KORONAVİRUSA YOLUXANLARIN SAYI - CANLI STATİSTİKA

Tovuzda quyuya düşən körpəni belə xilas etdilər — VİDEO

Tovuzda quyuya düşən körpəni belə xilas etdilər
12:50
22.09.2019
4548
Hadisə
A
Tovuzda dörd metr dərinliyində quyuya düşən iki yaşlı qız uşağı xilas edilib.

“Ölkə.Az” oxu.az-a istinadən xəbər verir ki, hadisə rayonun Aşağı Öysüzlü kəndində qeydə alınıb.

İki yaşlı Ayan Qasımova nəzarətsiz qalaraq sanitar qovşağının quyusuna düşüb.

Dərhal əraziyə Fövqəladə Hallar Nazirliyinin Yanğından Müfafizə Hissəsinin Tovuz Rayon şöbəsinin Xilasetmə Qrupunun əməkdaşları cəlb edilib.

Yarım saatlıq əməliyyatdan sonra azyaşlı quyudan çıxarılıb. Bu müddətdə quyuda qalan uşaq xəsarət almasa da, ona yerindəcə tibbi yardım göstərilib.

Daha sonra qızcığaz ailəsinə təhvil verilib.

Ölkə.Az

ŞƏRH YAZ
0

Azərbaycanda yanacaqdoldurma məntəqəsində partlayış — Yaralılar var - YENİLƏNİB

Azərbaycanda yanacaqdoldurma məntəqəsində partlayış
13:40
Bu gün
642
Hadisə
A
Gəncə şəhəri, Kəpəz rayonu, Müseyib Bağırov küçəsində yerləşən “LUKOİL” yanacaqdoldurma məntəqəsində baş verən yanğın zamanı iki nəfər yaralanıb.

"Ölkə.Az" xəbər verir ki, bunu oxu.az-a açıqlamasında Tibbi Ərazi Bölmələrini İdarəetmə Birliyinin (TƏBİB) mətbuat xidmətinin rəhbəri Rəvanə Əliyeva bildirib.

O qeyd edib ki, yaralılardan birinə ambulator yardım göstərilib, evə buraxılıb, digəri isə xəstəxanadadır.

***

Gəncə şəhəri, Kəpəz rayonu, Müseyib Bağırov küçəsində yerləşən “LUKOİL” yanacaqdoldurma məntəqəsində yanğın olub.

Bununla bağlı Fövqəladə Hallar Nazirliyi məlumat yayıb.

Bildirilib ki, nazirliyin Dövlət Yanğından Mühafizə Xidmətinin yanğından mühafizə bölmələri və Gəncə Regional Mərkəzinin müvafiq xilasetmə qüvvələri hadisə yerinə cəlb olunub, aidiyyəti dövlət qurumları məlumatlandırılıb.

Həyata keçirilən təcili və təxirəsalınmaz tədbirlər nəticəsində qısa zamanda yanğının yayılmasının qarşısı alınıb, yanğın saat 12:25-də söndürülüb.

***

Gəncə şəhərinin Dədə Qorqud küçəsində yerləşən “Lukoil” yanacaqdoldurma məntəqəsində partlayış olub.

"Ölkə.Az" oxu.az-a istinadən xəbər verir ki, hadisə yerinə yanğınsöndürən maşın və təcili tibbi yardım briqadası gəlib.

Hadisənin təfərrüatı araşdırılır.

ŞƏRH YAZ
0

Cəlilabadda narkotik aludəçisi bıçaqlandı

Cəlilabadda narkotik aludəçisi bıçaqlandı
05:08
Bu gün
1156
Hadisə
A
Cəlilabad rayonunda bıçaqlanma hadisəsi baş verib.

"Ölkə.Az" report-a istinadən xəbər verir ki, hadisə Cəlilabad şəhərinin mərkəzi küçələrinin birində qeydə alınıb.

İlkin məlumata görə, naməlum şəxs və ya şəxslər tərəfindən rayon sakini, 1966-ci il təvəllüdlü Atayev Vidadi Xeyrulla oğlu qarın boşluğundan bıçaqlanıb.

Xəstəxanaya yerləşdirilən yaralıya müvafiq tibbi yardım göstərilib. Hal-hazırda vəziyyəti ağırdır.

Məlumata görə, X. Atayev narkotik aludəçisidir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA