Tibb Universitetinin tələbələrinə ŞAD XƏBƏR

Tibb Universitetinin tələbələrinə ŞAD XƏBƏR
12:35
22.05.2018
1378
Ölkə
A
Azərbaycan Tibb Universitetinin (ATU) yuxarı kurs tələbələri bundan sonra universitetin klinikalarında və bir sıra müalicə müəssisələrində orta tibb təhsili işçi vəzifələrində işləyə biləcəklər.

ATU-dan "Ölkə.Az"a verilən məlumata görə, bu haqda Universitetin rektoru Gəray Gəraybəylinin Səhiyyə Nazirliyinə müraciətinə cavab məktubunda bildirilib. 

Məktubda qeyd olunub ki, “Əhalinin sağlamlığının qorunması haqqında” qanununun 46-cı maddəsinə əsasən, ali tibb və əczaçılıq təhsilini başa vurmamış şəxslər müvafiq icra hakimiyyətinin müəyyənləşdirdiyi qaydada orta tibb təhsilli işçi vəzifəsində tibbi və əczaçılıq fəaliyyəti ilə məşğul ola bilərlər. Beləliklə Səhiyyə Nazirliyi ATU tələbələrinin bu vəzifələrdə işləməsinə icazə verib.

Bununla bağlı müalicə profilaktika fakültəsinin tələbələri 3-cü kursu bitirdikdən sonra stomatologiya, ictimai səhiyyə və əczaçılıq fakültəsinin tələbələri isə 4-cü kursu bitirdikdən sonra ATU-nun klinikalarında və universitetin bazası olan müalicə müəssisələrində müvafiq orta tibb təhsilli işçi vəzifələrində (diplomaqədər) işə qəbul oluna bilərlər. 

ŞƏRH YAZ
0

“Cocuq Mərcanlı əhalisinin kəndə qayıdışı bütün məcburi köçkünlərin ümidini artırıb” — Rövşən Rzayev

“Cocuq Mərcanlı əhalisinin kəndə qayıdışı bütün məcburi köçkünlərin ümidini artırıb”
17:53
Bu gün
184
Ölkə
A
"Cocuq Mərcanlı əhalisinin kəndə qayıdışı bütün məcburi köçkünlərin öz torpaqlarına qayıdacağına ümidi artırıb".

"Ölkə.Az" "Report"a istinadən xəbər verir ki, bunu Qaçqınların və Məcburi Köçkünlərin İşləri üzrə Dövlət Komitəsinin ("Qaçqınkom") sədri Rövşən Rzayev Ümumdünya Qaçqınlar günü ilə bağlı tədbirdə deyib.

O bildirib ki, Azərbaycanda məskunlaşmış məcburi köçkünlərin təhsil və məşğulluğu hökumətin daim diqqət mərkəzindədir: "Məcburi köçkünlərin sosial vəziyyətinin yaxşılaşdırılması istiqamətində həyata keçirilən işlər bundan sonra da davam etdiriləcək".

R.Rzayev qeyd edib ki, BMT Təhlükəsizlik Şurasının qətnamələri icra olunmalıdır: "İnanıram ki, biz haqlı səsimizi dünyaya çatdırmaqla Azərbaycanın ərazi bütövlüyünü bərpa edəcəyik".

ŞƏRH YAZ
0

İnsan və heyvan dərmanları eyni aptekdə satılır — Kürdəmirdə əhali təhlükədə

İnsan və heyvan dərmanları eyni aptekdə satılır
17:39
Bu gün
366
Ölkə
A
Kürdəmir rayonunun Sığırlı kəndində insanlar üçün nəzərdə tutulmuş dərmanlar heyvan dərmanları ilə birlikdə satılır.

"Ölkə.Az" 7news.az-a istinadən xəbər verir ki, xüsusi soyuducuları və saxlanma yerləri olmayan, birgə satışı qadağan olunan, lisenziyasız və orta təhsilli satıcı ilə fəaliyyət göstərən bu obyektə kimlərin göz yumduğu sual doğurur. Ağac və güllərin mühafizəsi, habelə əkin sahəsi üçün nəzərdə tutulan yüksəktəsirli dərmanların da burada satışı acı gülüş doğurur. 

Dəfələrlə kənd camaatı aptekin qurbanına çevrilməkdən son anda qurtulublar. Belə ki, yalnış və ya vaxtı keçmiş dərmanları aldanaraq alan sadə kəndlilər məsələni sonradan başa düşüblər. Bəzilərinin isə ev heyvanları tələf olub. Onlar dəfələrlə Kənd Təsərrüfatı, Səhiyyə, İqtisadiyyat nazirliklərinə şikayət etsələr də məsələni gəlib araşdıran olmayıb. Günahkar öz cəzasını çəkmək əvəzinə, Kürdəmir rayonunun mərkəzində də əlavə olaraq bu cür aptek açıb. 
Kənd camaatı alternativ aptekin açılması üçün dəfələrlə müraciət etsə də, müvafiq qurumlar heç bir reaksiya verməmiş, sözügedən aptekin sahibi Sakit Məmmədova yaşıl işıq yandırıblar. Görünür S.Məmmədov onlarla "səmərəli” əməkdaşlıq qura bilib. 

S.Məmmədovun üzərinə dərmanlara görə şikayətə gedənlər isə dəfələrlə rayon polisinin təzyiqi ilə susdurulublar. 

Sığırlı kəndinin sakinləri bu məsələdə onlara kömək edilməsi üçün redaksiyamıza müraciət edərək, şikayətlərinin Azərbaycan Respublikasının Birinci Vitse-Prezidenti Mehriban xanım Əliyevaya, Prezidentin ərazi-təşkilat məsələləri üzrə köməkçisi Zeynal Nağdəliyevə, kənd təsərrüfatı naziri İnam Kərimova, iqtisadiyyat naziri Şahin Mustafayevə və səhiyyə naziri Oqtay Şirəliyevə çatdırılmasını xahiş edirlər. 
Mövzunu davam etdirəcəyik.
 

ŞƏRH YAZ
0
BAĞLA