Tomas Operman Dağlıq Qarabağ münaqişəsindən danışdı

Tomas Operman Dağlıq Qarabağ münaqişəsindən danışdı
12:34
12.06.2019
619
Siyasət
A
“Almaniya və Azərbaycan arasında uzun tarixə malik əməkdaşlıq mövcuddur. Azərbaycan bir çox alman ailələri üçün sığınacaq olub. Zamanında aclıq və səfalət onları ölkələrini tərk etməyə məcbur etmişdi”.

“Ölkə.Az xəbər verir ki, bunu Almaniya Bundestaqının vitse-prezidenti Tomas Operman Bakıda Milli Məclisin və ATƏT Parlament Assambleyasının (PA) təşkilatçılığı ilə keçirilən "Regional təhlükəsizlik və əməkdaşlıq üzrə Parlament Konfransı" və "Dialoq və Əməkdaşlıq üzrə Bakı Parlament Platforması"nın təsis konfransında bildirib.

Onun sözlərinə görə, Bakıda alman mühacirlərinin izləri var: “Bu gün  Azərbaycanın müxtəlif bölgələrində Göygöldə, Şəmkirdə alman kilsələri mövcuddur”. 

Almaniyalı parlamentari əlavə edib ki, Sovet İttifaqı dövründə Azərbaycan və Almaniya arasında əlaqələr zəifləyib:

“Alman qəsəbələri ləğv edildi, 45000 alman Sibirə sürgün edildi. Sovet İttifaqı dağılandan sonra Azərbaycan Almaniyanın 5-ci neft təchizatçısına çevrilib. Alman dili ingilis və rus dillərindən sonra Azərbaycanda vacib dildir”.

Tomas Operman Dağlıq Qarabağ münaqişəsinə də toxunub:

"Dağlıq Qarabağda on illərdir, münaqişə davam edir və bundan əsas zərər çəkən insanlardır. Almaniya Azərbaycan və Ermənistan üçün etibarlı tərəfdaş olaraq qalacaq. Almaniyanın hər iki tərəfin etibar etdiyi vasitəçi kimi iştirak etmək şansı var. Ümid edirik ki, münaqişə sülh yolu ilə öz həllinə tapacaq".

T. Operman həmçinin Azərbaycan-Aİ arasında yeni saziş üzrə danışıqları alqışladığını bildirib və əlavə edib ki, danışıqlar bir qədər ləng getsə də, tərəflər doğru yoldadır.

 Mürtəza
Ölkə.Az

 

ŞƏRH YAZ
0

Prezident onları təltif etdi — SİYAHI

Prezident onları təltif etdi
18:45
Bu gün
243
Siyasət
A
Prezident İlham Əliyev Azərbaycan Respublikası Xüsusi Dövlət Mühafizə Xidmətinin hərbi qulluqçularının və mülki işçilərinin təltif edilməsi haqqında sərəncam imzalayıb.

Sərəncamda qeyd edilir ki, xidməti vəzifələrini yerinə yetirərkən fərqləndiklərinə görə Xüsusi Dövlət Mühafizə Xidmətinin aşağıdakı hərbi qulluqçuları və mülki işçiləri təltif edilsinlər: 

3-cü dərəcəli “Vətənə xidmətə görə” ordeni ilə 

Atakişiyev Kamil Atakişi oğlu – polkovnik 

Zeynalov Elşən Əsgər oğlu – polkovnik 

“Vətən uğrunda” medalı ilə 

Əliyev Elçin Qədir oğlu – polkovnik 

Babayev Həsənalı Balaca oğlu – polkovnik-leytenant 

Hüseynov Ağabala Mirzəbala oğlu – polkovnik-leytenant 

Muradov Namiq Adil oğlu – polkovnik-leytenant 

İbrahimov Oruc Adil oğlu – mayor 

“İgidliyə görə” medalı ilə 

Abbasov Ədalət Hekayət oğlu – polkovnik 

İbrahimov Mircəlal Cəfərağa oğlu – polkovnik 

Mayılov Ağamiri Səfi oğlu – polkovnik 

Cəfərov Sənan Aslan oğlu – polkovnik-leytenant 

Əliyev Mürsəl Sadıq oğlu – polkovnik-leytenant 

Eynalov Əfqan Telman oğlu – mayor 

Mirzəyev Rəşad Gülağa oğlu – mayor 

“Tərəqqi” medalı ilə 

Rzayev Rasim Rahib oğlu 

“Hərbi xidmətlərə görə” medalı ilə 

Həsənov Rövşən Adil oğlu – polkovnik 

Novruzov Vasif Usub oğlu – polkovnik 

Rzayev Fikrət Əşrəf oğlu – polkovnik 

Süleymanov Bəhlul Eyvaz oğlu – polkovnik 

Cəfərov Qabil Kərim oğlu – polkovnik-leytenant 

Təhməzov İrafət Ağasəf oğlu – polkovnik-leytenant 

Bayramov Mübariz Aslan oğlu – tibb xidməti mayoru 

Eminov Elşən Ərəstun oğlu – mayor 

Eminov Vüqar Çingiz oğlu – mayor 

Əhmədov Ramin İbrahim oğlu – mayor 

Nəbiyev Tural Bəhman oğlu – mayor 

Nəsirov Tamerlan Tariel oğlu – mayor 

Behbudov Rəhim Əli oğlu – kapitan 

Əhmədov Sərdar Eldar oğlu – kapitan 

İsmayıl-zadə Elnur Tariyel oğlu – kapitan 

Tatlıyev Orxan Ramiz oğlu – kapitan 

Ələsgərov Rövşən Aydın oğlu – baş leytenant 

Abıyev Vüqar İldar oğlu – gizir 

Babayev Nemət Həbib oğlu – gizir 

Xələfov Anar Səhhət oğlu – gizir 

Hüseyinov Elçin Allahpayı oğlu – baş çavuş 

Xudiyev Şamo Şakir oğlu – baş çavuş 

Novruzbəyov Rasim Həsən-bala oğlu – baş çavuş 

Zərbəliyev Cavanşir Ramiz oğlu – baş çavuş. 

Bundan başqa Prezident İlham Əliyev Bəhlul Əliyevə general-mayor ali hərbi rütbəsinin verilməsi haqqında da sərəncam imzalayıb.

Sərəncamda qeyd edilir ki, Bəhlul Lətif oğlu Əliyevə general-mayor ali hərbi rütbəsi verilsin. 

Həmçinin Prezident İlham Əliyev Sabir Nağıyevə general-leytenant ali hərbi rütbəsinin verilməsi haqqında da sərəncam imzalayıb.

Sərəncamda qeyd edilir ki, Sabir Nağı oğlu Nağıyevə general-leytenant ali hərbi rütbəsi verilsin. 

ŞƏRH YAZ
0

Vilayət Eyvazov Avstriyanın ölkəmizdəki səfirini qəbul etdi

Vilayət Eyvazov Avstriyanın ölkəmizdəki səfirini qəbul etdi
18:39
Bu gün
274
Siyasət
A
Avqustun 21-də Azərbaycan Respublikasının Daxili İşlər naziri, general-polkovnik Vilayət Eyvazov Avstriyanın ölkəmizdəki fövqəladə və səlahiyyətli səfiri Bernd Aleksander Bayerlini qəbul edib.

Daxili İşlər Nazirliyindən verilən xəbərə görə, qonaqları salamlayan nazir Azərbaycanla Avstriya arasında əlaqələrin gündən-günə inkişaf etdiyini məmnunluqla diqqətə çatdırıb, iki ölkənin Daxili İşlər nazirlikləri arasında sıx işgüzar əlaqələrin də mövcudluğunu, bu əməkdaşlığın beynəlxalq hüquqi sənədlər əsasında həyata keçirildiyini bildirib. Avropa ölkələrinin polis təşkilatları arasında Avstriya DİN-in ölkəmizin anoloji qurumu ilə ikitərəfli əlaqələr quran ilk orqan olduğunu xatırladan nazir polis təlimi və ixtisasartırma sahəsində iki mühüm sənədin imzalandığını, qarşılıqlı səfərlərin əməkdaşlığın daha da dərinləşməsinə təkan verdiyini xüsusi qeyd edib.

Daxili işlər naziri Vyana şəhər polisindən olan nümayəndələrin Bakıda keçirilmiş “Avrovizyon” mahnı müsabiqəsi, I Avropa Oyunları ərəfəsində Azərbaycana səfər etmələrindən, genişmiqyaslı tədbirlər zamanı ictimai təhlükəsizliyin təmini sahəsində öz təcrübələrini bölüşmələrindən məmnunluğunu bildirib.

O, problemlərdən danışarkən toxunularkən transmilli mütəşəkkil cinayətkarlığın əsas növlərindən olan beynəlxalq terrorçuluq, narkotiklərin qanunsuz dövriyyəsi, insan alveri və qanunsuz miqrasiyanın diqqət mərkəzində dayandığını və belə qlobal xarakterli təhlükəli hallarla effektiv mübarizədə səylərin birləşdirilməsinin zəruriliyini vurğulayıb. 

Səfir Bernd Aleksander Bayerl səmimi qəbula və məlumatlara görə minnətdarlığını bildirib, hüquq-mühafizə fəaliyyəti sahəsində təcrübə və məlumat mübadiləsinin əhəmiyyətini, transmilli mütəşəkkil cinayətkarlıqla mübarizədə Azərbaycanın hüquq mühafizə orqanları, o cümlədən Daxili İşlər Nazirliyi ilə əməkdaşlıqda maraqlı olduqlarını qeyd edib. 

Ölkələrimiz arasında iqtisadi, siyasi və digər sahələrdə münasibətlərin günü-gündən inkişaf etdiyini vurğulayan diplomat fəaliyyəti dövründə müvafiq dövlət qurumları, o cümlədən iki dost dövlətin Daxili İşlər nazirlikləri arasındakı əlaqələrin daha da genişlənməsinə öz töhfəsini verəcəyini diqqətə çatdırıb.

Səmimi və işgüzarlıq şəraitində keçən görüş zamanı qarşılıqlı maraq doğuran bir sıra digər məsələlər də müzakirə olunub.

Ölkə.Az

ŞƏRH YAZ
0
BAĞLA