Tovuzda avtomobil ağaca çırpılıb
Tovuz şəhərində 2 nəfərin yaralanması ilə nəticələnən yol qəzası baş verib.
“Ölkə.Az” “Report”a istinadən xəbər verir ki, "VAZ-2107" markalı avtomobil idarəetmədən çıxaraq yol kənarındakı ağaca çırpılıb.
Nəticədə 1985-ci il təvəllüdlü sürücü Ruslan İbrahimov və 1976-cı il təvəllüdlü sərnişin Əvəz Sadıqov müxtəlif bədən xəsarətləri alıb. Hər iki yaralı xəstəxanaya yerləşdirilib. Onların vəziyyətinin orta-ağır olduğu bildirilir.
Faktla bağlı araşdırma aparılır.
Ölkə.Az
