Tramp çoxdan gözlənilən qərarını verəcək — İranla nüvə müqaviləsi ləğv ediləcəkmi?

Tramp çoxdan gözlənilən qərarını verəcək
01:30
13.10.2017
382
Dünya
A
ABŞ prezidenti Donald Tramp Vaşinqtonun İranla bağlı strategiyasına dair nitq söyləyəcək.

“Ölkə.Az” xəbər verir ki, çıxış bu gün baş tutacaq. Bu barədə Ağ Evin rəsmi nümayəndəsi Sara Sanders bildirib. Onun sözlərinə görə, məhz bu çıxışında Tramp İranla bağlanmış nüvə sazişinə dair qərarını bildirəcək.   
 
“Prezident cümə günü saat 12.45-də (Bakı vaxtı ilə 20.45-də) strategiya ilə bağlı nitq söyləyəcək”, - deyə S.Sanders bildirib.
 
S.Sanders deyib ki, ətraflı məlumatlar sonradan veriləcək.

Qeyd edək ki, bir neçə gün bundan əvvəl "Washington Post" qəzeti Trampın bu barədə qərarından yazmışdı. Bildirilirdi ki, ABŞ prezidenti Donald Tramp İranla imzalanan nüvə müqaviləsini 12 oktyabr tarixində ləğv etməyə hazırlaşır. Yazılanlara görə, vəzifəyə başladığı gündən İranla imzalanan nüvə müqaviləsini tənqid edən Tramp yeni həmləyə hazırlaşır. Donald Tramp Barak Obama tərəfindən imzalanan nüvə müqaviləsini ləğv etməyə hazırlaşır. Xəbərə əsasən, Tramp 12 oktyabr tarixində Orta Şərq haqqında çıxış edəcək və İrana aid planını elan edəcək.

Xatırladaq ki, Amerika ilə Rusiyanın münasibətlərinin kəskinləşməsindən sonra İranla müqavilə bağlanılıb. Bu zaman Rusiyanı çökdürmək üçün bütün dövlətlərə imkan verildi ki, neft və qazdan rahat şəkildə istifadə etsinlər. Ona görə də, bu müqavilə ilə İran təbii sərvətlərini dünya bazarına çıxara bildi. Bununla İran üçün böyük imkanlar yaradıldı.

Ziya Səccad
Ölkə.Az

ŞƏRH YAZ
0

Putin yenə hədələdi: “Hücuma hücumla cavab verəcəm”

Putin yenə hədələdi: “Hücuma hücumla cavab verəcəm”
20:00
Bu gün
531
Dünya
A
Rusiya prezidenti Vladimir Putin ABŞ prezidenti Donald Tramp ilə Helsinkidəki görüşdən sonra açıqlamalar verib.

“Ölkə.Az” xəbər verir ki, Putin Rusiyaya qarşı hər hansı bir hücuma eyni cavabı verəcəyini bildirib.

Putin bildirib ki, ABŞ-da olan Tramp əleyhdarları Rusiya-ABŞ münasibətlərinə mane olur, bəzi qüvvələr öz siyasi maraqları uğruna Rusiya-ABŞ münasibətlərini qurban verməyə hazırdır.

Rusiya lideri bildirib ki, ABŞ ilə münasibətlər müsbət yöndə irəliləyir və gələcəkdə necə olacağı görünəcək.

Hikmət Həsənov
Ölkə.Az

ŞƏRH YAZ
0

ABŞ metrosunda qadın qəflətən soyunmağa başladı — VİDEO

ABŞ metrosunda qadın qəflətən soyunmağa başladı
19:32
Bu gün
792
Dünya
A
ABŞ-da metro ilə gedən qadın soyunmağa başlayıb.

 “Ölkə.Az” xəbər verir ki, hadisə Nyu-York şəhərində baş verib.Sərnişin qadın paltarlarını çıxarıb və yarıçılpaq formada qapıya söykənib. Onun bu hərəkəti digər sərnişinləri çaş-baş salıb.

Paltarlarını çıxaran qadına sərnişinlər etiraz ediblər. Özünü rahat hiss edən qadın qarşı tərəfdəki pəncərədə çılpaq bədəninə baxıb və necə göründüyünü yoxlayıb.

 

Hikmət Həsənov
Ölkə.Az

ŞƏRH YAZ
0
BAĞLA