Torpaq altında tabutdan canlı yayım
Moşe Küçükkaya son dövrlər Stokholm yaxınlığındakı Södertelje bələdiyyəsində fenomenə çevrilib.
"Ölkə.Az" xəbər verir ki, Moşe 2.5 ton torpaq altında, tabut içində iki gün qalaraq mobil telefon vasitəsilə "Facebook" sosial şəbəkəsində canlı yayımladığı layihəsini tamamlayıb.
Moşe daha əvvəlcə bir ay küçələrdə evsiz adamlar kimi yaşayıb yardıma ehtiyacı olan şəxslər üçün pul toplamışdı. Son layihəsi ilə klostrofobik problemini həll etməyə çalışıb və toplanan vəsait ilə Söderteljedə tənha yaşayan yaşlılar üçün gecə keçirmək istəyib.
Dünən tabutdan çıxarılan Küçükkaya iki gün oyaq qalaraq sadəcə su içib. O, növbəti dəfə tabuta girəndə ölmüş olmağı üstün tutduğunu bildirib.
Hikmət Həsənov
Ölkə.Az
