Tovuzda maşın ağaca çırpıldı, sürücü yaralandı

Tovuzda maşın ağaca çırpıldı, sürücü yaralandı
00:14
15.11.2017
1267
Hadisə
A
Tovuzda yol qəzası baş verib.

Ölkə.Az-ın Trend-ə istinadən məlumatına görə, hadisə rayonun “Semzavod” qəsəbəsi ərazisində baş verib.

Rayon sakini, 1974-cü il təvəllüdlü Hüseynov Oruc Sabir oğlu “VAZ” markalı avtomobili idarə edərkən idarəetməni itirib. Nəticədə avtomobil yolun kənarındakı ağaca çırpılıb.

Hadisə nəticəsində sürücü müxtəlif bədən xəsarətləri ilə Tovuz rayon Mərkəzi Xəstəxanasına yerləşdirilib.

Faktla bağlı araşdırma aparılır.

ŞƏRH YAZ
0

"Akula axtarırdım" — Nabranda itkin düşmüş uşaq

20:14
Bu gün
77
Hadisə
A
Xaçmaz rayonunun Nabran qəsəbəsindəki istirahət mərkəzində naməlum şəraitdə itkin düşmüş azyaşlı tapılıb.

"Ölkə.Az" APA-ya istinadən xəbər verir ki, 3 yaşlı İsmayıl Novruzov istirahət mərkəzlərindən birinin ərazisində çayın kənarında cəngəllikdən aşkarlanıb.

Uşaq tapılandan sonra yaxınlıqda olan tibb məntəqəsinə aparılıb. Tibbi müayinə zamanı onun hər hansı probleminin olmadığı məlum olub. Bundan sonra azyaşlı valideynlərinə təhvil verilib.

3 yaşlı İsmayılın ilk sözləri bu olub: "Yaxşıyam. Akula axtarırdım. Babamgil üçün darıxmışdım".

Uşağı ərazidən tapan şəxslər azyaşlının həmin an əynində paltar olmadığını deyiblər: "Biz axtarışa çıxdıq. Marağa dedik gedib baxaq. Uşağı çağırırdım. Bir dəfə cavab verdi. Aşağı düşə bilmədik. Aşağı düşüb kolların arasından keçib çayı keçdik. Qabaqda çayı keçdik o biri tərəfə. Çayda qışqırdıq, cavab vermədi. 30 dəqiqədən sonra Edik deyilən şəxs qışqırdı. Çayın içində qaçıb, gedib gördüm ki, uşaq onu qucağındadır. O dedi uşaq çayın içi ilə yuxarı çıxırdı. Bu mümkün deyil. Biz güclə çıxırdıq. Vəziyyəti yaxşı idi. Burdan yol yox idi ora keçməyə. "Mayak" tərəfə qayıdanda gördük uşağın səsi gəlir. Edikin qucağında idi, əynində heç nə yox idi. O çay belə axır, uşağın əks istiqamətdə getməsi mümkün deyil".

Xaçmaz Rayon İcra Hakimiyyətinin, hüquq-mühafizə orqanlarının rəhbərləri də ərazidə olublar. Faktla bağlı araşdırmalar aparılır.

Fövqəladə Hallar Nazirliyinin mətbuat xidməti də 2015-ci il təvəllüdlü Novruzov İsmayıl Elçin oğlunun tapılması barədə məlumat yayıb.  Məlumatda bildirilir ki, uşaq axtarışların aparıldığı ərazidə sağ-salamat tapılaraq aidiyyəti üzrə təhvil verilib.

Qeyd edək ki, naməlum şəraitdə itkin düşmüş 2015-ci il təvəllüdlü Novruzov İsmayıl Elçin oğlunun axtarışlarına Fövqəladə Hallar Nazirliyinin Aviasiya dəstəsinin "Mi-17" helikopteri də cəlb olunmuşdu. Axtarışlar yaxınlıqdakı meşə ərazisində və dənizdə FHN-in Şimal Regional Mərkəzinin, Mülki Müdafiə Qoşunlarının, Kiçikhəcmli Gəmilərə Nəzarət və Sularda Xilasetmə Dövlət Xidmətinin, Xüsusi Riskli Xilasetmə Xidmətinin şəxsi heyəti və xüsusi təlim keçmiş itləri tərəfindən aparılıb. Dövlət Sərhəd Xidmətinin kinoloqları və xüsusi təlim keçmiş itləri, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları və könüllülər də axtarışlarda iştirak ediblər.

Ölkə.Az

ŞƏRH YAZ
0

Bərdədə avtobus minik avtomobili ilə toqquşdu — Ölən var

Bərdədə avtobus minik avtomobili ilə toqquşdu
14:10
Bu gün
767
Hadisə
A
Bərdədə ölümlə nəticələnən yol nəqliyyat hadisəsi baş verib.

"Ölkə.Az"ın APA-ya istinadən verdiyi xəbərinə görə, hadisə rayonun Alaçadırlı kəndində baş verib. Kənd sakini,  1946-ci il təvəllüdlü Heydərov Maarif Fərəc oğlunun idarə etdiyi  “VAZ” 2107 markalı, 09 BH 987 dövlət nömrə nişanlı avtomobil qarşıdan gələn “Mercedes” markalı  sərnişin avtobusu ilə toqquşub. Zərbənin təsirindən "VAZ" markalı avtomobil yol kənarındakı elektrik xəttinin beton dirəyinə çırpılıb. Avtomobilin sürücüsü M.Heydərov hadisə yerində ölüb.

Faktla bağlı araşdırma aparılır.

ŞƏRH YAZ
0
BAĞLA