Toyda ofisiant müştərini bıçaqladı
Bakıda məşhur şadlıq evində qan düşüb.
“Ölkə.Az” xəbər verir ki, hadisə Əhmədli qəsəbəsində yerləşən "Təbrik" şadlıq sarayında baş verib. Belə ki, restoranda ofisiant işləyən Elşən Coşqun oğlu Seyidzadə müştəri Rəcəb Baba oğlu Muradovu bıçaqlayıb.
R. Muradov dərhal xəstəxanaya çatdırılıb, onun həyatını xilas etmək mümkün olub. Hadisəni törədən E. Seyidzadə isə polis tərəfindən saxlanılıb. Faktla bağlı Xətai RPİ-nin İstintaq Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb.
Natiq Allahverdiyev
Ölkə.Az
