The Land of Legends-də Qriqori Lepsdən on min nəfərlik konsert — FOTOLAR

The Land of Legends-də Qriqori Lepsdən on min nəfərlik konsert
10:44
16.07.2017
41
Maqazin
A
İl boyu bir sıra məşhurlara ev sahibliyi edən Antalya Bələkdə yerləşən The Land of Legends bu şənbə isə məşhur rus müğənnisi Qriqori Lepsi qonaq edib.

Ölkə.Az xəbər verir ki, tanınmış güclü bariton Qriqori Lepsin konsertinə həm tətillərini Antalyada dəyərləndirən Ukrayna və Rusiyadan gələn turistlər, həm də Türkiyədən gələn türklər və antalyalılar böyük maraq göstərdilər. Konsertdən əvvəl hər axşam izləyicilərə açıq olan dünyaca məşhur Franco Dragone imzalı ilk musiqili atəşfəşanlıq böyük maraq topladı. Möhtəşəm gecədə on min nəfər insan iştirak edirdi.

Alış -veriş və əyləncənin əfsanəvi ünvanı The Land of Legends də konsert proqramları İnna, DJ Burak Yetər, Serebro kimi bir çox məşhur yerli və xarici sənətkarlar ilə davam edəcək.

ŞƏRH YAZ
0

"Oğlum razılıq versə, ikinci dəfə ailə qura bilərəm" — Əməkdar artist

16:00
Bu gün
1921
Maqazin
A
"Oğlumu düşünərək ailə qurmamışam. Ancaq bəlkə də nə vaxtsa bu baş verər və mən ikinci dəfə ailə həyatı qura bilərəm"

Bu fikirləri "Ölkə.Az"a açıqlamasında Bakı Bələdiyyə Teatrının tanınmış aktrisası, əməkdar artist Hüsniyyə Mürvətova şəxsi həyatı barədə sualı cavablandırarkən səsləndirib.

Aktrisa qeyd edib ki, oğlunun 17 yaşı var və şəxsi həyatı övladının istəyinə bağlıdır:

"İndi oğlum pisi yaxşıdan ayırmağı bacarır. Əgər o ailə qurmağımı istəməsə, heç zaman onun fikrinə qarşı çıxmaram. Çünki heç nə övladımdan artıq deyil".

Qeyd edək ki, Hüsniyyə Mürvətovayla geniş müsahibəni sabah saytımıza oxuya bilərsiniz. Aktrisa müsahibədə sənət yeniliklərindən və şəxsi həyatından geniş söz açıb. 

İntiqam VALEHOĞLU
Ölkə.Az

ŞƏRH YAZ
0

Gülüstan Əliyeva qastrola çıxır

Gülüstan Əliyeva qastrola çıxır
15:00
Bu gün
1243
Maqazin
A
Əməkdar artist Gülüstan Əliyeva Azərbaycan Xalq Cümhuriyyətinin 100 illiyi münasibətilə bölgələrimizdə konsert proqramıyla çıxış edəcək.

Bu barədə "Ölkə.Az"a müğənninin özü məlumat verib. Onun sözlərinə görə, "Ey vətən" adlanan layihə çərçivəsində Quba, Gəncə və Xaçmazda solo konsert verəcək:

"Qubada, Gəncədə və Xaçmazda bir neçə konsertim olacaq. Həmçinin bir neçə regionda açıq hava konsertləri verəcəm".

Qeyd edək ki, G.Əliyeva eyni zamanda Dövlət Opera və Balet Teatrının solistidir.

İntiqam VALEHOĞLU
Ölkə.Az

ŞƏRH YAZ
0
BAĞLA