Tovuz sakini 22 yaşlı həmyerlisini bıçaqladı
Tovuz rayonunda həmyerlisini bıçaqlamaqda şübhəli bilinən şəxs tutulub.
"Ölkə.Az" xəbər verir ki, rayonun Hunanlar kənd sakini, 1997-ci il təvəllüdlü İsmayıl Məmmədov mübahisə zəminində həmkəndlisi tərəfindən bıçaqlanıb.
Döş qəfəsindən bıçaq xəsarəti alan yaralı xəstəxanaya çatdırılıb.
Tovuz Rayon Polis Şöbəsinin əməkdaşları tərəfindən keçirilən əməliyyat zamanı cinayəti törətməkdə şübhəli bilinən 34 yaşlı Məhərrəm Tağıyev saxlanılıb.
Faktla bağlı Cinayət Məcəlləsinin müvafiq maddəsi ilə cinayət işi açılıb, araşdırma aparılır.
Natiq Allahverdiyev
Ölkə.Az
