Məktəb direktoru toyda döyülübmüş — Özü danışdı

Məktəb direktoru toyda döyülübmüş
20:28
15.05.2018
1072
Hadisə
A
Şamaxı rayonunun Çöl Bağırlı kəndində keçirilən toy mərasimində qonaqlar arasında dava düşüb.

"Ölkə.Az"ın APA-ya istinadən xəbərinə görə, kənd sakini İntiqam Azayev həmyerlisi Müşfiq Mirzəyevi yıxaraq ona müxtəlif bədən xəsarətləri yetirib. Alın, sinə və kürək nahiyyəsindən xəsarətlər alan Müşfiq Mirzəyev Şamaxı rayon Mərkəzi Xəstəxanasının travmatologiya şöbəsinə yerləşdirilib. Ağsu rayonu Ləngəbiz kənd orta məktəbinin direktoru olan Müşfiq Mirzəyev bildirib ki, bu gün bəzi saytların hadisəni çox şişirdərək onun barəsində yalan məlumat yazıblar.

“Hadisə Ağsuda işlədiyim məktəbdə baş verməyib. Məni müəllim döyməyib. Ötən gecə kəndimizdəki toy mərasimində İntiqam Azayevin qəflətən hücumuna məruz qalmışam. Mən onun qardaşı ilə söhbət edirdim. Dava olmayıb. Sərxoş olan İntiqam naməlum səbəbdən gəlib məni vurdu. Mən stolların arasına yıxıldım, xəsarət aldım. Məsələni polis əməkdaşları araşdırır. Hazırda vəziyyətim yaxşıdır. Sabah məktəbdə işləməyə başlayacam”.

Faktla bağlı Şamaxı rayon Polis Şöbəsi tərəfindən araşdırma aparılır. 

Ölkə.Az

ŞƏRH YAZ
1

Ramanada maşın qaz borusuna çırpıldı — Ölən var

Ramanada maşın qaz borusuna çırpıldı
21:44
Bu gün
211
Hadisə
A
Sabunçu rayonunun Ramana qəsəbəsi ərazisində yol-nəqliyyat hadisəsi baş verib.

DİN-dən "Ölkə.Az"a verilən məlumata görə, oktyabrın 17-də saat 3 radələrində Sabunçu rayonunun Ramana qəsəbəsi ərazisində qəsəbə sakini Tehran Məmmədov idarə etdiyi “Mercedes” markalı avtomobili yolun kənarındakı qaz borusuna vurub və nəticədə o, hadisə yerində ölüb.

Ölkə.Az

ŞƏRH YAZ
0

Abşeronda şirkət avtomobili 7 yaşlı uşağı vurub qaçdı

Abşeronda şirkət avtomobili 7 yaşlı uşağı vurub qaçdı
20:44
Bu gün
457
Hadisə
A
Abşeron rayonunda şirkət əməkdaşı azyaşlını avtomobillə vurub qaçıb.

"Ölkə.Az"ın Trend-ə istinadən məlumatına görə, hadisə Xırdalan qəsəbəsində baş verib.

Xırdalan şəhər sakini Salayev Aslan Ədalət oğlu "Carlsberg-Azerbaijan" şirkətinə məxsus idarə etdiyi "Seat İbiza" markalı avtomobillə 2011-ci il təvəllüdlü Məmmədzadə Əlixan Zaur oğlunu vurub.

Avtomobil azyaşlının ayağının üstündən keçib və sürücü hadisə yerindən qaçıb.

Xəsarət alan azyaşlı xəstəxanaya yerləşdirilib.

Faktla bağlı Abşeron rayon Polis İdarəsində Cinayət Məcəlləsinin 263.1-ci (Yol hərəkəti və nəqliyyat vasitələrinin istismarı qaydalarını pozma) və 264-cü (Yol nəqliyyatı hadisəsi yerindən qaçma) maddələri ilə cinayət işi başlanıb.

Ölkə.Az

ŞƏRH YAZ
0
BAĞLA