Toya gedən gəlin yolda atışmanın qurbanı oldu — Əfqanıstanda

Toya gedən gəlin yolda atışmanın qurbanı oldu
23:15
17.07.2017
16
Dünya
A
Əfqanıstanın paytaxtı Kabildə toy karvanı və hökumət rəsmisinin mühafizəçiləri arasında baş verən atışma zamanı gəlin ölüb.

Gəlin və bəyi toya müşayiət edən insanlar göyə atəş açıblar. 

Onların nüfuzlu siyasətçi Məhəmməd Mohakikin evinin yanından keçən zaman sonuncunun mühafizəçiləri cavab atəşi açıblar. 

Polisin məlumatına əsasən, insident zamanı gəlin ölüb, daha dörd nəfər isə yaralanıb.

Araşdırmadan sonra toy karvanında olan iki nəfər və iki mühafizəçi həbs edilib. Qızın kim tərəfindən güllələndiyi hələlik məlum deyil.  (oxu.az)

Ölkə.Az

ŞƏRH YAZ
0

Rusiya səfirliyi minaatanlardan atəşə tutulub — Dəməşqdə

Rusiya səfirliyi minaatanlardan atəşə tutulub
21:01
Bu gün
132
Dünya
A
Rusiyanın Suriyadakı səfirliyi atəşə tutulub.

“Ölkə.Az” xəbər verir ki, bu barədə Rusiya Xarici İşlər Nazirliyi məlumat yayıb. Verilən məlumata görə, terrorçular tərəfindən atılan mərmi Rusiya səfirliyinə düşüb.

“Noyabrın 20-də, saat 10:35-də Suriyanın paytaxtı Dəməşq şəhərinin terrorçular tərəfindən minaatanlardan atəşə tutulması nəticəsində mərmilərdən biri Rusiya səfirliyinin ərazisinə, yaşayış kompleksinin yaxınlığına düşüb. 122 mm-lik mina binanın divarını, elektrik xətti və su təchizatı sistemini zədələyib”, - deyə məlumatda bildirilib.

Qeyd edək ki, hücum Rusiyanın Suriya ilə bağlı yeni danışıqlara hazırlaşdığı dövrdə baş verib.

Ziya Səccad
Ölkə.Az

ŞƏRH YAZ
0

Rus nazirindən “telefon terroru” ilə bağlı — UNİKAL AÇIQLAMA

Rus nazirindən “telefon terroru” ilə bağlı
20:12
Bu gün
259
Dünya
A
Rusiyanın paytaxtı Moskva şəhərində terror xofu hələ də yaşanmaqda davam edir.

“Ölkə.Az” xəbər verir ki, bu səbəbdən də, Moskvada “telefon terroru” ilə mübarizə aparmaq üçün tədbirlər görülür. Bu barədə Rusiyanın rabitə və kütləvi kommunikasiyalar naziri Nikolay Nikiforov bildirib. Nzirin sözlərinə görə, ilk öncə paytaxta xarici ölkələrdən edilən zənglər dərhal xüsusi siqnal vasitəsilə qeydə alınır. 

“Biz müəyyən etmişik ki, ölkəyə terrorla bağlı edilən zənglərin əksəriyyəti xarici ölkələrdən daxil olur. İndi daxil olan zənglərin İP kodu yoxlanılır. Xaricdən gələn zənglər dərhal qeydə alınır. Həmin zənglər terror xəbərdarlığı barədə olarsa, bu xüsusi nəzarətə götürülür”, - deyə nazir bildirib.

Nikolay Nikiforov vurğulayıb ki, bu tədbirlər “telefon terroru”nu tam aradan qaldırmasa da, müəyyən mənada həyəcanı azaldacaq.

Qeyd edək ki, sentyabrın 11-dən başlayaraq Moskva şəhərində hər gün terror olacağı barədə xəbərlər verilir. Anonim xəbərlərdə yalandan partlayıcı maddələrin qoyulması bildirilir. İndiyə qədər 186 dəfə belə zəng daxil olub. Bununla da 600 minə yaxın insan evakuasiya edilib. Ümumilikdə 1000 obyektdə yoxlama işləri aparılıb. Moskva rəhbərliyindən bildirilib ki, bu günə qədər yalançı terror xəbərlərinə görə, ümumilikdə 300 milyon rubl zərər dəyib. Bundan başqa, minlərlə insan mənəvi və psixoloji sarsıntı keçirib.

Araşdırmalar zamanı məlum olub ki, daxil olan zənglərin əksəriyyəti xarici ölkələrdən edilib. Əsasən Ukrayna, Amerika, Türkiyə və s. ölkələrdən bu tipli zənglər daxil olub.

Ziya Səccad
Ölkə.Az

ŞƏRH YAZ
0
BAĞLA