“The Daily” “Qarabağ”dan yazdı — “Ağdam sakinləri üçün ümid mayakı kimi parlayır”

“The Daily” “Qarabağ”dan yazdı
23:00
09.11.2017
1753
İdman
A
“Azərbaycanın “Qarabağ” futbol klubunun UEFA Çempionlar Liqasının qrup mərhələsinə çıxması özlüyündə böyük hadisə olsa da, əldə etdiyi nəticələrlə müqayisədə beşqat Azərbaycan çempionunun tarixi daha genişdi”.

Ölkə.Az Trend-ə istinadən xəbər verir ki, bu barədə ABŞ-ın Vaşinqton Universitetinin “The Daily” qəzetində dərc olunan məqalədə deyilir.

Müəllif Endi Yamasita 1993-cü ilin iyunundan Ağdamda doğma meydanında oynaya bilməyən Azərbaycan klubunun - dünyada azsaylı “qaçqın-klub”lardan birinin kədərli tarixindən bəhs edib.

Məqalədə bildirilir ki, 1951-ci ildə Ağdamda əsası qoyulan “Qarabağ” 1992-ci ildən müntəzəm olaraq Azərbaycan Premyer Liqasında çıxış edir.

Müəllif yazır ki, SSRİ-nin süquta uğramasından sonra Dağlıq Qarabağda erməni separatçıları və azərbaycanlılar arasında münaqişə baş qaldırdı və bu regionda gərginlik hələ də yüksəkdi.

E.Yamasita müharibə vaxtı Ağdam stadionunun bir neçə dəfə bombardmana məruz qaldığını da qeyd edib: "Ağdam 1993-cü il iyunun 23-də erməni separatçıları tərəfindən işğal olundu. Həmin il “Qarabağ” ilk dəfə Azərbaycan çempionu olub. Bu onların evlərini itirməsinə və şəhərlərinin dağıdılmasına görə kiçik "təzminat" idi. Ağdam hələ də “ruhlar şəhəri”di”.

Qeyd olunur ki, hazırda yarışdığı Çempionlar Liqasında qrupdan çıxma şansı az olsa da, “Qarabağ” Avropanın güclü komandaları ilə oynamaq gücündə olduğunu göstərdi:

“Doğma meydansız qalan bu komanda Ağdam sakinləri üçün ümid mayakı kimi parlayır. Onlar klubu sevimli şəhərlərinin son xatirəsi hesab edirlər”.

ŞƏRH YAZ
0

Məsut Özil Almaniya komandasından ayrıldı — “İrqçilik edirlər”

Məsut Özil Almaniya komandasından ayrıldı
23:32
22.07.2018
302
İdman
A
Türk əsilli Almaniya futboçusu Məsut Özil ölkənin milli futbol komandası ilə yollarını ayırıb.

“Ölkə.Az” Türkiyə mətbuatına istinadən xəbər verir ki, o, buna səbəb kimi özünə qarşı irqçi və hörmətsiz münasibətin olduğunu deyib.

Məsələ ilə bağlı açıqlama verən Özil bunları deyib: “Almaniya üçün etdiklərim unuduldu. Mənə qarşı olan münasibəti, türklüyümə sayqı göstərməmələri səbr kasamı dolduran son damla oldu. İrqçiliyi qəbul edə bilmərəm. Artıq Almaniya millisində oynamaq istəmirəm”.

Ölkə.Az

 

ŞƏRH YAZ
0

Azərbaycan cüdoçusu Praqada gümüş medal qazandı

Azərbaycan cüdoçusu Praqada gümüş medal qazandı
20:46
22.07.2018
520
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışına yekun vurulub.

"Ölkə.Az" Azərbaycan Cüdo Federasiyasına istinadən xəbər verir ki, mötəbər turnirin ikinci günündə millimiz aktivinə daha bir medal yazdırıb.

81 kq çəki dərəcəsində ölkəmizi təmsil edən Murad Fətiyev yalnız final qarşılaşmasında üstünlüyü əldən verərək Avropa Kubokunun gümüş medalına sahib olub.

Bununla da, cüdoçlarımız yarışı 2 qızıl, 3 gümüş və 4 bürünc medalla başa vuraraq ümumi medal sayında ikinci olublar.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunub.

Ölkə.Az

ŞƏRH YAZ
0
BAĞLA