Tovuzda güclü külək ağacı aşırıb
Güclü külək nəticəsində bu gün saat 16:15 radələrində Bakı-Gürcüstan dəmir yolunun Tovuz rayon ərazisindən keçən hissəsində ağac aşaraq hər iki yolu bağlayıb.
"Ölkə.Az" “Azərbaycan Dəmir Yolları” QSC-yə istinadən xəbər verir ki, nəticədə qatarların hərəkəti dayanıb. Saat 17:10-da yolun biri açılıb.
Hazırda ikinci yolda təmizlənmə işləri aparılır, yaxın saatlarda həmin yol da açılacaq.
