“Tramp dünya və ABŞ üçün böyük təhlükədir”

Politoloq Elxan Şahinoğlu “Ölkə.Az”a açıqlamasında bildirib ki, Trampın belə çıxışları dünyanı uçuruma apara bilər. Onun sözlərinə görə, belə fikirlər beynəlxalq aləmdə əlavə problemlər yarada bilər. 

“Şimali Koreyanın da nüvə silahları var. Amerika ora hücum etsə, Şimali Koreya raketlərini Yaponiya və Cənubi Koreyaya yönəldəcək. Bu da 100 minlərlə insanın fəlakətlə üzləşməsi deməkdir. Bu da çox risqlidir. Tramp ağzına gələni danışsa da, onun çox ağıllı müşavirləri var. Onu təhlükəli addım atmaqdan çəkindərəcəklər”, - deyə politoloq bildirib.

E.Şahinoğlu deyir ki, ümumiyyətlə prezidentliyi dövründə Trampın siyasətdə uğuru yoxdur:

“İstər Suriya istiqamətində, istər terrorla mübarizədə, istərsə Şimali Koreya ilə münasibətlərdə heç bir nəticə əldə olunmayıb. Bir ara Tramp hərbi gəmiləri dəniz istiqamətinə göndərdi. Guya Şimali Koreya liderini qorxudacaqdı. Bu da əks effekt verdi. Növbəti dəfə raket sınaqlarını həyata keçirtdilər və həmin silahı Yaponiyanın üzərindən uçdu. İndi Trampa başa salmaq lazımdır ki, soyuqqanlı siyasət yürüstün və Amerika əvvəlki balanslaşdırılmış siyasətinə qayıtsın. Tramp nə qədər sərt danışsa da, riskli addımlardan çəkinir. Çünki bu addımlar nəinki beynəlxalq aləmdə, hətta Amerikanın özündə də ciddi problemlər yarada bilər”.

Ziya Səccad
Ölkə.Az