Toya gedən bəy xilas edilib
Bakıda bəy toy günü faciəvi şəkildə dünyasını dəyidiyi haqda xəbər yayılmışdı.
Ölkə.Az xəbər verir ki, AzVision.az saytının yaydığı xəbərdə "20 Yanvar" metrostansiyasının yaxınlığında yerləşən hündürmərtəbəli yaşayış binalarından birində liftin qırıldığı və hadisə nəticəsində nişanlısını şadlıq evinə aparmaq üçün gələn bəyin dünyasını dəyişdiyi qeyd edilib.
***
Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Bakı şəhəri, Nəsimi rayonunda 11 nəfərin liftdə köməksiz vəziyyətdə qalması barədə məlumat daxil olub.
Ölkə.Az-ın FHN-in saytına istinadən verdiyi xəbərə görə, dərhal nazirliyin Xüsusi Riskli Xilasetmə Xidmətinin xilasediciləri hadisə yerinə cəlb olunaraq liftin qapısını açıb və vətəndaşların çıxmasına şərait yaradıblar. Əməliyyat saat 19:24-də başa çatıb.
