Tıxacdan bezən İlon Mask tunel qazdı
“Tesla” və “SpaceX” şirkətlərinin sahibi İlon Mask “The Boring Company” şirkəti ilə Los-Ancelesin altında qazdığı ilk tunelin tikintisini başa çatdırıb.
“Ölkə.Az” xəbər verir ki, artıq avtomobillər qırmızı işıqda da hərəkət edə biləcəklər.
Maskın “The Boring Company” şirkəti uzun müddətdir ki, şəhərlərin altını qazmaq üçün şəhər rəhbərliklərindən icazə almağa çalışırdı. İlk layihə üçün icazə alan şirkət 2016-cı ilin dekabr ayında Los-Ancelsdə fəaliyyətə başlayıb. Mask İnstaqram səhifəsində ilk tunel tikintisinin başa çatdığını elan edib.
Layihəyə əsasən avtomobillər işıqforun qırmızı işığına ilişəndə xüsusi lift vasitəsilə tunelə endiriləcək və tuneldəki dəmir yolu xətti vasitəsilə 200 km/saat sürətlə hərəkət edəcəklər. Beləcə, tıxac problemi həll ediləcək və sürücülər yerin altında sürətlə hərəkət edəcəklər.
Hikmət Həsənov
Ölkə.Az
