Tramp ərəb ölkələrinə səsləndi

"Ölkə.Az" xəbər verir ki, Səudiyyə Ərəbistanının paytaxtı Ər-Riyadda 55 müsəlman ölkəsinin təmsilçilərinin iştirak etdiyi zirvə görüşündə çıxış edən Tramp terror qurbanlarının əsasən ərəb, müsəlman və Orta Şərq ölkələrinin məsum insanları olduğunu bildirib. Tramp qeyd edib ki, terror qurbanlarının 95 %-i müsəlmanlardır.

Tramp qeyd edib ki, terroru yalnız ölənlərin sayı ilə yox, məhv olan arzuların sayı ilə də ölçmək lazımdır. ABŞ prezidenti bildirib ki, İŞİD və digər radikal terror qruplaşmaları ən çox ərəb ölkələrinə ziyan vurur.

Tramp müsəlman ölkələrə səslənərək "Onları ibadət yerlərinizdən, cəmiyyətlərinizdən, müqəddəs torpaqlarınızdan və bu dünyadan uzaqlaşdırın. Onlar Allaha deyil, ölümə sitayiş edirlər. Terrorizm dünyanın hər yerinə yayılıb. Sülh yolu bu müqəddəs və antik torpaqlarda başlayır".

Hikmət
Ölkə.Az