 milyarddan çox mobil tətbiq yüklənilib
22:53
18.01.2020
772
Maraqlı
A
2019-cu ildə dünyada istifadəçilər 204 milyard mobil əlavə yükləməklə rekorda imza atıblar. Bu, 2018 və 2016-cı illərlə müqayisədə müvafiq olaraq 6 və 45 faiz çoxdur.

"Ölkə.Az" "ICTnews"a istinadən xəbər verir ki, ötən il istifadəçilər tərəfindən qlobal miqyasda mobil proqramların alışına, eləcə də onlar daxilində abunə və kontentə 120 milyard dollar sərf edilib.

Bu, 2016-cı ilin xərclərini iki dəfədən çox üstələyir. İnsanlar belə proqram və oyunlarda orta hesabla gündə 3 saat 40 dəqiqə keçiriblər ki, bu da 2017-ci ildən 35 faiz çoxdur.

Smartfon və planşet sahibləri arasında mobil oyunlara tələbat daha böyükdür. 2019-cu ildə istifadəçilərin bütün mobil əlavələr arasında xərclərinin 72 faizi (86 milyard dollar) oyunların payına düşüb. 2020-ci ildə bu rəqəm 100 milyard dolları ötə bilər. Ötən il istifadəçilər mobil oyunlara ümumilikdə bütün digər oyun növləri ilə müqayisədə 25 faiz daha çox pul xərcləyiblər.

2019-cu ildə mobil əlavələri ən çox Çin, Hindistan, ABŞ, Braziliya və İndoneziya sakinləri yükləyiblər.

Tədqiqatda, həmçinin qeyd olunur ki, müasir smartfonun ekranı televizoru tam əvəzləyib. Video və əyləncələrə baxmaq üçün istifadəçilər həmişə əl altında olan kiçik ekrana üstünlük verməyə başlayıblar. Bununla yanaşı, ötən il dünya istifadəçiləri əyləncəli mobil əlavələrdə iki il əvvəllə müqayisədə 1,5 dəfə çox vaxt keçiriblər.

Sosial şəbəkələr lider olaraq qalır: mobil əlavələrə sərf edilən vaxtın yarısı sosial şəbəkə və messencerlərin payına düşür. Bundan əlavə, istifadəçilər ünsiyyət üçün yeni əlavələr yükləməkdə davam edirlər: təkcə 2019-cu ildə 9,5 milyard ünsiyyət proqramı yüklənilib.

Ölkə.Az

ŞƏRH YAZ
0
BAĞLA