KORONAVİRUSA YOLUXANLARIN SAYI - CANLI STATİSTİKA

Toy və yas mərasimlərinə bu tarixdən icazə verilə bilər — BAŞ İNFEKSİONİSTDƏN AÇIQLAMA

Toy və yas mərasimlərinə bu tarixdən icazə verilə bilər
13:04
03.06.2020
83534
Ölkə
A
Yaxın zamanlarda yenidən təmtəraqlı toy mərasimlərinin keçirilməsini görmək istəyiriksə, o zaman pandemiya ilə bağlı tətbiq edilən qaydalara və tövsiyyələrə ciddi əməl etməliyik.

 Bunu “Ölkə.Az”a açıqlamasında respublikanın baş infeksionisti Cəlal İsayev deyib.

Onun sözlərinə görə, bu gün insanlarımız koronavirus infeksiyasını ilə bağlı tətbiq edilən qaydalara və tövsiyyələri pozaraq, ciddi əməl etmirlər.

“Biz ictimai yerlərdə, avtobus, metrolarda, ticarət obyektlərində xeyli insanın maskasız gəzdiyinin  şahidi oluruq. Əgər qaydalara və tövsiyyələrə əməl etməyəcəyiksə, o zaman toy və yas mərasimlərində kütləviliyin təmin edilməsi istiqamətində yumşalmanın yaxın gələcəkdə şahidi ola bilməyəcəyik. Bu fikirlər rayonlararası gediş-gəlişlərə, yay istirahət mərkəzlərində istirahərlərlə bağlı məsələlərə də aiddir. Bu, biz insanlardan asılıdır”- baş infeksionist  qeyd edib.
 O əlavə edib ki, dövlət öz üzərinə düşən vəzifəni yerinə yetirir, maliyyə vəsaiti ayırır, hətta modul tipli müasir xəstəxanalar tikir, lazımi tibbi avadanlıq və ləvazimatları alır və sair: “Qalır insanlarımızn qayda və tövsiyyələrə əməl etməsi. Əgər əməl etsək, qısa zamanda  epidemiya  aradan qalxar”.
 
Son günlərdə epidemiyaya yoluxma hallarının artmasına gəldikdə baş infeksionist bildirib ki, qaydalara əməl etməsək, epidemiyaya yoluxanların sayı artacaq:

“Epidemiyanın Azərbaycanda iyunun ortalarında pik həddə çatması ilə bağlı səslənən fikirlər də həqiqətə uyğundur. Bu epidemiyanın xarakterindən asılıdır.  Koronavirus epidemiyasına yoluxanların sayı arta da bilər, azala da…Bunun səbəbi isə insanların qaydalara əməl etməsindən asılıdır. Çünki insanlarımızın hələ də bir qismi  COVİD-19 epidemiyasının olmasına inanmır. Bunlar arasında hətta həkimlər də var. Bir faktı deyim, koronavirus epidemiyasının olmasına inanmayan həkim yoldaşlarımızdan biri bu günlərdə müraciət edib ki, nə edək?! Mən isə cavabımda bildirdim ki, bəs epidemiyanın olmasına inanmırdınız? Hələ də insanlarımızda tərəddüdlər var, xəstəliyin olmasını qəbul etmək istəmirlər. Axı, dünyada COVİD-19-a yoluxanlaırn sayı 6 milyonu keçib, 400 min civarında insan dünyasını dəyişib. Bu xəstəliyi yüngül keçirən də var, ağır keçirib, dünyasını dəyişən də… Odur ki, epidemiyanın xarakteri barədə konkret fikir bildirmək olmur. Çünki epidemiyanın  xüsusiyyətləri və patologiyası öyrənilməyib. Ümid edirik ki, havaların istiləşməsi ilə epidemiyaya yoluxma azalacaq. Hesab edirəm ki, havaların istiləşməsi, üstəgəl qaydalara ciddi əməl etməklə, bu bəladan qurtula bilərik. Yoxsa payıza yaxın havalar soyumağa başlayanda  yenidən sürətlənə bilər”.

Mürtəza
Ölkə.Az

ŞƏRH YAZ
2

"Ölkə.Az" - 6 il

08:54
Bu gün
321
Ölkə
A
Bu gün “Ölkə.Az” portalının fəaliyyətə başlamasının 6 ili tamam olur.

Xəbər portalı 2014-cü il 15 iyul tarixində fəaliyyətə başlayıb və qısa müddətdə geniş oxucu auditoriyası toplayıb.

24 saat fəaliyyət göstərən saytda Azərbaycan dilində gündəlik 100-ə yaxın məqalə dərc edilir.
Məqalələr bütün sahələri əhatə edir.

“Ölkə.Az” portalı bütün yaş qruplarına müraciət edir. Portalda sosial, siyasi, analitik məqalələrlə yanaşı, mədəniyyət və şou-biznes aləmindəki yeniliklər, dünya xəbərləri, sağlamlıq, kosmos və astronomiya dünyasına aid yeni nəaliyyətlər, Azərbaycan və dünya tarixinin gizlin sirləri, ölkədə baş verən son yeniliklərə aid xəbərlər geniş auditoriyaya təqdim edilir.

ŞƏRH YAZ
0

Sabirabadda qonşusunu güllələyən şəxs saxlanıldı

Sabirabadda qonşusunu güllələyən şəxs saxlanıldı
06:50
Bu gün
2869
Ölkə
A
Sabirabadda xuliqanlıq edən şəxs tutulub.

Bu barədə "Ölkə.Az"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, iyulun 13-ü Sabirabad rayonunun Əhmədabad kəndi ərazisində kənd sakini Q.İsgəndərov xuliqanlıq zəminində qonşusu N.Səftərovun baş nahiyəsinə daşla xəsarət yetirib və ov tüfəngindən açdığı atəşlə ayaq nahiyəsindən xəsarət yetirib.

Xəstəxanaya yerləşdirilən N.Səftərovun vəziyyəti qənaətbəxşdir.

Sabirabad Rayon Polis Şöbəsi əməkdaşlarının keçirdikləri əməliyyat tədbirləri nəticəsində Q.İsgəndərov saxlanılıb və ondan müvafiq sənədləri olmayan 1 ədəd “TOZ-16” markalı tüfəng götürülüb.

Ölkə.Az

 

ŞƏRH YAZ
0
BAĞLA