Tramp: “ABŞ İrana heç vaxt imkan verməyəcək!”

“Ölkə.Az” xəbər verir ki, Tramp çıxışı zamanı bildirib ki, İran dünya üçün böyük təhlükə mənbəyidir. Onun sözlərinə görə, İranın hazırkı hökuməti təkcə İsrailin deyil, bütün dünya ölkələrinin təhlükəsizliyi üçün təhdiddir.

“İran nüvə silahı istehsal etmək istəməsilə bütün dünya ölkələri üçün təhlükəli siyasət yürütməyini sübut etdi. Əgər İran hökumətinin qarşısı vaxtında alınmazsa, bu dünyada böyük təhlükələrə səbəb ola bilər”, - deyə Tramp bildirib.

Amerika rəhbəri çıxışında əlavə edib ki, İranın nüvə silahı əldə etmək arzusu ürəyində qalacaq. Trampın sözlərinə görə. Amerika İrana heç vaxt bu istəyə nail olmağa imkan verməyəcək.

“Bir həmişə demişik və indi də deyirik ki, İran çirkin niyyətlərini həyata keçirə bilməyəcək. İranın nüvə silahına malik olmayacağını indi burada bəyan edirik. ABŞ İranın nüvə silahlı əldə etməməsi, terrorçuları və silahlılar dəstəkləməyi dayandırması mövqeyinə qəti şəkildə sadiqdir” – deyə Tramp bildirib.

Qeyd edək ki, 2015-c il iyulun 15-də İranın atom-nüvə probleminin tənzimlənməsinə dair “altılıq” (ABŞ, Almaniya, Böyük Britaniya, Fransa, Rusiya və Çin) dövlətləri ilə İran arasında Əhatəli Razılıq sənədi imzlanıb. ABŞ və İsrail prezidentləri bu razılaşmanı pisləyiblər.

Ziya Səccad
Ölkə.Az