Torpaqların qaytarılması məsələsində Ermənistanın XİN və Müdafiə nazirliyi arasında
Ermənistan ordu baş qərargah rəisi Movses Akopyan XİN rəhbəri Edvard Nalbandyanın bəyanatını şərh edib.
"Ölkə.Az" xəbər verir ki, erməni diplomat Nalbandyan rəsmi Bakı ilə qondarma Qarabağ respublikasının təhlükəsizliyini təhdid etməyən ərazilərin qaytarılmasını müzakirə etdiklərini qeyd edib. Erməni hərbçi isə bildirib ki, istənilən ərazinin qaytarılması qondarma respublikanı təhlükə altında qoya bilər.
Akopyan deyib: "Artsaxın heç bir ərazisi Azərbaycana qaytarıla bilməz. Çünki Qarabağın təhlükəsizliyi üçün bütün rayonlar vacibdir (söhbət işğal edilmiş rayonlardan gedir-red.)".
Erməni generalın sərsəm fikirləri bununla bitməyib. O, qeyd edib ki, Qarabağın müdafiəsini möhkəmləndirmək üçün əlavə ərazilərə ehtiyac var.
Hikmət Həsənov
Ölkə.Az